Popular Bible Verses from Wlǔmɔ 10

শেয়ার

ɛ̈ moo bɛ̌ nu bɛ̌ diiǒ nè chɛ̀ wien ɛ̈ moo Jùsu moo nè Koɔn plě bò po i kàan tè klě dìe wlò jleě ɛ̈ moo Nyesoa Nɔ̀ sàě Ɔ kǒla mǒ, mì waba.

Ii kàan tè popoɛ klě aa chɛ̀ wlè jleě nɛ̀ mi a jebo siǐn nyo mǒ numa plě ba sàě i wun mǒ nɛ̀ mi a waba.

Tèǒ nì kɔn tè tè wlò popoɛ diiě tuposàǒ ɛɛ wonwɔ̌n mǒ, è dɛǒ u wɔ̌nʼɔ ɛ sɔnʼě mǒ tuposàǒ mǒ ɛ̈ kwɛɛǒo Tentǎn Jǔu tè jleě mǒ bo.

Kě Nyesoaa win dɛ̌ ɛ̈ moo, “Nyu wùɛ ɔ̈ mii Jùsuu tè kàan tè poba, ɔɔ wlò se wɔ̀ɔn beba mu.” (Is 28.16) Mɔ̀le bebɛ̌ seǒ Jùwɛ nyo klee kuodakwɛ̌ slè ne. Mɛ kɔɔ̌n tèǒ joo nɛ̀ moo Jùsu moo Koɔn keǒ ämo Nyesoa nyo wùɛ mɔ̀ plě Ɔ̌ pe nyopò ngmna fòfoa mɔ̀ üà dɛ Lɔɔ. Kě Nyesoaa win dɛ̌ i je, “Nyu wùɛ ɔ̈ mii Koɔn Nyesoaa nynɛ̌ daba, Ɔ mi ɔ waba.” (Joel 2.32)

Bo Nyesoaa win boɔ nyo bǔ se kɛ dboo lo, è ke u wɔ̀le je bu nuǔ kɛ ɔɔ tuposàǒ kpokpa? Kě Nyesoaa win nu ɛ chlechlě ɛ̈ moo, “Nyopòà kpɛɛ Nyesoaa kàan tuposàà klě nyopò tùu mɔ̀ ɛ moo wlòlekaen dɛ.” (Is 52.7)

Ke ɛ toon jleě mǒ bo imo tèǒ ǐ moo kàan tè, bo nyopò bǔ se Jùsuu tè kàan tè po, è ke u miǐ kɛ Ɔ wan gbògba numa keǒ Bɔ wa lu? Plě bǔ sěɛlǎ Ɔɔ tè wɛ̌n, è ke u miǐ Ɔɔ tè kàan tè popoɛ numa? È bo nyu bɔ̌ se u Ɔɔ tè je boɔ, è ke u miǐ kɛ Ɔɔ tè wonwɔ̌n numa?

Tentǎn Jǔ Nɔ̀ chlà Nyesoaa teteǎa kpě dlǒ, dɛǒ nɛ̀ nu ɛ nyu wùɛ ɔ̈ mi Ɔɔ tè kàan tè poba ɔ moo jebo siǐn nyu.