Popular Bible Verses from Khuurakikha 35

শেয়ার

Lwanyuma kila Wele amulomela ari, “Ise ndi Wele Umunyali wa byoosi. Ingana usaale babaana baakali, lisaaye lyoowo libalaahe. Linaambo likhulu, ni bikuuka bye kamanaambo bikhaame mwiiwe. Bayiinga bakhaabe batweela khu be mu lisaaye lyoowo. Ikhaakhuwe iwe liiswa lyeesi nakabila Iburayimu, ni Isaaka. Ilala ikhaalikhuwe iwe, atweela ni lisaaye lyoowo lilikhaakhwiililewo.”

Khuryo khwinyukhe khutsye ano i Beseli, isi ise intsya khukhwoombekhela shisheeso isi Wele, uwaantsilamwo khuuloomba khwase waanjeeta, mu mbuka isi nabeela mu mutaambo. Niye abeelatsakile ni nase buli aandu oosi isi imbeele nga intsya.”

Wele waamulomela ari, “Lisiina lyoowo abe lili Yakobo, ne khukhwaama shaleelo singene baakhulaange luundi bari Yakobo ta, ne ari lili Isiraeli.” Ni abweene awo, Wele waamutwiikha lisiina ari Isiraeli.

Aryo kila Yakobo alomela babaandu be muungo mweewe boosi, ni babaandi babaaba ni naye ari, “Ni mwinyusewo bi wele bye kamanaambo byeesi muli nabyo, mwiipyeeluuse mwabeene, lwanyuma mukwaare bikwaaro bibiindi biimiliwu.

Wele waalomela Yakobo ari, “Yinyukha khaangu utsye i Beseli, umenyatsake ibweene iyo. Uli ni khukhwoombekha shisheeso ibweene iyo she khukhuuntsisaayilakho, ise. Ise indi Wele woowo, uwakhubonekhela nga uli khuutitukha khukhwaama isi waandaayo Esawu.”

Ne shonyene ndi biba biryo, Rakeli aaba nga ali khuufwa, ne nga ashikubakuba aryo waatwiikha umwaana lisiina ari Benoni. Ne lwanyuma paapawe waamutwiikha ari Benyamini.