Popular Bible Verses from Luku 9

শেয়ার

Huna tepe wundɛ bindɛ fooma, na “Mɛnɛ wɔ yo wɔ thimoŋ ba yama yema, yɔkɔŋ wundɛ be thanthiye yɛthɛ nama, e wundɛ yinthɔkɔ kuyeŋ nama kubariŋande ku ka nambara baŋ koŋ timo tima, e yema yama.

Ba wɔ yo wɔ wo thimo ba niya sii nama baŋ kisi, wundɛ kɔŋ bɛŋ piriŋiŋ; kɛrɛ wɔ yo wɔ wo piriŋiŋ sii nama baŋ ba saathɛ ba kiyaŋ, wundɛ kɔŋ bɛŋ ni kisi.

Huna tepe Yisɔs kɛnama, na “Wɔ yo wɔ wo bohi kusala koŋ ba thɛɛluwa haŋ e wundɛ kɔ detha mahɛŋ, wundɛ sisandeta ba Hugbakine hu ka Masaala haŋ.”

Mɛnɛ wɔmɛti kute munkɔŋ mu ka faido fooma, kɛrɛ wundɛ piriŋina sii nama baŋ, mbɛ munahaŋ ba kute wundɛ? Hali, wundɛ tha kutu munahaŋ ndo munahaŋ!

Kɛrɛ mɛnɛ wɔ yo wɔ niyɔy yama kuyaahu iŋ mathanani makiyaŋ maŋ, Hati ka Wɔ woŋ kɔŋ nɔŋ niŋ niyɔ kuyaahu ti nɔŋ wundɛ see ka yiki nama baŋ iŋ ba ka Fandama woŋ baŋ iŋ ba ka malekɛŋ bi ka Masaala beŋ baŋ.

Huna tepe niŋ Yisɔs, na “Bayɔbɔini beŋ bi kɔŋ iŋ yikiyani; bɛtiŋ bi keŋɛ beŋ bi kɔŋ iŋ thahooti ka bindɛ hure; kɛrɛ Hati ka Wɔ woŋ ka hintiŋ nthɔŋ iŋ ka wundɛ taaye yaha nama haŋ.”

e tɛpa kɛnamɛŋ, na “Wɔ yo wɔ wo yɛrɔkɔy hati woŋ baŋ ka keŋ kukiyaŋ koŋ, wundɛ yɛrɔkɔy yama. Awa wɔ yo wɔ wo yɛrɔkɔy yama, wundɛ yɛrɔkɔy wo ŋindɛ yama woŋ. Mba wo yamɛ thahuwɔ woŋ ka mateete makendeŋ nthɔŋ nda fooma, wundɛ na yamɛ nthɔŋ nda ba beŋ fooma.”