Popular Bible Verses from Matiö 25

শেয়ার

‑Gblüdë ‑dho pö‑ ‑nu ‑dhɛ yö ꞊në‑ 'gü 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ mɛ ‑wëësü ‑nu 'ö‑ ‑nu ꞊bhlëë 'bha 'yaa 'dhö mɛ 'bha wëëdhö, 'ö 'wo n dheebhang 'ka, 'ka 'wɔn ‑së ‑kë mɛ do ‑zian 'ö‑ ‑dhɛ bha kö ka‑ ‑kë ma ꞊në n ‑dhɛ bha.»

'Yö‑ dëmɛ ‑ya pö‑ ‑dhɛ 'ö‑ pö: «꞊Ya dhi n ‑dhɛ, ma gwëëmi, i këwɔn ‑yö ‑së. 'Wlɔɔ‑ ‑mü i 'ka, i ‑to i ‑wʋ ‑ta. ꞊Dhɛ 'kö 'bha kë 'wlɔɔ‑ 'ka pë 'në 'dɛdɛ 'a‑ to i "piʋ̈ bha‑ ‑wɔn 'gü bha, ‑a ‑dho i 'sü 'a i ‑ya ‑a 'kpiki ‑kpiki ‑gɔ "dhiʋ̈. ꞊Dhɛ 'ö "dhʋ̈, ‑bhö nu kö 'kwa kwa "dhia bho.

‑A ‑gɛn ‑mü ꞊dhɛ pë ꞊ya kë 'mɛ 'ö‑ ‑gɔ 'ö‑ ‑ziö 'gü ‑ziö bha ꞊në 'wo dho‑ mɛ taa kë 'yö‑ ‑bha 'dhö ‑kë 'gbɛ, "kɛɛ mɛ 'dhɛ 'kö pë ‑tiandhö 'bha 'yaa‑ ‑gɔ, "kɛɛ 'ö‑ 'dhɛ 'ö‑ ‑gɔ 'yaa‑ ‑ziö 'gü ‑zë ziö bha, ‑a 'dhɛ 'në ‑zian 'ö dho kë‑ ‑gɔ ꞊në 'wo dho‑ 'sü‑ ‑mɛ ‑gɔ.

꞊Dhɛ 'ö Yesu ‑yö "gwënng bha‑ ‑da ‑nu ‑dhɛ ꞊dhɛ ‑kɔ bha‑ 'dhö, ‑a "dhiʋ̈todhɛ bha 'yö‑ pö‑ ‑nu ‑dhɛ 'ö‑ pö: «‑Ka ‑ya ka "yaan! ‑A ‑gɛn ‑mü ꞊dhɛ yi 'a dho nu‑ 'ka "ɛɛn "tʋ̈ng 'a dho nu‑ 'ka 'kaa‑ dɔ!»

‑A ‑gɛn ‑mü ꞊dhɛ din‑ 'dhö gun n kë sië "tʋ̈ng 'ö‑ 'gü ka kë ‑bhöpë ‑nu n ‑dhɛ, 'ö ꞊dhɛ 'ö "yi mü ‑dhɔ ‑ya n 'kun 'ka "yi nu n ‑dhɛ. 'A ‑kë ‑dhɛng 'ka "tʋ̈ng 'ö‑ 'gü bha ka ꞊në 'ka n ꞊yëë bho.

'Yö‑ dëmɛ ‑ya pö‑ ‑dhɛ 'ö‑ pö: «꞊Ya dhi n ‑dhɛ, i këwɔn ‑yö ‑së, 'wlɔɔ‑ ‑mü i 'ka, i ‑to i ‑wʋ ‑ta. ꞊Dhɛ 'ö 'bha 'wlɔɔ‑ ‑dhɛ kë pë 'në 'dɛdɛ 'a‑ to i ‑gɔ bha‑ ‑wɔn 'gü bha, a ‑dho i 'sü 'a i ‑ya ‑a 'kpiki ‑kpiki ‑gɔ "dhiʋ̈. ꞊Dhɛ 'ö "dhʋ̈, ‑bhö nu kö 'kwa‑ 'gü "dhia bho.

Yi 'a gun‑ 'ka n 'kpee‑ ‑ka bha ka ꞊në 'ka sɔ ‑da n ‑bha. "Tʋ̈ng 'ö‑ 'ka 'ö n 'gü 'yaa gun ‑së bha, ka ꞊në 'ka nu 'ka ‑wo n ‑bha. Yi 'a gun‑ 'ka ‑kaso 'gü bha ka ꞊në 'ka nu zun n ‑dhɛ 'gü.»