Lúkɑ́shi 12 থেকে জনপ্রিয় বাইবেল পদ

শেয়ার

Pɔ́Ꞌɔ, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-ŋu ɡʉ ŋ́ɡɛ ńtɔ́, lɑ́ pʉʉ kɑ́ pɔ́ ńjí ŋkɑ́ pɔ́.

Pʉʉ lɔ́ɔ pɔ pɑ́Ꞌ yʉ́ʉ kwɑŋɛ ɡɛ ńtʉ́ʉ pɔ nǔu nu-nɛfɔɔ-Sɛ́, ɑ kɛ́ ńtsʉ́Ꞌ ŋ́ɡɑ́ yɛ́ yúu ńdɔk ŋ́kẅiꞋ kẅiꞋnɛ.

Ḿbɛn ńcú mbɔ̌ pʉɔ tsʉʉ ŋɡɔ: «Pʉʉ lɑk tú yʉ́ʉ! Pʉʉ pɑ́ɑ nɛcúꞋlɛ yúu, ŋ́kɛ́ ŋ́kẅiꞋ kẅiꞋnɛ. Nɛpɔŋ wɛ ŋu kɑ́ ɡẅɛɛ yɛcɔ́ nu nǔu yúu mi ŋɡɑŋ ɡẅɛɛnɛ pɔ́, tɛ mbɑ pɑ́Ꞌ ɑ ńzɛnɛ ŋ́ɡẅɛɛ pɔ kʉ̈ɔ́ lɑ́!»

Pʉʉ lɑɑ ńdẅɛꞋ ŋkɑ́p yʉ́ʉ ɡʉ̈ɔ́ lɑ́, mbɔ tʉ́m yʉ́ʉ ɡɛ ḿbɔ́ pɔ zúꞋu.

Ɛ́ lɑɑ ḿbɔ́ pʉʉ pɔɔ lɔk pɔ pɑ́Ꞌ pʉʉ sɛ́ ḿbúꞋ mbʉʉ yʉ́ʉ, kuꞋ nɛkẅiꞋ tɑ́Ꞌ lɛ́Ꞌ nǔu mɛlɛ́Ꞌ lɑ́Ꞌ mʉ́ʉ pɔ́.

Yɛ́su pɛn ńcú mbɔ̌ ɡɑŋku pɛ́ ŋɡɔ: «N dɔk ɛ́sẅíi wʉ́ʉ ŋɡɔ kɔɔ pʉʉ nɑ́ŋ ḿbúꞋ mbʉʉ yʉʉ nǔu nu yúupɛjʉ́ ŋɡɔ, pʉʉ ɡɛ ŋ́kwɛ́t kʉ̈ɔ́? Kɛ mbɑ nǔu nu ndẅí ŋɡɔ, pʉʉ ɡɛ ḿmɑꞋ kʉ̈ɔ́?»

Ɛ́ mbɔ̌ Sɛ́, pʉʉ pɔ́ yúu tʉʉ ndɛn ńtsɑ pɛtsẅíkɔt. A kɑ zɛɛ mɔ́ ńdɑ́Ꞌ ɛ́sɑ́ŋ mɛnuk-tú mʉ́ʉ tɛ ńjí ndɛn. Pɔ́Ꞌɔ lɑ́, pʉʉ pɑ́ɑ nɛpɛn ḿbɔ́k yɛcɔ́ yúu.

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Pʉʉ líŋɛ pɛshʉ́ŋ lɑ́ ńjʉ́ɔ. Pɔ́p lɔ́ɔ ḿbi yúu pɔ́, ŋ́kɛ́ ḿbɔɔ ńdɑk yúu ŋ́ɡɑ́ ndɑ́ pɔ́, pɔ́p kɑ́ ɡẅɛɛ ntɑŋ pɔ́, mɛŋkɛn mɔ́p kɑ́ pɔ́ ɡú pɔ́. Sɛ́ pɔ́nɛ ńzẅík wɔ́p. Pʉʉ mbɔ̌ Sɛ́, ḿbɔ́ yúu tʉʉ ndɛn ńtsɑ pɛshʉ́ŋ.

Ɛ́ lɑɑ ḿbɔ́ pɔ́Ꞌɔ, kɔɔ pʉʉ pɛn ḿbúꞋ mbʉʉ yʉ́ʉ ŋɡɔ pɛ́ ɡɛ ŋ́kwɛ́t kʉ̈ɔ́, pɛ́ ɡɛ ńnɔ́ kʉ̈ɔ́?

Sɛ́ lɑɑ ḿmɑꞋ ndẅí sʉ́Ꞌnɛ nǔu nɛɡíi ẅi ɑ júknɛ ŋkɑ́Ꞌ lɔ́Ꞌnɛ, njí kyɛɛ pɛ́ kʉ́ɔꞋ ńtɔɔ múk, mbɔ ɛ́ ɡɛ ŋ́kúu nǔu pʉʉ lɑ́ ɑ zɑ́k ndẅí kíi? Pʉʉ kɑ́ zɑ́p tʉ́m nǔu Sɛ́ ŋkɑ́ tsʉʉ pɔ́!

Yúu mi ɛ́ lɔ́Ꞌnɛ ḿbɔ́ ńdʉɔmɛ ɛ́ yi ɛ́ ńdɑ́Ꞌ ńcẅɛt pɛ́ jʉ́ɔ. Yɛcɔ́ nu kɑ́ pɔ́ yi ḿbɔ́ ɛ́ lʉɔmɛ tɛ pɛ́ lɑ́Ꞌ ḿbɔɔ jí pɔ́ pɔ́.