Popular Bible Verses from MATHI 19

শেয়ার

Tüshe Jisunü arü kheak kheahbah tha, “Mihtsürü thsungkheak ha amukukbe, tüshe Thrünpuh thsungkheak a alala akukbe lah.”

Junangde kheaküa ane mahne yung tüshe shihphü khülang ah. Jumonü Thrünpuhnü tümü thsürushihdünü mihtsürünü düchamachih shi.”

Apinü arü ki alo, “Atankih ching shepünü arü thrünkheanü, ‘athrürü tüsho aliberü thrünkheah,’ de nüsanü mükhe de? tüsho tha, ‘Ha dünkheaknü athrürünü abuh tüsho abe chamkhibah tüsho aniube lung thsürua labah, tüsho mahne ju shihphü khülang kambah.’

Tüshe Jisunü tha, “Azürü aninibo I kilim arüshang, tüsho arü düyanlo; tümüde yinmi kiulongthsü harü yo ah.”

Tüshe akhuhrü ahihkhüh ashurü kambah, tüsho ashurü ahihkhüh akhuhrü kambah.

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

Jisunü alo, “Tümüde nünü I ki atsü dünkheak keokhicho? Atsü khülang lang lah. Nünü rhangdung lapung ching yüzahnesho, thiyukhümbo zoang.”

Kheaküshe inü nüsa ki thachoh, alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku chingnü chinkhitde ahokhi athülihbe ah.”

Tüsho inü nüsa ki thachoh, yüliyürakhi kheak hode shepünü nihbuh niuberü bahbah püpürü luchonü müzammüram yihbeakchoh; tüsho bah-a lakhi liberü shepünü luchonü müzammüram yihbeakchoh.”

Tüsho Jisunü api jingyanrübo ki tha, “Atsütsü inü nüsa ki thachoh, alarü mihtsürü khülangnü yinmi kiulongthsü ching yüzahpü chaklah.