Mɑɑtieo 10 থেকে জনপ্রিয় বাইবেল পদ

শেয়ার

«Gotl mɑn, n tuun’i k i sii tie nɑn pei nbɑ be kinkɑtɑ sinsuuk ni nɑ e. Ii cek mɑn nɑn wɑɑlɑbli nɑ, ŋɑɑn kii be suon nnɑ nɑn ŋmɑnɑ nɑ.

Wun nbɑ yɑɑ ŋuɑ deki u mɑnfuol tɑn sɑɑ kɔnŋ’l ɑ, ŋɑɑn wun nbɑ kɔnŋ u mɑnfuol n pɑɑk, u tɑn sɑɑ lɑ u mɑnfuol ɑ.»

I dɑɑ tiin bin nbɑ sɑɑ fit kpi i gbɑnɑnt, ŋɑɑn kɑn fit k kpi i siek, ŋɑɑn ii tiin mɑn Yennu nbɑ sɑɑ fit k biil i gbɑnɑnt nɑn i siek kul ɑ muu nbɑ kɑɑ gbennu nɑ ni nɑ.

Wun nbɑ k jii u kuun dɑpunpunn k buk k wɑɑ’n, u k ŋɑn nɑn wun tien n yuɑ.

«Wun nbɑ nyint u mɔnŋ pɑɑnu ni niib buol ni nɑn u tie n yuɑ e, nnɑ e k n mun tɑn sɑɑ nyinn’ɔ pɑɑnu ni n Bɑɑ nbɑ be sɑnpɑɑpo nɑ buol, ɑ u tie n yuɑ e. Wun nbɑ yɑɑ ɑ u k mi’n niib ni, nnɑ e k n mun tɑn sɑɑ yet ɑ n k mi’u n Bɑɑ nbɑ be sɑnpɑɑpo nɑ buol ni.»

Ii te k bɑɑtb n pɑɑk, kii fiint kpienm, k biɑ te k gbɑɑtɑ ŋɑɑt n gbenn, kii biɑ kii nyint nɑlnbiit niib ni. I gɑɑl tebu yiikuo mɑnŋ yɑnn e, ii mun i biɑ kii tieb k dɑɑ gɑɑn likli.

L pɑɑk, i dɑɑ tiin jɑŋmɑɑni, k mɑɑn i mɔk nyuɑt k gɑl nuɑnbit bonciɑnn.»

«I dɑɑ duki nɑn n bɑɑl nɑn mɑnu tingbounŋ nɑ tieb pɑɑk, n k bɑɑl nɑn mɑnu kɑɑ, ŋɑɑn n bɑɑl nɑn kunkɔnn e.