Popular Bible Verses from Pʉɔ-Lɔ́mɑ 13

শেয়ার

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Kɔɔ ŋu wʉʉ ɡẅɛɛ yɛcɔ́ nzɔ́ ndɛꞋ tɛ ndíꞋ ndɑꞋ nɛkɔŋ ŋu, ɛ́ nzɔ́ yi pɔ́ɔpɛ́mɑ́ ɡẅɛɛnɛ nɛtɔŋɛ tsɛtsɛt pɔ́p mbíꞋŋɡɔ ŋu lɑɑ ŋ́kɔŋ pɛcɔ́ pʉɔ, mbɔ ɑ lɔk ŋ́kúꞋlɛ nɛpʉ́ʉ-Sɛ́ tsʉʉ.

Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu lɑ́ tsɛtsɛt pʉʉ zúꞋ ntsu-pʉɔ pi pɔ́p sɑ́Ꞌnɛ ŋɡɔŋ, mbíꞋŋɡɔ nɛsɑ́Ꞌ ŋɡɔŋ fú pɔ mbɔ̌ Sɛ́. Sɛ́ kɑ zɑ́pnɛ pɑsɑ́Ꞌŋɡɔŋ pi pɔ́p ɡú.

ZɑꞋ tsuŋ mɔ́ ńdɛɛ, njí pɔ́ mɔ́ ŋ́kiɛ. Pɔ́Ꞌɔ lɑ́, pɛkŋɛ mɛꞋ mɛfɑꞋ mi pɛ́ fɑꞋnɛ pɔ tsɛt nzɛ́nzʉ́ʉ, pɛkŋɛ tíi yúu-ntsɔ yi ɛ́ tʉ́ʉnɛ nǔu zʉꞋ kyɛꞌ, ńdɔk ńdʉ̈ɔ́Ꞌ ntsɔ.

Ŋu lɑɑ ḿbɔ́ ŋ́kɔŋ mɔ́ɔmɑ́ wɛ ŋumɛsɔŋ, mbɔ ɑ kɑ́ pɔ́ ńdɔk ŋ́ɡɛ yɛcɔ́ nu kɛpɔŋ nǔu ŋɡɑŋ pɔ́, ɑ lɔk pɔ́Ꞌɔ, ŋ́kúꞋlɛ nɛpʉ́ʉ-Sɛ́ tsʉʉ.

Pɔ́Ꞌɔ lɑ́, ɛ́ ɡʉ nǔu pɑsɑ́Ꞌŋɡɔŋ, pʉʉ ɡɑ́ yúu mi ɛ́ sɛ́ ḿbíkŋɛ ŋɡɔ pʉʉ ɡɑ́ mbɔ̌ mbɑ wɛ́tɛ́ ŋu lɑ́ mbɔ̌ wɛ́. Ɛ́ lɑɑ ḿbɔ́ ntsup-ŋɡɔŋ, pʉʉ ɡɑ́ mbɔ̌ ŋu ẅí ɑ cẅɛ́ɛnɛ ntsup-ŋɡɔŋ, ḿbɔ́ ŋkɑ́p yi nɛpʉ́ʉ sɛ́ ḿbíkŋɛ mbɔ̌ pʉʉ nǔu yɛcɔ́ nu, pʉʉ ɡɑ́ mbɔ̌ ŋu ẅí ɑ cẅɛ́ɛnɛ. Pʉʉ zúꞋ ntsu-ŋu ẅí ɛ́ sɛ́ ḿbíkŋɛ ŋɡɔ pɛ́ zúꞋ ntsu wɛ́, ŋ́ɡɑ́ mɛkuꞋ ŋu ẅí ɛ́ sɛ́ ḿbíkŋɛ ŋɡɔ pɛ́ ɡɑ́ mɛkuꞋ mɛ́.