Popular Bible Verses from YUNIRÜBO RHIMO 5

শেয়ার

Judüki Peter tüsho amüsüh-thsangyurü püpürünü alo tüsho tha: “Isanü mihtsürü kheaknü a Thrünpuh ki mihyuanibah.

Tüsho nimung aban arüngyam tüsho thüyam ching Jisu ju Khrista de athsangyupü tüsho thsangyuthsangrapü arünü anüzhak müthsü.

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea? Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.” Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü.

Jumonü ha thsungkheak inü nüsa ki thachoh, harü mihtsürü kheaknü chamkhiang tüsho arü zangrü zojang; tümüde ha lümkhi yungsho rhimokhi mihtsürü kilimnü a sho ju akuk müngü; tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”