Popular Bible Verses from Zan 4

শেয়ার

'Yö Yesu ꞊ya ‑yɔ bɔ‑ ‑gɔ 'ö‑ pö: «‑Yö kë i "yaan ꞊dhɛ Atanna bha 'nii‑ ‑mü, ‑a ‑wɔn 'gü 'mɛ 'wo dho‑ ‑dhɔkë, ‑a "tʋ̈ng ‑dho ꞊loo 'ö 'wii 'dho 'dho ‑tɔn ya‑ ꞊gbin‑ ‑dhɛ yöö do‑ 'gü, "ɛɛn Zedhizadhɛmö ‑dhɛ ‑zian 'gü, ("kɛɛ 'ö 'wo dho‑ ‑dhɔkë ‑dhɛ ꞊gban "pɛpɛ ꞊në‑ 'gü); ‑a ‑gɛn ‑mü ꞊dhɛ Samadhi ‑mɛ ‑nu 'ka bha 'pë 'ka‑ ‑dhɔkë bha 'kaa‑ dɔ. 'Yö 'mɛ 'kö 'yi ‑kë Zuifö 'ka bha yi ‑zë 'pë 'yi‑ ‑dhɔkë bha 'yi‑ dɔ. ‑A 'klɔɔ‑ ‑mü ꞊dhɛ Atanna ‑yö ‑bɔ Zuifö ꞊në‑ ‑nu ‑ta 'yö mɛ "bhɩɩ‑ ‑nu dha. ‑A ‑wɔn 'gü ‑a "tʋ̈ng ‑dho ꞊loo, 'ö ꞊ya ꞊loo ‑zianwo, 'ö Atanna ‑bha 'Nii‑ "slʋ̈ʋ̈slʋ̈ 'ö tɛanwɔn 'ö‑ ‑wɔn 'gü ‑a ‑zɔn mɛ ‑dhɛ bha 'ö‑ ‑kë kö mɛ "bhɩɩ‑ ‑nu ‑wo n Dë Atanna bha‑ ‑dhɔkë (‑dhɛ ꞊gban "pɛpɛ 'gü). ꞊Dhɛ 'ö ‑kë ꞊dhɛ Atanna bha 'Nii‑ ‑mü bha ‑a ‑dhɛa ‑bha ꞊dhɛ 'mɛ 'wo dho‑ ‑dhɔkë 'pö bha‑ ‑bha tɛanwɔn pö 'Nii‑ bha ‑ya "sɩ kë‑ ‑nu ‑dhɛ kö ‑wa ‑dhɔkë ꞊dhɛ ‑kɔ 'ö‑ 'ka ‑a 'dhö; ‑a ‑gɛn ‑mü ꞊dhɛ ‑yö mɛ suu 'ö "dhʋ̈ ꞊në‑ ꞊mɔɔ kö ‑wa ‑dhɔkë.»

'Yö Yesu ꞊ya ‑yɔ bɔ‑ ‑gɔ 'ö‑ pö: «‑Yö kë i "yaan ꞊dhɛ Atanna bha 'nii‑ ‑mü, ‑a ‑wɔn 'gü 'mɛ 'wo dho‑ ‑dhɔkë, ‑a "tʋ̈ng ‑dho ꞊loo 'ö 'wii 'dho 'dho ‑tɔn ya‑ ꞊gbin‑ ‑dhɛ yöö do‑ 'gü, "ɛɛn Zedhizadhɛmö ‑dhɛ ‑zian 'gü, ("kɛɛ 'ö 'wo dho‑ ‑dhɔkë ‑dhɛ ꞊gban "pɛpɛ ꞊në‑ 'gü); ‑a ‑gɛn ‑mü ꞊dhɛ Samadhi ‑mɛ ‑nu 'ka bha 'pë 'ka‑ ‑dhɔkë bha 'kaa‑ dɔ. 'Yö 'mɛ 'kö 'yi ‑kë Zuifö 'ka bha yi ‑zë 'pë 'yi‑ ‑dhɔkë bha 'yi‑ dɔ. ‑A 'klɔɔ‑ ‑mü ꞊dhɛ Atanna ‑yö ‑bɔ Zuifö ꞊në‑ ‑nu ‑ta 'yö mɛ "bhɩɩ‑ ‑nu dha. ‑A ‑wɔn 'gü ‑a "tʋ̈ng ‑dho ꞊loo, 'ö ꞊ya ꞊loo ‑zianwo, 'ö Atanna ‑bha 'Nii‑ "slʋ̈ʋ̈slʋ̈ 'ö tɛanwɔn 'ö‑ ‑wɔn 'gü ‑a ‑zɔn mɛ ‑dhɛ bha 'ö‑ ‑kë kö mɛ "bhɩɩ‑ ‑nu ‑wo n Dë Atanna bha‑ ‑dhɔkë (‑dhɛ ꞊gban "pɛpɛ 'gü). ꞊Dhɛ 'ö ‑kë ꞊dhɛ Atanna bha 'Nii‑ ‑mü bha ‑a ‑dhɛa ‑bha ꞊dhɛ 'mɛ 'wo dho‑ ‑dhɔkë 'pö bha‑ ‑bha tɛanwɔn pö 'Nii‑ bha ‑ya "sɩ kë‑ ‑nu ‑dhɛ kö ‑wa ‑dhɔkë ꞊dhɛ ‑kɔ 'ö‑ 'ka ‑a 'dhö; ‑a ‑gɛn ‑mü ꞊dhɛ ‑yö mɛ suu 'ö "dhʋ̈ ꞊në‑ ꞊mɔɔ kö ‑wa ‑dhɔkë.»

"kɛɛ mɛ "ʋʋ mɛ 'ö "yi 'a dho‑ nu‑ ‑dhɛ bha‑ mü, "yi mü ‑dhɔ 'yii 'dho‑ ‑mɛ kë 'zü tongtongdhö; ‑a ‑gɛn ‑mü ꞊dhɛ "yi 'dhɛ 'a dho‑ nu‑ ‑mɛ ‑dhɛ bha ‑yö ‑dho kë "yi ziösü 'ö ‑tosɛa 'ö 'yaa yën ‑a ‑kë mɛ ‑dhɛ bha‑ 'ka 'ö‑ ‑gɔ ‑yö bhɔ‑ ‑mɛ 'gü.»

'Yö Yesu ‑ya ‑yɔ bɔ‑ ‑gɔ 'ö‑ pö: «꞊Ya kë 'nu ꞊dhɛ 'pë 'ö Atanna ‑ya ꞊gbaɔ mɛ "bhɩɩ‑ ‑nu ‑gɔ bha 'i‑ ‑dɔ, 'ö 'mɛ 'ö "yi ‑gbadhɛ sië i ‑gɔ kö 'ö‑ mü bha 'i‑ dɔ, kö bhi ꞊në 'i dho "yi ‑gbadhɛ yö ‑zë ‑gɔ 'nu 'yö "yi ziösü nu i ‑dhɛ.»

'Yö Yesu ‑ya pö‑ ‑nu ‑dhɛ: «'Mɛ 'ö n bɔ bha‑ ‑zʋ "piʋ̈ ‑wɔn kë ‑sü waa‑ yë 'ö‑ nu n ‑dhɛ ‑a "dhiʋ̈ ‑ta ‑sü bha ꞊në ꞊dhɛ n ‑bhöpë 'dhö.

'Yö dhebhɔnë ‑ya ‑yɔ bɔ‑ ‑gɔ 'ö‑ pö: «N Dëmɛ, ‑a "yi 'kö "dhʋ̈ i ‑dho ‑a nu ‑kɔ kë ꞊dhɛ n ‑dhɛ kö ‑klɔng ‑tɔ 'ka ‑pë 'yaa i ‑gɔ, "kɛɛ kö ‑klɔng ya ‑yö ꞊gblɛɛn.

'Yö dhebhɔnë ‑ya ‑yɔ bɔ‑ ‑gɔ 'ö‑ pö: «A‑ 'wɔn ‑dɔ ꞊dhɛ Atanna ‑bha ‑Yamɛ 'wo‑ Klisi ‑kë bha ‑yö ‑dho nu. ꞊Dhɛ ꞊ya nu yö ꞊në dho 'wɔn ꞊gban 'klɔɔ‑ pö yi ‑dhɛ.» 'Yö Yesu ‑ya pö‑ ‑dhɛ: «Ma 'a dhiang zë sië i ‑dhɛ ya ma ꞊në 'wo n ‑dhɛ "dhʋ̈.»

«‑Ka nu kö 'ka ‑dhɛ 'bha ‑ga! 'Mɛ 'ö ya 'wɔn ‑nu 'a‑ ‑kë ‑ya ꞊gban ‑dɔ, ꞊yaa‑ ꞊gban pö n ‑dhɛ "pɛɛpɛdhö ("kɛɛ kö 'mii‑ yö ‑zianwo do)! Atanna ‑bha ‑Yamɛ bha 'yaa ‑mü "wɛ ‑ee?»