Avalumi 3 থেকে জনপ্রিয় বাইবেল পদ

শেয়ার

Avanu mbevali vapigite inzanangifu na vagayite indolo sa Nguluvi. Neke pa ikipelwa icha uwuwuya wa Nguluvi, avanu mbevali vakwidikilwa ulwa vagolofu kwa ing'asi ya Yesu Kilisito yeakuvakombola.

Nguluvi akuvidikila avanu ulwa vagolofu kwa ing'asi ya ulufuuwo lwawo kwa Yesu Kilisito; Nguluvi ipigaga ndahihyo kwa vala mbevali avifuuwa; kugaya luhagu lweluvesaga.

Nguluvi amutawe Yesu sambi kwa idanda yakwe ave ng'asi ya ukuvahesekesa avanu inzanangifu sawo ukwimila ulufuuwo lwawo kulumwene. Agisile ndahihyo sambi alagile ulwa umwene mugolofu. Pidaha Nguluvi akangalilige satugigi ulwa inzanangifu sa avanu; Neke lino de akwihoma na inzanangifu sa avanu sambi alagile uwugolofu wakwe. Pakugita ndahihyo umwene Nguluvi ailagila ulwa umwene mugolofu, na ulwa akumunosa ukuva mugolofu umunu yeyeavesaga yeakumufuuwa Yesu.

Pakuva asukuli umunu yeyeavesaga yeakwidikilwa ukuva mugolofu pa Nguluvi uwimila ukwinatila indagilo; ikipigo cha indagilo kilagila umunu ulwa apigite inzanangifu.

Ndawe Uwandike Uwelu wewitigila: “Asukuli umugolofu na yumwinga! Asukuli umunu yeakulukagula nave yeakumusaka Nguluvi. Mbevali vayasile, mbevali vananzile; Asukuli yeaipiga inofu, asukuli na yumwi.

Pakuva umunu akwidikilwa ulwa mugolofu uwimila ulufuuwo, na siwimila ukukwisa indagile mu ndagilo.

Nangi na ludodo! Nguluvi isigala mufuuwa mbepali, nambi luve avanu mbevali vadesi. Ndawe uwandike uwelu wewitigila, “Peuvesaga wilonga, ing'ani sako sa nachene na pewihiga mbepali wakuvalema.”