Popular Bible Verses from Khuurakikha 45

শেয়ার

Ari kumutaambo kukhabawaamba ta, namwe mwaarakikha khukhwiyikiitsa lwe khukhuungulisa ise ino ta. Iyo yaba ikhola ya Wele umweene, uwandumana ise khukhwiitsa ino, nio inyale khuuwonesa buulamu bwe babaandu.

Nashiryo si shili bari inywe mumwandumana ino ta, ne Wele umweene. Waayintsikyelisa ise khuuba umuundu wa Faraawo ufuura buukhulu mu shibala shino. Ise ari niye umukhulu mu shibala shino shoosi, ise ndi umuwuli mu Misiri muno!”

Ilala Wele aandumana ise iburaangisi weenywe, nio inyalise khuubayeeta muramewo nga baalamu mu shibala, ni khuubawonesa musaambo iya buraawa iyiyaangisa iri.

Kila Yozefu alaanga babaandaaye ari besyeende aambi ni naye. Baryo nga baamalile khukhwisyeenda aambi, waabalomela ari, “Iseese niye waandaayeenywe Yozefu isi mwakulisa mu Misiri.

Ari kuno nikwo kumwiiko kwe khaabili, nga intsala ilya mu shibala, ne ishiramayo kimiiko kikiindi kiraano, nga mbaawo khuulima namwe khuukyesa ta.

Yozefu waaboolela babaandaaye ari, “Ise Yozefu! Manya paapa wase ashiiliyo mulamu?” Ne baalebe bano ni baashiwulila baryo, buuri bwaabawaamba naabi, baalekha khunyalisa ni khuukanikha khuumwiilamo ta.