Popular Bible Verses from ᓭᐣᐟ ᒫᐟᔪ 24

শেয়ার

ᑫ ᐃᐢᐱᒋ ᒪᐢᑲᐊᐧᐢᑌᐠ ᒫᑲ ᒪᒑᔨᐃᐧᐣ, ᐅ ᓵᑭᐦᐃᐁᐧᐃᐧᓂᐋᐧᐤ ᒥᐦᒉᐟ ᑭᑕ ᐊᑎ ᑕᐦᑳᔨᐤ. ᒫᑲ ᐃᐧᔭ ᐊᓇ ᑫ ᑭ ᐊᔭᑳᐧᒥᓯᐟ ᒥᓭᑲᒣ, ᐁᐊᐧᑯ ᑫ ᐱᒫᒋᐦᐅᐟ.

ᐅᒪ ᒫᑲ ᐁᓯ ᒥᐋᐧᑐᑖᑲᐧᕽ ᐅᑌᓇᐃᐧᐃᐧᐣ ᑭᑕ ᑲᑫᐢᑭᒥᐋᐧᓂᐊᐧᐣ ᒥᓯᐁᐧ ᐊᐢᑭᕽ ᑭᑕ ᐅᐦᒋ ᐋᒋᒧᐢᑖᒋᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ; ᐁᑳᐧ ᒫᑲ ᑫ ᑭᓯᐱᐸᔨᐠ.

ᐁᑯᓯ ᒫᑲ ᑭ ᑲ ᐯᐦᑌᓈᐋᐧᐤ ᓄᑎᓂᑐᐃᐧᓇ, ᒥᓇ ᑭᑕ ᐋᑐᑕᒥᕽ ᐁ ᓄᑎᓂᑐᓈᓂᐃᐧᐠ; ᐁᑳᐃᐧᔭ ᒫᑲ ᒥᑯᐢᑳᑌᔨᑕᒧᐠ; ᒋᑫᒫ ᐆᐦᐃ ᑲᐦᑭᔭᐤ ᑫᒋᓇᐨ ᑭᑕ ᐅᑎᐦᒋᐸᔨᐊᐧ, ᒫᑲ ᓇᒪᐃᐧᔭ ᒉᐢᑲᐧ ᑭᑕ ᑭᓯᐱᐸᔨᐤ.

ᒋᑫᒫ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᐸᓯᑯᐢᑖᑐᐊᐧᐠ, ᒥᓇ ᐅᑌᓇᐃᐧᐃᐧᓇ ᑭᑕ ᐸᓯᑯᐢᑖᑐᒪᑲᓇᐧ: ᐁᑯᓯ ᑭᑕ ᐃᔨᐊᐧᓂᓯᓈᓂᐊᐧᐣ ᒥᓇ ᑭᑕ ᑭᐦᑲᐧᐣ ᓇᓈᑐᕽ ᐃᑕ. ᒫᑲ ᑲᐦᑭᔭᐤ ᐅᐦᐃ ᐁᐊᐧᑲᐧᓂ ᐁ ᒫᒋᐸᔨᑭ ᑲᑳᐧᑕᑭᑖᐃᐧᓇ.

ᑭᐦᒋ ᑭᓯᐠ ᒥᓇ ᐊᐢᑭ ᑭᑕ ᐁᐧᐱᐸᔨᐊᐧ, ᒫᑲ ᐃᐧᔭ ᓂᐟ ᐃᑌᐧᐃᐧᓇ ᓇᒪᐃᐧᔭ ᑭᑕ ᐁᐧᐱᐸᔨᐊᐧ.

ᒋᑫᒫ ᒥᐦᒉᐟ ᑭᑕ ᐯ ᐃᑐᑌᐊᐧ ᓂᐟ ᐃᓯᔨᐦᑳᓱᐃᐧᓂᕽ ᑭᑕ ᐃᑌᐧᒋᐠ, ᓂᔭ ᐅᒪ ᙭; ᐁᑯᓯ ᒫᑲ ᒥᐦᒉᐟ ᑭᑕ ᐊᐧᓂᓯᒣᐊᐧᐠ.

ᐁᑯᓯ ᒫᑲ ᑭ ᑲ ᐅᑎᓂᑯᐋᐧᐊᐧᐠ ᑭᑕ ᑲᑳᐧᑕᑭᐃᑲᐃᐧᔦᐠ, ᒥᓇ ᑭ ᑲ ᓂᐸᐃᑯᐋᐧᐊᐧᐠ; ᑲᐦᑭᔭᐤ ᒫᑲ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᑭ ᑲ ᐹᑳᐧᑎᑯᐋᐧᐊᐧᐠ ᓂᐟ ᐃᓯᔨᐦᑳᓱᐃᐧᐣ ᐅᐦᒋ. ᐁᑯᐢᐱ ᒫᑲ ᒥᐦᒉᐟ ᑭᑕ ᐸᐦᑭᓯᓇᐧᐠ, ᒥᓇ ᑭᑕ ᒪᒥᓯᐃᑐᐊᐧᐠ, ᒥᓇ ᑭᑕ ᐸᑳᐧᑎᑐᐊᐧᐠ. ᒥᐦᒉᐟ ᒫᑲ ᑭᔮᐢᑭᐃᐧ ᐅᑭᐢᑭᐁᐧᐦᐃᑫᐊᐧᐠ ᑭᑕ ᐸᓯᑯᐊᐧᐠ, ᒥᐦᒉᐟ ᒫᑲ ᑭᑕ ᐊᐧᔦᓯᒣᐊᐧᐠ.

ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑖᐟ, ᐊᔮᑳᐧᒥᓯᐠ ᐁᑳ ᐊᐃᐧᔭᐠ ᐊᔨᓯᔨᓂᐤ ᑭᑕ ᐊᐧᔦᓯᐃᑯᔦᐠ.

ᐁᐊᐧᑯ ᒫᑲ ᐅᐦᒋ ᑭᐢᑕᐋᐧᐤ ᐊᐧᐁᐧᔨᐠ; ᒋᑫᒫ ᐊᓂᒪ ᐃᐢᐸᔨᑭ ᑎᐸᐦᐃᐱᓯᒫᐧᐣ ᐁᑳ ᐊᔨᑌᔨᒫᔦᑯ ᐃᔨᓂᐃᐧᑯᓯᓵᐣ ᑭᑕ ᑕᑯᓯᐣ.

ᐁᐊᐧᑯ ᒫᑲ ᐅᐦᒋ ᐊᓴᐋᐧᐱᐠ; ᒋᑫᒫ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑕᓂᒪ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᑭ ᑎᐯᔨᐦᒋᑫᒥᐋᐧᐤ ᑫ ᑕᑯᓯᕽ.

ᒫᑲ ᐊᓂᒪ ᑭᓯᑳᐤ ᒥᓇ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᓇᒫᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᑕᒼ, ᓇᒪ, ᓇᒪᐃᐧᔭ ᐅᑭᓯᑯᐊᐧᐠ ᑭᐦᒋ ᑭᓯᑯᕽ ᑳ ᐊᔮᒋᐠ, ᐱᑯ ᓄᑖᐃᐧ.

ᒋᑫᒫ ᐁᑯᑕ ᑭᑕ ᐸᓯᑯᐊᐧᐠ ᑭᔮᐢᑭᐃᐧ ᙭ᐊᐠ, ᒥᓇ ᑭᔮᐢᑭᐃᐧ ᐅᑭᐢᑭᐁᐧᐦᐃᑫᐊᐧᐠ ᐁᑯᓯ ᒫᑲ ᑭᑕ ᐋᐧᐸᑎᔨᐁᐧᐊᐧᐠ ᑭᐦᒋ ᑭᐢᑭᓇᐋᐧᒋᒋᑲᓇ ᒥᓇ ᒪᒫᑖᐃᐧ ᐃᓯᐦᒋᑫᐃᐧᓇ; ᐁᐊᐧᑯ ᒫᑲ ᐅᐦᒋ ᑭᐢᐱᐣ ᑭᑕ ᑭ ᐃᐦᑭᐣ ᑭᑕ ᐊᐧᔦᓯᐁᐊᐧᐠ ᐊᓂᐦᐃ ᑳ ᑭᐦᒋ ᐊᐧᐁᐧᔦᔨᒥᒥᐦᐟ.

ᒫᑲ ᑖᐱᐢᑰᐨ ᑳ ᑭ ᐃᑭᕽ ᒣᑳᐧᐨ ᐁ ᐅ ᑭᓯᑳᒥᐟ ᓄᐊ, ᐁᑯᓯ ᒣᐧᐦᒋ ᑫ ᐃᑭᕽ ᐯ ᑕᑯᓯᑭ ᐃᔨᓂᐃᐧᑯᓯᓵᐣ. ᒋᑫᒫ ᑕᐱᐢᑰᐨ ᐁ ᑲᑭᓯᑲᐠ ᑳ ᑭ ᐃᑭᕽ ᐁ ᒪᐧᔦ ᔨᐢᑭᐯᐠ, ᑭ ᒪᒥᒋᓱᐊᐧᐠ ᒥᓇ ᑭ ᒪᒥᓂᑫᐧᐊᐧᐠ, ᑭ ᐊᐧᐃᐧᑭᑐᐊᐧᐠ, ᒥᓇ ᑭ ᑲᑭᐦᒋ ᐃᐧᑭᑕᐃᑐᐊᐧᐠ, ᐱᔨᐢ ᐊᓂᒪ ᐁ ᑭᓯᑳᐠ ᓄᐊ ᑳ ᑭ ᐳᓯᐟ ᓇᐱᑲᐧᓂᕽ, ᐁᑳ ᒫᑲ ᐁ ᑭᐢᑫᔨᑕᐦᑭᐠ ᐹᑎᒫ ᐱᑯ ᐃᔨᑯᕽ ᐁ ᔨᐢᑭᐯᐠ, ᑲᐦᑭᔭᐤ ᐁ ᑭ ᐅᑎᓂᑯᒋᐠ; ᐁᑯᓯ ᒫᑲ ᒣᐧᐦᒋ ᑫ ᐃᑭᕽ ᐯ ᑕᑯᓯᑭ ᐃᔨᓂᐃᐧᑯᓯᓵᐣ.