Popular Bible Verses from KEULUARAN 20

শেয়ার

“Ulôn kheueh TUHAN Allah gata nyang ba gata teupeuteubiet nibak nanggroe Meusé bak teumpat gata jicok keunamiet. Bék gata seumah ilah-ilah nyang laén, dan seumah kheueh Ulôn mantong.

Bék gata peugét keudroe gata patong nyang saban lagée peue mantong nyang na di langét, di bumoe atawa lam ié dimiyueb bumoe. Bék gata seumah patong nyang lagée nyan, sabab Ulôn kheueh TUHAN Allah gata, dan Ulôn hana kutem gata peusa ngon peue mantong. Ureuëng-ureuëng nyang banci keu Ulôn, Ulôn huköm sampoe ubak keuturonan jih nyang keu lhée dan nyang keu peuet.

Horeumat kheueh ubak ayah ngon ma gata, mangat gata seujahtra dan panyang umu lam nanggroe nyang teuma Ulôn bri keu gata.

Peuraya kheueh uroe Sabat dan horeumat kheueh uroe nyan sibagoe uroe nyang suci.

Bék gata hôi nan Ulôn ngon sia-sia, sabab Ulôn, TUHAN Allah gata, Ulôn huköm soemantong nyang jipeusalah guna nan Ulôn.

Keu gata Ulôn bri nam uroe keu gata meubuet, teuma bak uroe nyang keutujoh na kheueh uroe meureuhat nyang khusos keu Ulôn. Bak uroenyan hana meusidroe pih nyang jeuet jimeubuet, bah kheueh nyan gata, meunan cit ngon aneuëk-aneuëk gata, namiet-namiet gata, beulatang peulara gata dan ureuëng aséng nyang na tinggai lam nanggroe gata.

Bék gata meuheut atra ureuëng laén: rumoh jih, peurumoh jih, namiet-namiet jih, beulatang peulara jih, keuleudée jih, atawa peue mantong atra ureuëng nyan.”

Bék jeuet keusaksi peuleusu keuhai ureuëng laén.

Bék gata peubuet mukah.

Bék gata poh maté gob.

Bék gata ceumucue.