Popular Bible Verses from Yuḥanna 1

শেয়ার

Yinni iy ṯ iqebȓen umnen zzayes zeg yisem nnes, yuca-asen netta ṯizemmar ḥima aḏ ḏewȓen ḏ ṯarwa n Arebbi.

Ḏeg umezwaru iǧa wawaȓ. Awaȓ nni iǧa ak Arebbi. Awaȓ nni ḏ netta ig iǧan ḏ Arebbi.

Nnur nni itceƹciƹ ḏi ṯaǧest, ṯaǧest nni war ḏas ṯzemmar.

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Zzayes iy d ixȓeq Arebbi marra, u bȓa awaȓ nni war tiȓi uȓa ḏ ijjen n ṯmesȓayṯ zi min d ixȓeq. Ḏayes iy ṯeǧa ṯuḏarṯ, u ṯuḏarṯ nni nettaṯ ḏ nnur i yiwḏan.

Ṯiwecca nnes Yaḥya itwaȓa Ƹisa iggur-d ɣares, inna: "Xzarzeṯ, ḏ win ḏ Izmar n Arebbi iy ɣa ikksen ȓmuƹṣiyeṯ x yiwḏan marra.

Nnur nni tuɣa iǧa ḏi ddunect. Waxxa ḏ netta ig iggin ddunect, ayṯbab n ddunect war ṯ ssinen ca. Yusa-d ɣar ṯmurṯ nnes, ayṯbab n ṯmurṯ nnes war ṯ qbiȓen ca.

iƹni nnur nni nican tuɣa d itasen ɣar ddunect-a aḏ iceƹceƹ x kuȓ bnaḏem.

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.