Popular Bible Verses from KEULUARAN 16

শেয়ার

Kheun awaknyan, “Leubeh gét meunyoe kamoe nyoe ka maté geupoh lé TUHAN di nanggroe Meusé. Disideh sihana-hana jih kamoe mantong jeuet kamoe duek sira kamoe pajoh eungkot sie ngon ruti sitroe-troe jih. Teuma bak saát nyoe droeneueh ka neuba kamoe keunoe mangat kamoe banmandum maté sabab keunong deuk.” Feureuman TUHAN ubak Nabi Musa, “Jinoenyoe Ulôn peutreun peunajoh nyang meulimpah ruwah lagée ujeuen keu gata banmandum. Tieb-tieb uroe gata harôh tapeusapat peunajoh nyan siseb-seb jih keu siuroe pajoh. Deungon cara lagée nyan Ulôn keuneuk ujoe umat Ulôn mangat jeuet Lôn teupeue peu kheueh awaknyan taát ubak peue-peue nyang ka Ulôn peurintah atawa hana?

Lam padang pasi nyan awaknyan mandum meukrôb-krôb ubak Nabi Musa ngon Nabi Harun.

TUHAN teuma geubri keu gata eungkot sie óh watée uroe seupôt, dan geubri ruti óh watée beungoh sampoe gata banmandum troe, sabab TUHAN ka geudeungoe gata beungéh-beungéh ubak Gobnyan. Nyang sikeubiet jih, meunyoe gata beungéh-beungéh ubak kamoe, gata pih beungéh-beungéh ubak TUHAN.”

“Ulôn ka Lôn deungoe ureuëng Israel jimeurapa. Peugah kheueh laju ubak awaknyan bahwa óh watée uroe ka seupôt eunteuk awaknyan ka jeuet jipajoh eungkot sie, dan óh watée beungoh awaknyan jeuet jipajoh ruti sampoe án troe. Dan awaknyan teuma jiteupeue bahwa Ulôn kheueh TUHAN, Allah awaknyan.”