Popular Bible Verses from Mar thehr liq 19

শেয়ার

Yer suq awg laq ghuhd teq pa haq ngawx lar lehq koz vid che, “Chaw yad vawr te maq gha hawg. Kheh ma khuhd Ghig sa awr lehr awg ceng gha lia haq te gha che yaog,” lehd koz vid che yaog.

Kheh te cheaq te lehq, ix mag awr lehr ni ghad mad kawq phehq-oq. Kheh te lar, te ghad lehax phehq vehr che yaog. Kheh te cheaq te lehq Ghig sa yug caz daq vid lar che haq chaw yad maq gha yug phaz daq vid hawg,” lehd koz vid che yaog.

Yer suq i hehd haq kawq koz vid che, “Awg kawd maq thad huh te phanr sehr phad Ghig sa awr lehr haw khaz he lehq yad mid haq te phanr lar peg lehq koz che, ‘Kheh te cheaq te lehq haw khaz awr lehr yawd ved awr pa awr ye haq phaz daq lar haz lehq yawd ved awg mid ma geh ca chehd lehq ix mag ni ghad liz teq suhr teq sar lehax phehq vehr che yaog.’

Kheh ma khuhd Yer suq koz vid che, “Chaw yad nehax teq pa haq ngag chehd lo lag peha laoq. I hehd haq taq tawr lar. Awg lawn ghod ver, muhd nuh maq muhd mig awr lehr, chaw yad nehax che ve teq pa heh te che chaw ve muhd mig yaog,” lehd koz vid che yaog.

Kheh ma khuhd su haq keh awg kawd chehd che chaw kha peh vad-ag, su khaz nuhr gha kawq chehd tug yaog. Su khaz nuhr chehd chehd che chaw kha peh vad-ag, su haq keh awg kawd chehd chehd lawz tug yaog.

Ngag ved awg meh haq te lehq, a sug yawd ved yehg, a sug yawd ved a vix a nax, a sug yawd ved awr pa awr ye, a sug yawd ved awg yad awg dug, a sug yawd ved ti mi he lehq ha haq chid bag lar haz che chaw awg gha lia awr lehr, u ve haq keh teq ha pun kawq gha lehq co tiq ha tiq awg sinx haq liz gha tug yaog.

Yer suq yawd haq kawq koz vid che, “Nawg awg ceng gha lia saw lawq vid gad ver nawg koeq lehq nawg kha cawg lar che med nged jeg kor teq pa awg gha lia saw huhd lehq har yad ghuhd yad teq pa haq ca pehg vid-eq. Muhd nuh maq lo awg phuhd khaz che med nged nawg cawg lar tug yaog. U kheh te lar haz lehq nawg vawr kawaq lehq ngag khaz nuhr ghaq laoq,” lehd koz vid che yaog.

Yer suq kawq koz vid che, “A thoq te lehq nawg ngag haq daq che awg lawn na cheawg le. Daq che awg sehr phad te ghad lehax cawg che yaog. A saq teq kig lo nawg kae gad ver, awg lid tawd khuhd teq pa haq na yug lehq teoq,” lehz yawd haq koz vid che yaog.

Ngag nig hehd haq te pawz kawq koz ax laq sar, kar lar oq teq kheh a ghoq nar khuhn gehe che vawr, paw sa che chaw te ghad Ghig sa ve muhd mig khuhn gehe cheaq keh sa che yaog,” lehd koz vid che yaog.

Ngag nig hehd haq koz ax laq, hax chawd hax paz te che ted ceng ma hez ver a sug yawd ved awg mid ma haq chid bag lehq awg kag awg nuz awr ve yad mid haq he che chaw a sug te ghad lehd ma koz hax chawd hax paz te che yaog,” lehz Yer suq i hehd haq koz vid che yaog.

Yer suq yawd ved awg laq ghuhd teq pa haq koz vid che, “Ngag nig hehd haq awg cehg mag koz ax laq, paw sa che chaw teq pa awr lehr, muhd nud maq muhd mig khuhn gehe tug har jad che yaog.