Popular Bible Verses from Jenesii̱ 28

শেয়ার

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱.

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Kó ngije jaꞌaá Jakoo̱b, achichí katsakjónní nga bi̱ katsó: ¡Achichí ndikón kuí ngi̱ndiee̱! Ja̱koxi̱ boá nga kꞌi̱e̱e̱ nínga tikón Néná kó nde bejín an. ¡Kꞌi̱e̱ bí ndiꞌaa̱ Néná! ¡Kꞌi̱e̱ bí nga̱ntjo̱a̱a̱ ndiꞌakꞌajmii̱!

Sꞌe̱ jaskan Jakoo̱b bi̱ katsó nga sa̱ꞌínkjatjosón ngo ni: Tsi Néná ko̱e̱je̱jona, kó tsi skónna ndi̱yà nínga tsꞌénfí an, kó tsi tsja̱ana ni xi skjíni̱e̱ an ko̱jo ńjño xi koajà an, kó tsi nda tikòn an nga kjoéꞌe̱ ngiñá an ndiꞌaa̱ na̱ꞌmina, ja̱ ti̱ Ne tsa̱ꞌa̱n ka̱ma nga. Kó kui ndi̱jo̱ xi je iskjininkꞌa an kꞌi̱e̱e̱, kuí boá xi ka̱ma chi̱bo̱a̱a̱ ngi̱ndie nínga ngayeje xi kji̱ndi̱bá tsꞌéndíkón Néná, kó ngayeje ni xi tsja̱ana Néná, tie nga úchán tsja ngiñáa̱ kui.

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Kó ndatsi nga tjón tjón ki̱a̱ na̱xi̱ńdá nínga kisꞌijña kui ndi̱jo̱o̱ Almendra̱ kiꞌmí, ta̱nga Jakoo̱b, Betee̱l ítꞌajaꞌén kuí ngindiee̱.