Popular Bible Verses from KEUJADIAN 28

শেয়ার

Ingat kheueh, Ulôn kutulông dan Lôn jaga gata, homantong nyang gata jak, dan Ulôn teuma kupuwoe lom gata u nanggroe nyoe. Ulôn hana Lôn tinggai gata sampoe Ulôn peubuet banmandum peue-peue nyang ka lheueh Ulôn meujanji ubak gata.”

Dan bak binéh gobnyan ka teudong TUHAN deungon feureuman geuh lagée nyoe, “Ulôn kheueh TUHAN, Allah nyang jipujoe lé Nabi Ibrahim dan Nabi Ishaq. Ulôn teuma Ulôn bri ubak gata dan keuturonan gata tanoh teumpat gata éh nyoe.

Dan Nabi Yakub laju teubeudôh nibak teumpat éh geuh dan laju geupeugah, “TUHAN na disinoe, bak teumpat nyoe, teuma barô kheueh jinoe ulôn teupeu!”

Dan geumeusumpah kheueh Nabi Yakub bak teumpat nyan, “Meunyoe TUHAN geutulông dan geulindong ulôn bak lôn jak nyoe dan geubri keu ulôn peunajoh ngon peukayan sampoe ulôn woe u rumoh ayah lôn deungon seulamat, TUHAN teuma jeuet keu Allah ulôn. Dan ulôn teuma ulôn bri ubak TUHAN siper siploh nibak peue-peue mantong nyang ka TUHAN bri keulôn. Batée peuingat nyang ulôn peudong nyoe teuma beujeuet keu teumpat seumujoe ubak TUHAN.”

Keuturonan gata jai lumpah na lagée abée nyang na bak bumoe. Awaknyan teuma jipeuluwah wilayah jih sampoe u jeub-jeub arah, dan meulalu gata dan keuturonan gata, Ulôn teuma Lôn bri beureukat ubak mandum bansa nyang na ateueh rhueng bumoe.

Teumpat nyan geuboh nan Betel. (Yoh ilée nan jih Lus).