Popular Bible Verses from Tyai Á̱zanson 16

শেয়ার

(Á̱ si̱ fa̱k a̱nwuat ka nyia̱,) “Nyi li, n na bai gba̱ngba̱ng di̱ mi̱ lyen nyin nang a̱tang a̱ni! Á̱niet ba ba̱ swan á̱ fwuong chobai nung hu a̱ni, ba̱ yet á̱niet a̱li̱ba̱rka bya! Mat ba̱ kwi a̱yaatoot mba ba kalak ba̱ ba̱ chong á̱ kat ka̱gbang, a̱wot ba̱ fa̱k nsum mami á̱niet.”

A̱ta̱m tswa A̱gwaza a̱taa wu si̱ koot byep ku shya̱ mi̱ kham nggu ji a̱ni, ma̱ a̱gba̱ndang A̱ghyui Yuferitit. A̱wot A̱ghyui ka si̱ fi̱k, da̱nian á̱gwam ba̱ neet a̱tyin ma̱ng á̱niet nzwang mba na á̱ naat fam jenshyung a̱ni, ba̱ ka byia̱k di̱ mi̱n kyang ku na tyia̱ mba ndyem a̱ni.

Á̱ka̱tuk ntswá a̱tat bani yet á̱si̱ A̱ta̱nyeang bya ba̱ nyia̱ nta̱m a̱ri̱bi̱di a̱ni. A̱wot ba̱ na ghwut ba̱ tung a̱mgba̱m á̱gwam mi̱ swanta ba; ba̱ nyia̱ zwang ma̱ng A̱gwaza a̱tuk a̱gba̱ndang mam shi̱ri̱ya A̱gwaza ka, A̱gwaza a̱ byia̱ A̱mgba̱m tyok a̱ni.

A̱wot n si̱ ndi á̱na̱ndyung á̱ka̱tuk ntswá A̱ta̱nyeang a̱tat, ba̱ tai a̱yaakusambwat ba̱ fi̱ri̱p á̱ ghwut mi̱ nunu a̱gba̱ndang a̱ka̱tuk nzwuo a̱ byia̱ nfeap na a̱ni; ma̱ng a̱ka̱tuk nyam a̱yit a̱ yet a̱son ka a̱ni; ma̱ng a̱ta̱m bwoi a̱ka̱laa a̱kwonu nggu wu da̱nian a̱ka̱tuk nyam a̱yit a̱ yet a̱son ka a̱ni.

A̱gba̱gbai mam a̱wa si̱ fwui konyan ma̱ng shwai hu. A̱wot á̱niet ba si̱ lyiat a̱lyoot A̱gwaza ka lihyat; nggu a̱ byia̱ chet tazwa byep huni a̱ni. A̱mgba̱m ma̱ng a̱nia, ba̱ si̱ lak ghwon a̱ka̱tuk nyia̱ mba wu, ba̱ bwuak ba̱ khwi A̱gwaza, a̱wot ba̱ nwuak gu shi.

Huhwa nang a̱ta̱m tswa a̱ yet a̱son ka a̱ni, si̱ nat a̱ si̱ koot byep ku shya̱ mi̱ kham nggu ji a̱ni mi̱ swanta hu. A̱wot á̱ka̱tuk nkyang tang na̱ kpeam ba̱t a̱ni, si̱ kin tang konyan a̱ byia̱ zwunzwuo a̱ka̱tuk nyam a̱yit ji a̱ni, ma̱ng a̱tyu a̱ kwok ntong a̱zaghyi ghwughwu nggu hu a̱ni!

A̱jawa á̱ka̱tuk ntswá A̱ta̱nyeang ba̱ na laai a̱mgba̱m á̱gwam ba ma̱ng á̱niet nzwang mba ba, ba̱ tung mbaa da̱ a̱vwuo nang á̱ ngyei A̱magidon da̱ a̱lyem Ibriniyawa a̱ni.