Popular Bible Verses from Johanes 14

শেয়ার

Fräd lot ekj junt, mienen Fräd jäw ekj junt; nich soo aus de Welt jeft, jäw ekj junt. Jun Hoat woat nich enjstlich (beorruicht ), un vezoagt (Angst ha) nich.

Jesus sajcht to am: Ekj sie de Wajch un de Woarheit un daut Läwen. Kjeena kjemt nom Voda, aus blooss derch mie.

Jun Hoat saul nich enjstlich woaren. Jleeft aun Gott, jleeft uk aun mie.

Oba de Sachvewaulta (Treesta ooda Helpa), de Heilja Jeist, däm de Voda schekjen woat en mienem Nomen, dee (jana) woat junt aules lieren un junt aun aules denkjen halpen, waut ekj junt jesajcht ha.

Wäa miene Jebooten haft un dee helt, dee es daut, dee mie leef haft; oba wäa mie leef haft, woat von mienem Voda jeleeft woaren; un ekj woa am leef ha un mie selfst am openboa moaken.

un ekj woa däm Voda bedden, un hee woat junt eenen aundren Sachvewaulta (griechisch parákletos Treesta ooda Helpa) jäwen, daut hee en Eewichkjeit bie junt es, dän Jeist de Woarheit, dän de Welt nich kjrieen kaun, wiels dee am nich sitt uk nich kjant. [Oba] jie kjanen am, dan hee blift bie junt un woat en junt sennen.

Un wautemma jie bedden woaren en mienem Nomen, daut woa ekj doonen, om daut de Voda veharlicht woat en däm Sän. Wan jie irjentwaut bedden woaren en mienem Nomen, soo woa ekj daut doonen.

Wan jie mie leef ha, dan hoolt miene Jebooten

En mienem Voda sien Hus sent väl Woninjen; wan et nich soo wia, haud ekj junt daut jesajcht; dan ekj go han, junt eene Städ reedtomoaken.

Un wan ekj han go un junt eene Städ reed moak, soo kom ekj wada un wua junt no mie nämen, om daut, woa ekj sie, uk jie sent.

Tomas säd to am: Har, wie weeten nich, wua du han jeist, un woo kjenn wie däm Wajch weeten?