BAROMA 12 থেকে জনপ্রিয় বাইবেল পদ

শেয়ার

Le se ke la tshwana le ba lefatshe lena, le mpe le fetohe ka ho ntjhafala dikelellong, hore le tle le iphumanele seo thato ya Modimo e leng sona, e leng sohle se molemo, se kgahlehang, se phethehileng.

Bana beso, ka baka la mohau wa Modimo, ke a le rapela hore le ineele Modimo, le le sehlabelo se phelang, se halalelang, se mo kgahlisang, e leng tshebeletso ya lona e tshwanelehang.

Thabang ka baka la tshepo ya lona, mamellang matshwenyehong, tiisetsang thapelong.

O se ke wa hlolwa ke bobe, o mpe o hlole bobe ka botle.

Ratanang jwaloka bana ba motho, le hlodisane ha le hlomphana.

Lerato le hloke boikaketsi. Hloyang bobe, kgomarelang botle.

Ha ho ka etsahala, bolokang kgotso le batho bohle, ho ya kamoo le ka kgonang kateng.

Baratuwa, le se ke la iphetetsa, le mpe le siele kgalefo ya Modimo sebaka, hobane ho ngotswe, ho thwe: “Phetetso ke ya ka, ke nna ya tla lefeletsa,” ho rialo Morena.

Le se ke la ba botswa, le mpe le be mafolofolo, le sebeletse Morena ka moya o tjhesehang.

Ka baka la neo ya mohau eo ke e neilweng, ke bolella e mong le e mong wa lona hore a se ke a ikgopola ho feta tekanyo, a mpe a inahane ka mokgwa o lekaneng, ho ya kamoo Modimo a lekanyeditseng e mong le e mong tumelo ya hae kateng.

Se buseletseng bobe ka bobe; pheellang ho etsa tse ntle mahlong a batho bohle.

Utlwanang ka ho tlala, le se ke la ikakasa, empa le be metswalle ya ba eisehang. Le se ke la ipona bohlale.

Empa: “Ha sera sa hao se lapile, se fepe; ha se nyorilwe, se fe metsi se nwe; ka ho etsa jwalo o se hlabisa dihlong.”

Hlohonolofatsang ba le hlorisang; le ba hlohonolofatse, le se ke la ba rohaka. Thabang le ba thabileng, llang le ba llang.

Kenyang letsoho thusong ya badumedi ba hlokang, thabelang ho amohela baeti.

Jwalokaha re ena le ditho tse ngata mmeleng o le mong, empa ditho tseo tsohle di sa etse mosebetsi o tshwanang, ka mokgwa o jwalo, leha re le bangata, re mmele o le mong ho Kreste, e mong ke setho sa e mong.