Popular Bible Verses from Varoma 6

শেয়ার

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Se txionho kha txi na mbi va ni mtamo txitimwi kwanu, nguko anu kha mi nga hahatshi ka mlayo, aniko mi hahatshi ka kateko.

Ngu toneto, ngu kubhabhatiswa hi keletwe kumweko nayo kufani, kasiku, kota nga ti Kristu a nga wuka ka vakufa ngu mtamo wa wudhumo wa Tate, nanathu hi fanela kuhanya wutomi wa wuphya.

mi nga ningeleni sihango sanu kuonhani, si maha matxhari a ku ambi lulama, aniko ti ningeleni ka Txizimu, nga va va nga huma kufani, ve hanya, mi teka sihango sanu si maha matxhari a kululama, a kuthumela Txizimu.

Hotshethu ha tiziva ti to m'thu wathu wa kale a bethetwe ha txihambanoni kumweko ni Kristu, kufela ku mmidi wa txionho wu hasulwa, hi si swi kambe hi di tikhumbi ta txionho.

Ngu toneto, na nanu ti maheni vakufa ka txionho, kufela ku mi txi hanyela Txizimu ngu Kristu Jesu.

Hi na txani koko kani? Hi na simama hi zumba txionhoni, kasi kateko yi anda kani? Lambi! Akuwa athu hi nga fa ngu didhawa da txionho, se hi nga hanyela txani kambe txionhoni kani?

Ina kha mi tizivi ti to ngako mi txi ti maha tikhumbi ta wokari kasi ku mu engisa, mi tikhumbi ta ene wu mi mu engisako, mwendo tikhumbi ta txionho txi txi yisako kufani, mwendo tikhumbi ta kuengisa kuwa ku yisako kululamani kani?

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona. Se mi di thukunyutwe ka txionho mi ti mahile tikhumbi ta kululama.