Popular Bible Verses from Lúkɑ́shi 14

শেয়ার

«Ŋu lɑɑ ńcʉ́ɔ nzʉʉ mɔ, kɛ́ kɔŋ wɑ́ɑ ńtsɑ tɑ́t wɛ, ńtsɑ mɑ́ wɛ, ńtsɑ nzwɛ́ wɛ, ńtsɑ mbɔ́ŋkʉ̈ɔ́ pɛ́, ńtsɑ pɔ́ɔpɛ́mɑ́ pɛ́ pɛ mbɛ́ɛnɛ mbɑ pɛ pɑŋɡɛ́, ńtsɑ mbɑ kwɑꞋ tú mbʉʉ wɛ́ pɔ́, mbɔ ɑ kɛ́ kuꞋ nɛpɔ́ ŋɡɑŋku wɑɑ pɔ́.

Ŋu lɑɑ ḿbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.»

Ɛ́ pɔ́Ꞌɔ, lɑ́ m bɔ́ ŋɡɔ ŋu lɑɑ ŋ́ŋɑ́Ꞌ mbʉʉ yɛ, mbɔ Sɛ́ ɡɛ ŋ́kɔk wɛ́ ŋ́ɡɑ́ sɛ́, ŋ́kɛ́ ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡɛ ḿbʉꞋ wɛ́ ńtík tíknɛ.»

Pɔ́Ꞌɔ Yɛ́su cú mbɔ̌ pɔ́p ŋɡɔ: «Ɛ́ ndʉ́ŋndʉŋ pɔ́Ꞌɔ, mbɑ wɔ̌ lɑ́ tsɛtsɛt pʉʉ lɑɑ ḿbɔɔ piitɛ ńnɑ́ yúu tsʉʉ yi ɑ ɡẅɛɛnɛ pɔ́, mbɔ ɑ kɛ́ kuꞋ nɛpɔ́ ŋɡɑŋkuwɑɑ pɔ́.»

Pɔ́Ꞌɔ lɑ́, ŋu wʉʉ lɑɑ ḿbɔ́ ŋ́ɡʉ ŋ́kút mɑ́mɑ́ ndɑ́, mbɔ ɑ ɡʉ ńzɛ ńnɑ́ŋ sɛ́ ŋ́kwɑŋɛ yúu-fɑꞋ, ńjí ndɛn ŋkɑ́p yi ḿbɔ́ ɑ lɔk ŋ́kút tɛ ńjʉ́ɔ ɛ́ kuꞋ nǔu wɛ́, ḿbɔ́k nɛnɔŋ cʉ́, ndɑ́ tsɑ wɛ́. Pɛ́ lɑ́Ꞌ ńjúk ńjʉ́ɔ ŋ́ɡwɛ wɛ́ ŋɡɔ: «Jʉ́ɔ pɑ́Ꞌ wɛcɔ́ ŋu wɑ́ kɑ zɛnɛ ndɑ́, ḿbɔɔ kuꞋ nɛmɛkŋɛ pɔ́.»

Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, ɔ fúŋ pɛkɛyúu, ɛ́fúŋ pɛkʉ́ɔ, ɛ́fúŋ pɛkɛmku, ɛ́fúŋ pɛfumík. Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Ŋɡwɑ́ŋ yúu sʉ́Ꞌnɛ, lɑ́ ɛ́ lɑɑ ńtsʉ́Ꞌ ńdɛplɛ lɛpɛlɛ́nɛ, mbɔ pɛ́ ŋ́ɡɛ ŋ́ɡɔ ku tɛ ɛ́ pɛn ńdʉʉ? Ɛ́ kɑ́ pɛn ŋ́kuꞋ nǔu yɛcɔ́ yúu pɔ́, ḿbɔ́ ɛ́ pɔɔ tsɛ́tsɑ́Ꞌ cẅɛ́lɛ́, pɛ́ kɛ́ ḿbɔɔ lɔk ŋ́ɡɛ mɛkyɑŋɛ pɔ́, pɛ́ tsʉꞋ ḿmɛꞋ mɛꞋnɛ. Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu, ɑ zúꞋ.