Popular Bible Verses from Mateo 5

শেয়ার

Na aantu kweene yasulukosha koloboi yawiika un-nyiingu, leelo yakuwiika apiyulu, nga nawe asweefesha yooshi yano yali un-ng'aanda. Ifino nu mwengelela wino kweene uswefezye aantu, yalole imilimo yino imisiifu, yalumbaanye So wino wa mwiyulu.

Mwemwe mwengelela wa nsi. Unsi utaangi ufisame ndi uli apa mwaamba apiyulu.

“Inkata yao aya myeso misiifu, kuno weene yalunnola Leesa.

“Inkata yao a ansala nu unsala uku chumi, kuno weene yalwikuta.

Leelo neemwi ndumuneena, fino mukuunde asiluweembu yino kweene, muyalombela yano yamusunya.

“Inkata yao apina ya mweeso, kuna uweene-wa-mwiyulu uwao.

“Inkata yao yakupulikanya, kuno weene yalwiitwa ana yi Leesa.

“Inkata yao ali na malaanda, kuno weene yalusungulwa

“Inkata yao yano yasuumwa uku fya chumi, kuno uweene-wa-mwiyulu uwao.

“Inkata yao yano yalukumbukila, kuno wene yalukumbukilwa.

“Inkata yino mweemwe yano mulutukwa nu kusunywa nu kumwifikisha chila iswii liyifu uku ufii, uku ndaandu waane. Chimbiini nu kuchimbilila, kuno mululambulwa ichikulu umwiyulu; kuno ifino yayasunyile yakalausha yano yali inkoleelo yiino.

“Inkata yao afyaaliike, kuno weene yalupyaana insi.

“Mwemwe nsilya wa nsi; leelo ndu unsilya utakaliipe, ungateela chaani, kuti unone? Chitasiifile kayiili, leelo ukusuumbwa apaasi, nu kulyaatwa na aantu.

Ichino neemwe muyaane, ndi fino So wino uwa mwiyulu wayaana.

Leelo amaswi yino yawe Ee, Ee; Aawe, Aawe. Kuno ndi yano yaluta pao aangi yafuma kuli wiwi Unjiipe.

“Mwapulika fino chafwaangwa: ‘Iliinso kwi liinso, ni liino ukwi liino.’ Leelo neemwi ndumuneena, fino mutachipashanya nu njiipe; leelo ndu ntu wino wakuuma itama lya kwi luunji, insenwiile ni lya uwiili.

Ni liiso lyaako ilya kwi luunji, ndi lyaleka wanoona, ulifyonkole, ukalisuumbe ukutali neewe, kuno chingakusiipila ichai chaako choonga chilowe, kuleka umwiili waako wooshi, utiisa ukasuumbilwe un-chilinkwe cha mooto. Nikasa lyaako lya kwi luunji, ndi lyaleka wonoona, liputule, lisuumbe ukutali neewe, kuno chingakusiipila ichai chaako chonga chilowe, kuleka umwiili waako wooshi usuumbilwe un-chilinkwe cha mooto.