Popular Bible Verses from Wlǔmɔ 4

শেয়ার

Ɔ se Nyesoaa tè kàan tè popoɛ bɔ̌ plě ɔ sea Nyesoaa pee dɛǒ kplɛ po ɛ̈ moo Ɔ miǎ ɔ jbɛjuju nyema. Kɛɛ ɔɔ tè wlò popoɛǒ nɛ̀ pea ɔ kbě ja le kaǒ ɔ̌ pea Nyesoaa nynɛ̌ le. Kplɛ wùɛ nɛ̀ sea lě ɔɔ wlò jleě ne ɔ̌ jia lɛ ɛ̈ moo Nyesoa kɔna kpě keǒ Bɔ nua dɛ Ɔ peea lěe.

Kě ɛ nu chleěa klě Nyesoaa win wlòmo ɛ̈ moo, “Ě miì dakwɛ̌ fòfoaa gbeǐ mǒ numa.” (Gen 17.5) Eblɛ̌hɛ̀mo nɔ̀ moo äa gbeǐ klě Nyesoa jǐ kɛn. Eblɛ̌hɛ̀mo po Nyesoaa tè kàan tè Ɔ̈à nyu bɔ̌ kǒo Ɔ̈ jɛ lɔɔ de Ɔ̈ nye nɔɔ fònfno plě Ɔmo Nyesoaǒ Ɔ̈ boɛɛ wien noǎ wěe tàmo ǐ nee kmɔ̌ ïà se pnɔɔ kmɔ̌ ne.

Äa kpni kukwǐ nì kɔn tè u sàla Jùsu Bɔ kǒa plě Nyesoa dǔa Ɔ jemǒ keǒ Bɔ mǐ ä jebo siǐn nyo mǒ nu.

Bò kea lɛ jě, è jè wakǎ tɛ̀ɛ sea tà ne keǒ Eblɛ̌hɛ̀mo jleě mǒ, kɛɛ ɔ poa Nyesoaa tè kàan tè, dɛǒ nɛ̀ kɔn tè Ɔ nua ɔ dakwɛ̌ fòfoaa gbeǐ mǒ wòje ke Nyesoa nuaě ɛ ɔɔ pooa, kě Ɔ dǎla ɔ je Ɔ je, “Nè jlǔu jlǔ miǎ fòba wòje jɔtnè.” (Gen 15.5)

Tèǒ nì kɔn tè Nyesoaa pee dɛ keǒ ä mɔ̀ ɛ̈ monoo kmɔ̌ sie fònfno ɛ nynaǒ tè wlò popoɛ kɛn bo. Dɛǒ nɛ̀ nu ɛ ɛmo pee dɛǒ ɛ̌ tee Nyesoaa wlòo jlajlǎ dɛ ɛ̈ɛ̌ sàa Ɔɔ wlò kǔ mǒ kɛn keǒ ä mɔ̀. Ii tè pee dɛǒ ɛɛ tè se kplɛ ɛ̈ kɔnʼǒo Eblɛ̌hɛ̀moo jlǔu jlǔ mɔ̀. Ɛ se nyopò bu tùǒ Nyesoaa teteǎ boo do, ɛ kɔnʼǒ nyopòà ü kɔnʼɔ tè wlò popoɛ mɔ̀ ke wòje Eblɛ̌hɛ̀mo ɔ̈ moo äa wùɛ äa gbeǐ.

“Bɛ̌ nu Nyesoa Bɔ̌ poo nyopòǒ uu dɛ kukǔu tè wlò le plě Bɔ̌ kan uu noǎ kukwǐ kɛn, è u kɔn ngmna. Bɛ̌ nu bo Koɔn Bɔɔ̌ mǎ nyuu noǎ kukwǐi tài ble, è nyuǒ ɔ kɔn ngmna.” (Ps 32.1-2)

Deě ɛ se kɛ ke Nyesoaa win dɛ̌ɛ ɛ̈ moo, “Eblɛ̌hɛ̀mo poa Nyesoaa tè kàan tè, nɛ̀ kɔn tè Nyesoa jěa lɔ ɔ̌ mooa jebo siǐn nyu?” (Gen 15.6)