ମାତିଉ 18 থেকে জনপ্রিয় বাইবেল পদ

শেয়ার

ଆଣ୍ଡି ଅରିଆ ମ୍ବାୟା ଣ୍ଡୁଲା ମ୍ୱାୟାବାନ୍‍ ଜବର୍ ରେମୁଆଁ ନେଙ୍ଗ୍ ମ୍ନିରେ ମୁଇଂନ୍ନିଆ ରିସିଙ୍ଗ୍‍ଲେ ଆର୍‌ଏ ନେଙ୍ଗ୍ ଆତ୍‍ ଅରିଆ ପାଙ୍ଗ୍‍ନ୍ଲେଏ ।”

ମାତର୍‌ ଅଃତେନ୍‍ ଆଃ ଣ୍ଡୁ, ନିଂ ଆପେକେ ସତ୍‌ ବାସଙ୍ଗ୍‌ଣ୍ଡିଂ, ଦର୍‌ତନିନ୍ନିଆ ପେବାନ୍‍ ମ୍ବାୟା ମେଁ ବିସୟ୍‌ରେ ମୁଇଂ ମନ୍‍ ଡିଗ୍‍ଚେ ଆତେନ୍‌‍ସା ପାର୍‌ତନା ପେଡିଙ୍ଗ୍‌ଏ ନେଙ୍ଗ୍‌ନେ କିତଂନେ ଆବା ନାନେ ଆତେନ୍‌ ଇକ୍‌ଚା ପୁରନ୍‍ ଆଡିଙ୍ଗ୍‌ଏ ।

ଜିସୁ ମୁଇଂ ଡାଆଁନେ ଗଡ଼େଅକେ ମେଁଇଂନେ ସେନୁଗ୍‍ ଆତୁଆଁଚେ ବାସଙ୍ଗ୍‌କେ “ନେଙ୍ଗ୍ ଆପେକେ ସତ୍ ବାସଙ୍ଗ୍‌ଣ୍ଡିଂ ପେଇଂ ମନ୍ ବଦ୍ଲେଲେଃଚେ ଏନ୍‌ ଡାଆଁ ଗଡ଼େଅ ସୁଗା ଆଡିଙ୍ଗ୍‌ଲା କିତଂଇନିନ୍ନିଆ ୱେଚା ପେୟା ଣ୍ଡୁ ।

ଜା ନିଜେକେ ଡାଆଁ ଆଡିଙ୍ଗ୍‌ଚେ ଏନ୍‌ ଡାଆଁ ଗଡ଼େଅ ସୁଗୁଆ ଡିଙ୍ଗ୍‌ଏ ମେଁ କିତଂଇନିନ୍ନିଆ ସାପାବାନ୍‍ ମ୍ନା ।”

ବାରି ଜାଡିଗ୍‍ ନେଙ୍ଗ୍ ମ୍ନିରେ ଦେକ୍‌ରକମ୍ ମୁଇଙ୍ଗ୍ ଡାଆଁ ଗଡ଼େଅକେ ଗ୍ର‍ଅନ୍‌ ଡିଙ୍ଗ୍‌ଏ ମେଁ ଆନେଙ୍ଗ୍ ଡିଗ୍ ଗ୍ର‍ଅନ୍‌ ଡିଙ୍ଗ୍‌ଏ ।

“ଆପେକେ ଏନ୍‌ ସାମୁଆଁ ସତ୍‌ ବାସଙ୍ଗ୍‌ଚେ ବଣ୍ଡିଙ୍ଗ୍‍କେ, ପେ ଏନ୍‌ ମଞ୍ଚ୍‌ପୁର୍‌ନ୍ନିଆ ମେଃନେ ମନା ପେଡିଙ୍ଗ୍‌ଏ କିତଂନ୍ନିଆ ଡିଗ୍ ଆତେନ୍‌ ମନା ଡିଙ୍ଗ୍‌ଏ ଆରି ଜା ସାପା ମଞ୍ଚ୍‌ପୁର୍‌ନ୍ନିଆ ଆଦେସ୍‍ ପେବିଏ କିତଂନ୍ନିଆ ଡିଗ୍ ଆତେନ୍‌ ଆଦେସ୍‍ ମିଲେଏ ।

ଜିସୁ ଉଃସ୍ରା ଆଃଡାଚେ ବାସଙ୍ଗ୍‌କେ, “ପେନେ ବିରଦ୍‌ରେ ଦସ୍‍ ଡିଙ୍ଗ୍‍ବକ୍ନେ ରେମୁଆଁଇଂକେ ରୁଦୟ୍‍ନ୍ନିଆ ଜଦି କେମା ପେବି, ତେଲା ନେଙ୍ଗ୍‌ନେ କିତଂ ଲେକ୍ନେ ଆବା ଡିଗ୍ ନାନେ ଆଡ଼ାତ୍ରା ଦେକ୍‌ରକମ୍ ବେବ‍ଆର୍ ଡିଙ୍ଗ୍‌ଏ ।”

ଆନେଙ୍ଗ୍‌କେ ସତ୍ ମାନେଡିଙ୍ଗ୍‌କ୍ନେ ଏନ୍‌ ଡାଆଁ ଗଡ଼େଅଇଂନେ ବାନ୍ ମୁଇଂଜା ସତ୍ ମାନେକ୍ନେ ଜା କି କସ୍ଟ ବିଏ ମେଁନେ ଲୁଗଃନ୍ନିଆ ମୁଇଙ୍ଗ୍ ପିନିଡିର୍‍ ବ୍ରି ଗାଗ୍‌ଚେ ଆମେକେ କେଣ୍ଡିଆନ୍ନିଆ ଜଗ୍‍ତ୍ଲାଗ୍‍ନେ ନିମାଣ୍ଡା ।

“ନାଁ ମେଃନେ ଏତେ ନାଡିଙ୍ଗ୍‍କେ, ଜଦି ମୁଇଂ ରେମୁଆଁନେ ମାଲ୍‍କୁଡ଼ି ମେଣ୍ଡା ଲେଃଏ ବାରି ଆତ୍‌ବାନ୍ ମୁଇଙ୍ଗ୍ ବଃୱେଏ, ତେଲା ମେଁ ମେଃଡିଙ୍ଗ୍‌ଏ ? ଅନେସ୍‌ପତ୍‌ ମେଣ୍ଡାଇଂକେ କଣ୍ଡା ଆଡ଼ାତ୍ରା ତୁର୍‍ତ୍ୟାନେ ଆନ୍ତାର୍ଚେ ଆତେନ୍‌ ବଃଲେକ୍ନେ ମେଣ୍ଡା ଆତୁର୍ ଣ୍ଡୁ ?