Popular Bible Verses from Ma̱rkut 10

শেয়ার

Mat, ku Nggwon A̱tyubishyi ma̱ a̱pyia̱ nka, ka̱ bai á̱ nyia̱ nka khwo hwa bah. A̱wot ka̱ ku bai da̱nian ka̱ ka nyia̱ á̱ghyang á̱niet bya khwo hu; a̱wot ka̱ ka nwuak swuan nka ji, ji̱ yet zang da̱nian san á̱niet ma̱ a̱di̱di̱t.”

Yesu si̱ sak á̱ghyi da̱ mba. A̱wot a̱ si̱ nyia̱ ma̱ng a̱mba, “Ki̱ chet a̱tyubishyi hwa, a̱tyu nzwa na shya̱ san bah. A̱wot chet A̱gwaza hu byia̱ gak bah. Mat a̱mgba̱m kuzang kyang na tyia̱ da̱ a̱vwuo A̱gwaza.”

Yesu si̱ nyia̱ ma̱ng a̱nggu, “Nkat, nwuak fwuo ang hu da̱ nung choot ang!” Mi̱ di̱ yong a̱hwa, a̱ si̱ kin ta̱bat nwuan a̱vwuo! A̱wot a̱ si̱ khwi Yesu.

Mat a̱nia, nyeang nang A̱gwaza la̱p a̱ni, a̱yin gu yok tyat hu bah.”

Nang Yesu nnwuan gu a̱ni, a̱ si̱ fa̱k da̱ nggu ba̱t. Huhwa gu nyia̱ ma̱ng fi̱ng a̱tyu a̱hwa, “Kyang nyiung hwa bwat ang. Nat a si̱ lyap a̱mgba̱m nkyang zwa ang na a ka̱u á̱kunak kurum hu, a̱wot a na byia̱ zwá Ma A̱gwaza tswazwa. A sii bai a khwi nung.”

Yesu si̱ lyip gu nyia̱, “Yihwa a chat n nyia̱ ang dyo?” A̱tyu a̱fi̱fan wu si̱ nyia̱, “A̱tyu tyiet nung, ma̱sa̱kut, n chat n shya̱ nwuan a̱vwuo!”

A̱wot mami nyin, ku na vwuon. Da̱ a̱kwonu a̱kya, konyan wa chat a̱ yet a̱gba̱ndang ma̱ nyin a̱ni, ku yet ta hwa gu yet a̱khwo nyin.

N shei nyin a̱tsak a̱lyiat; konyan wa da̱ a̱ san Tyok A̱gwaza hu nang a̱da̱dei nggwon a̱ni bah, a̱ na̱ shya̱ nwuo ma̱ nhu bah.”

“A̱wot á̱niet ma̱ a̱di̱di̱t nang á̱ kyiak ba̱ yet a̱son ka ma̱nini a̱ni, bibya na ngaan. A̱wot á̱niet nang á̱ kyiak ba̱ yet ngaan ma̱nini a̱ni, bibya na yet a̱son ka.”

A̱wot neet di̱n tsa swanta hu, A̱gwaza ku mat ba a̱tyok ma̱ng a̱byii̱k. Mat a̱nia, a̱tyok na ghwon a̱tyia̱ nggu wu ma̱ng a̱yang nggu wu, a̱ ta̱meet da̱ a̱byii̱k gu. Mat a̱nia, mba a̱feang ba̱ na yet vam nyiung. Ba̱ bu yet a̱feang bah. Ba̱ yet vam nyiung hwa.