Popular Bible Verses from Vafilipiya 4

শেয়ার

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Sekoko kuthutha ka Txizimu, kupindako wotshe wuzivi, ku na veketa timbilu tanu ni mialakanyo yanu ngu Kristu Jesu.

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Totshe na ti kota, ngu kutsaniswa ngu wule a ni ningako mtamo.

Tsakani ka Mkoma yotshe mbimo! Na engeta ni mi gela: Tsakani!

Txizimu txangu, txi na mi ninga, ngu kutatiseka, sotshe si mi si vilelako, madingano ni kutala ka thomba ya txona ya kuphatima, ngu Kristu Jesu.

Ati mi nga gonda ni ti mi nga ti amukela, ati mi nga tiengisa, ni ti mi nga ti wona kwangu, ngu ti mi fanelako ku ti maha. Txizimu txa kudikha txi nave ni nanu.

Wunene wanu wu na ziwe ngu votshe vathu. Mkoma a hafuhi!

Na tiziva kuhanya ngu wusiwana, na tiziva kambe kuhanya ngu kuenelelwa. Ka yotshe mbimo ni ka otshe mahanyelo, ni gondile kudya ni txi khura, ni kuzumba ni si dyi txilo, kuhanya ngu kutalelwa mwendo kuxaniseka ngu kupwata.

Kha ni wombi tiya ngu mhaka ya kuhenya, nguko ni gondile kutsaka ngu tihi ni tihi ni manekako ni di ka tona.