Popular Bible Verses from 1 Yoona 2

শেয়ার

Mat a̱nia, nyi yok chat nkyang na na̱ shya̱ mi̱ swanta huni a̱ni bah. Ka̱ a̱yin chat swanta hu, ku fa a̱ chat A̱tyia̱ wu bah. Mat a̱ka̱tuk nkyang nshya̱ ma̱ a̱di̱di̱t a̱di̱t mi̱ swanta hu, nang shyuo vam, tang a̱li di̱ kyang a̱yin, ma̱ng tam di̱ nkyang nang zi̱ byia̱ a̱ni. A̱wot a̱mgba̱m nkyang nani, na̱ yet á̱si̱ A̱tyia̱ nia bah. Na̱ yet á̱si̱ mi̱ swanta nia.

A̱wot swanta hu ma̱ng a̱mgba̱m shyuo nvam ji na tyak. A̱wot konyan wa nyia̱ kyang nang A̱gwaza chat a̱ni, a̱ na swuan ba̱ng si̱ nat sang sangba̱p.

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

Ki̱ zi̱ khwi doka A̱gwaza ji, a̱ni wa zi̱ na nnwuak a̱chuchuk nang zi̱ ndyen nggu.

Ka̱ a̱yin tak nyia̱, “N shya̱ mami sai,” a̱wot a̱ si̱ lak li á̱na̱nyiuk nggu ba ba̱ yet á̱niet khwi a̱ni, a̱tyu a̱wa ni̱ shya̱ mi̱ ndyin hwa.

A̱nyan wa yet a̱tyu bwoi a̱ka̱laa wu? Nggu wa yet a̱tyu a̱ nyia̱ di̱ Yesu yet a̱tsatsak Kristi a̱tyu nang A̱gwaza kup gu tyok a̱ni bah. A̱tyu a̱ fwuo A̱tyia̱ wu ma̱ng Nggwon ka a̱ni, nggu wa yet a̱tyu lak li Kristi wu.

Konyan wa fwuo Nggwon ka, a̱ fwuo A̱tyia̱ wu wa. A̱wot konyan wa san Nggwon ka, a̱ mun a̱ san A̱tyia̱ wu wa a̱wa.