Popular Bible Verses from Juan 19

শেয়ার

Human makatilaw si Jesus sa suka, miingon siya, “Natapos na!” Unya miduko siya ug namatay.

Human niini, si Jesus nga nasayod nga ang tanan natuman na ug aron pagtuman sa kasulatan, miingon, “Giuhaw ako.”

Sa pagkakita ni Jesus sa iyang inahan ug sa tinun-an nga iyang gimahal nga nagbarog didto, miingon siya sa iyang inahan, “Babaye, siya ang imong anak.” Unya miingon siya sa tinun-an, “Siya ang imong inahan.” Sukad niadto gidala sa tinun-an si Maria aron didto na mopuyo sa iyang balay.

Apan sa pagduol na nila kang Jesus, nakita nila nga patay na siya busa wala nila balia ang iyang mga bitiis. Apan ginamit ang iyang bangkaw, giduslak sa usa sa mga sundalo ang kilid ni Jesus ug dihadiha mibuhagay ang dugo ug tubig.

Gihimo kini aron matuman ang bahin sa kasulatan nga nag-ingon, “Walay bukog niya nga balion.” Ug may lain pa gayong bahin sa kasulatan nga nag-ingon, “Ang mga tawo motan-aw kaniya nga ilang giduslak.”

Migula siya nga nagpas-an sa krus ug miabot sa dapit nga ginganlag “Dapit sa Kalabera.” (Sa Hebreo ginganlan kinig “Golgota.”)

Ang mga sundalo naghimog purongpurong sa mga sangang tunokon ug gipahaom nila kini sa ulo ni Jesus. Gisul-oban usab nila siya ug bisti nga dagtom-pula