<div class="version vid4574 iso6393lwg" data-vid="4574" data-iso6393="lwg">
 <div class="book bkDAN">
 <div class="chapter ch11" data-usfm="DAN.11">
 <div class="label">11</div><div class="p"> 1Nasi, mumuyika kwambeli kwaDario omuMedi, ndasinjila okhumuletelela nokhumumeetela amaanu.</div><div class="s">AkOmuruchi weNotsi nende Omuruchi weSautsi</div><div class="p"> 2Ne bulaano ekhumanyie obwatoto. Lola, bashiliho abaruchi bataru abalabuukha muPerisia; mana owakhane alaba omuyinda okhubashila bosi, ne olwa alaba nakufuhaale khulwa obuyindabwe, alayakula bosi okhuseera oburuchi bwebuYunani. 3Omuruchi wamaani alabuukha, oularuka nobwami obukhongo, nakhola aka yeenya. 4Ne namalile okhubuukha, oburuchibwe bulafunakwa, nibukabukhasibwa enamiyeka chine chielikulu; ne khunzibulotsie ta, kata obwami obwa yaruka ninabwo shinga olwa buli; okhuba oburuchibwe buleehwa nibutsia khubandi abarali abo ta.</div><div class="p"> 5Naye omuruchi wesautsi alaba owamaani; ne mulala owokhubakhulundube alamushila amaani, khandi obwamibwe bulaba obwami obukhongo. 6Ne olunyuma Iwemiyika chindi balalia omuumanaye omukhaana womuruchi wesautsi aleetsela omuruchi wenotsi okhuralisia indakano; ne shialatong'a namaani komukhonokwe ta; naye omuruchi tsana shialasinjila, kata olwibulolwe ta; ne omukhasi tsana alahaanwa butswa nende aba yeetsa ninabo, nomwanawe nende oyo ouli omwamiwe. 7Mundaalo etsio omurombo okurula mushisina shiomukhasi tsana kulasinjila mushilenje shiasamwana; aleetsa naseera abelihe tsana, niyeenjila mulukoba Iwomuruchi wenotsi, nabayinga nabahula. 8Khandi alahamba abanyasaye babwe, nebifwanani biabwe ebisalule, nebimanulwa biabwe ebilayi ebieifeetsa neitsahaabu, nabiyila eMisiri; mana eshise shiemiyikakhwo alalekha omuruchi wenotsi bulekha. 9Naye omwenoyo aleenjila muburuchi bwomuruchi wesautsi; ne alamala akalushile eshialo shishie.</div><div class="p"> 10Nabo abaanabe balaseera lihe, nibakhung'aasia amahe kamaani amanji, akaleetsa bwitsa, nikahaanya, nikabiramwo, nikakalukhamwo nikaseera kata okhuula khulukobalwe. 11Omuruchi wesautsi naye alalula muno, narula naseerana nende omuruchi wenotsi; omwenoyo alabuusia omukanda omukhongo, nebutswa kulahaanwa mumukhono kwa ulia. 12Ne omukanda tsana olwa kubukulwa, omwoyokwe kuleechinjimisia; alakwisia abandu ebikhumila amakhumi; nebutswa shialahula ta. 13Naye omuruchi wenotsi alakalukha, nabuusia omukanda omukhongo okhushila okwambeli; olunyuma Iwebise biemiyika aleetsa bwitsa, nelihe likhongo muno, nemiandu eminji.</div><div class="p"> 14Mundaalo etsio abandu abanji balabuukha okhuyinga omuruchi wesautsi; nabo abamahababa abali mubandubo baleechinga okhuusia libisulo; ne balakhaywa. 15Kho omuruchi wenotsi aleetsa, naswala eshituuli, nabukula litookho liolukoba olulayi; abamaani besautsi shibalanyala okhusinjila, kata abandube abalobole; shibalabakhwo namaani okhusinjila ta. 16Ne owitsa okhubaseera alakhola aka omwene achama; abulaho oulasinjila imbeliwe; alasinjilayo mushialo eshing'oonefu, nobutibii mumukhonokwe. 17Alarakhwo omwoyo okhwitsa nende amaani koburuchibwe bwosi; ne aleetsa namakhuwa komulembe, niyoosia amakhuwa tsana; alamubashila omukhaana l okhwonoonia obwami; ne shibulasinjila, kata okhumukaasila ta. 18Olunyumakhwo alachoomia tsimonitsie khubialo bietsinguku, nabukula ebinji khubio; ne omuseesia undi alaakamia obunyechibwe; kata alashiukhasia amanyekoke kabe khuye omwene. 19Mana alashiukhasia tsimonitsie khungoba etsiomushialoshie; nebutswa aleesichirala, nakwa, naranyoolekha ta.</div><div class="p"> 20Mana oundi alasinjila mushilenjeshie, oularuma omuroosii wobushuru okhubira mushialo, khulwa oluyali Iwoburuchi; ne tsindaalo nitsirashiabira tsinyinji ta, alafunakwa; nebutswa muburima kata mwihe ta. 21Ne mushilenjeshie oundi alasinjila, owokhufwolwa, ouraheebwakhwo oluyali Iwobwami ta; ne aleetsa nibareere-cheeshe ta, niyeenyoolela oburuchi khulwa obulombelesii. 22Amahe kalayuulwa nomuhaanyo imbeliwe, nikafunakwa, nende omukhulundu weindakano yesi. 23Ne okhurula olwa balaba nibaliile omuuma, alakholanga obukaatii; okhuba alabuukha nakufuhala, kata olwa ali noluyia olutuutu. 24Ne khushise olwa bali nibareerecheeshe ta, alakwila habundu ahanulu hosi mulukongo, nakhola likhuwa elia abasamwana kata abakuukanyene barakholakhwo ta, nasalaasia mubo ebioluyiitsi, nebiyaayo, nemiandu; alakasia akamaches i okhuseera tsingoba, eshisekhwo. 25Alayakula obunyalibwe neitswoniye okhuseera omuruchi wesautsi nende lihe likhongo; naye omuruchi wesautsi alaseerana ninaye nelihe likhongo muno, eliamaanl; ne shialanyala okhusinjila ta, okhuba balakhalaka amachesi okhumuyinga. 26Kata abo abaliitsanga khubiokhuliabie ebinulu balamumalilana, ne lihelie lilayuulwa buyuulwa; abandu abanji balakwisibwa nibeerwa. 27Nabo abaruchi abo bombi, emioyo chiabwe chilachooma okhukhola obubii; balasungana akobubeeyi khumeesa ndala; nebutswa shikalakaasa ta okhuba obumaliilishi buliula khunduukho eyaiakwa. 28Mana alakalushila eshialoshie nemiandu eminji, omwoyokwe nikufukula indakano indakntifu. Alakhola aka yeenya, nakalushila eshialoshie.</div><div class="p"> 29Khunduukho eyalakwa alakalukha niyeenjila mushialo shiesautsi; ne mundaalo etsio tsiolunyuma shikalaba shinga olwa kali olwambeli ta. 30Okhuba amaaro kaKitimu kaleetsa okhumuseera, naye alahulwa, nakalukha inyuma, nasinyishila indakano indakatifu, nachiyinga; khandi alakalukha nahulila abo abeebala indakano indakatifu. 31Abamaani balabuukha khululwe, niboonoonia habundu ahatakatifu nolukoba Iwene, nibarusiaho omusango omusambe kwakhatsotso, nibasinjisia eshisinyo tsana eshionooninjia. 32Abo abakhayanga indakano, alabashiamia nobulombelesii; nebutswa abandu abamanya Nyasaye wabwe balatinya, nibakhola. 33Abali abachesi mubandu baleechesia abanji; nebutswa balakwisibungwa netsinganga, netsimemu tsiomulilo, nobuhambe, nobuyaayi, tsindaalokhwo. 34Olwa balakwa, balahabinwa ihabini induutu; ne abanji baleeyunga khubo nobulombelesii. 35Abandi abokhubachesi tsana balakwisibwa, okhubateema nokhubasiiya nokhubalabia, okhuula khunduukho yobumaliilishi; okhuba induukho yishili okhuula.</div><div class="p"> 36Naye omuruchi alakhola aka yeenya; aleechinjimisia niyeekhulumamia hekulu wabanyasaye bosi, nasunga akamakana okhufukula oyo Nyasaye wabanyasaye. Akeke kalakaasa; okhuula olwa obusinyishi bulaba nibuusiibwe; okhuba akalachilisibwa kalamala keekhole. 37Shialateebakhwo likhuwa khubanyasaye babakuukanyene, kata oyo owa abakhasi baheelanga; shialateeba likhuwa khumunyasaye yesi ta; okhuba aleekhulumamia okhushila bosi. 38Ne mushilenje shia echio, alaheelesia omunyasaye wetsingoba oluyali; alamuheelesia oluyali nende itsahaabu, neifeetsa, noruchina rwolukoosi, nebindu ebichamisia, omunyasaye owa abakuukanyene baramanyakhwo ta. 39Alaseera tsingoba etsishila amaani khulwa obuhabini bwomunyasaye omucheni. Abo abamufuchiilila, alabakhongoyia noluyali; alabeemekha okhuruka abandu abanji; ne alakabula eshialo khulwa obukusi.</div><div class="p"> 40Khushise shiobumaliilishi, omuruchi wesautsi alaseerana ninaye; naye omuruchi wenotsi aleetsa okhumuseera shinga imbumbuyeka, nali namakaari, nabachendela khufarasi, nende amaaro amanji; aleenjila mubialo, nahaanya, nabiramwo. 41Aleenjila nende mushialo eshing'oonefu, ne abanji muno balakwisibwa; habula Edomu, naMoabu, nobunji bwabaAmoni, balahonokosibwa mumukhonokwe. 42Khandi alanyiila omukhonokwe khubialo, kata eshialo shiaMisiri shishilahona ta. 43Alaba nobunyali khumabiikho keitsahaabu neifeetsa, nende khubindu biosi biolukoosi ebieMisiri; nabo abaLibia nabaEtiopia balalonda inyumawe. 44Nebutswa amakhuwa akarula ebukwe nende enotsi kalamuriisia; alarula nobululu muno okhumalilana nokhutibilia elala abanji. 45Alakhoma amaheemake akeitookho hakari weinyanza neshikulu eshitakatifu eshieing'oono; nebutswa aloola khushihesi; shialabaho oumuhabina ta.</div>
 </div>
 </div>
</div>

Oluluyia Union Version © Bible Society of Kenya 1975

Nasi, mumuyika kwambeli kwaDario omuMedi, ndasinjila okhumuletelela nokhumumeetela amaanu.

Ne bulaano ekhumanyie obwatoto. Lola, bashiliho abaruchi bataru abalabuukha muPerisia; mana owakhane alaba omuyinda okhubashila bosi, ne olwa alaba nakufuhaale khulwa obuyindabwe, alayakula bosi okhuseera oburuchi bwebuYunani. Omuruchi wamaani alabuukha, oularuka nobwami obukhongo, nakhola aka yeenya. Ne namalile okhubuukha, oburuchibwe bulafunakwa, nibukabukhasibwa enamiyeka chine chielikulu; ne khunzibulotsie ta, kata obwami obwa yaruka ninabwo shinga olwa buli; okhuba oburuchibwe buleehwa nibutsia khubandi abarali abo ta.
Naye omuruchi wesautsi alaba owamaani; ne mulala owokhubakhulundube alamushila amaani, khandi obwamibwe bulaba obwami obukhongo. Ne olunyuma Iwemiyika chindi balalia omuumanaye omukhaana womuruchi wesautsi aleetsela omuruchi wenotsi okhuralisia indakano; ne shialatong'a namaani komukhonokwe ta; naye omuruchi tsana shialasinjila, kata olwibulolwe ta; ne omukhasi tsana alahaanwa butswa nende aba yeetsa ninabo, nomwanawe nende oyo ouli omwamiwe. Mundaalo etsio omurombo okurula mushisina shiomukhasi tsana kulasinjila mushilenje shiasamwana; aleetsa naseera abelihe tsana, niyeenjila mulukoba Iwomuruchi wenotsi, nabayinga nabahula. Khandi alahamba abanyasaye babwe, nebifwanani biabwe ebisalule, nebimanulwa biabwe ebilayi ebieifeetsa neitsahaabu, nabiyila eMisiri; mana eshise shiemiyikakhwo alalekha omuruchi wenotsi bulekha. Naye omwenoyo aleenjila muburuchi bwomuruchi wesautsi; ne alamala akalushile eshialo shishie.
Nabo abaanabe balaseera lihe, nibakhung'aasia amahe kamaani amanji, akaleetsa bwitsa, nikahaanya, nikabiramwo, nikakalukhamwo nikaseera kata okhuula khulukobalwe. Omuruchi wesautsi naye alalula muno, narula naseerana nende omuruchi wenotsi; omwenoyo alabuusia omukanda omukhongo, nebutswa kulahaanwa mumukhono kwa ulia. Ne omukanda tsana olwa kubukulwa, omwoyokwe kuleechinjimisia; alakwisia abandu ebikhumila amakhumi; nebutswa shialahula ta. Naye omuruchi wenotsi alakalukha, nabuusia omukanda omukhongo okhushila okwambeli; olunyuma Iwebise biemiyika aleetsa bwitsa, nelihe likhongo muno, nemiandu eminji.
Mundaalo etsio abandu abanji balabuukha okhuyinga omuruchi wesautsi; nabo abamahababa abali mubandubo baleechinga okhuusia libisulo; ne balakhaywa. Kho omuruchi wenotsi aleetsa, naswala eshituuli, nabukula litookho liolukoba olulayi; abamaani besautsi shibalanyala okhusinjila, kata abandube abalobole; shibalabakhwo namaani okhusinjila ta. Ne owitsa okhubaseera alakhola aka omwene achama; abulaho oulasinjila imbeliwe; alasinjilayo mushialo eshing'oonefu, nobutibii mumukhonokwe. Alarakhwo omwoyo okhwitsa nende amaani koburuchibwe bwosi; ne aleetsa namakhuwa komulembe, niyoosia amakhuwa tsana; alamubashila omukhaana l okhwonoonia obwami; ne shibulasinjila, kata okhumukaasila ta. Olunyumakhwo alachoomia tsimonitsie khubialo bietsinguku, nabukula ebinji khubio; ne omuseesia undi alaakamia obunyechibwe; kata alashiukhasia amanyekoke kabe khuye omwene. Mana alashiukhasia tsimonitsie khungoba etsiomushialoshie; nebutswa aleesichirala, nakwa, naranyoolekha ta.
Mana oundi alasinjila mushilenjeshie, oularuma omuroosii wobushuru okhubira mushialo, khulwa oluyali Iwoburuchi; ne tsindaalo nitsirashiabira tsinyinji ta, alafunakwa; nebutswa muburima kata mwihe ta. Ne mushilenjeshie oundi alasinjila, owokhufwolwa, ouraheebwakhwo oluyali Iwobwami ta; ne aleetsa nibareere-cheeshe ta, niyeenyoolela oburuchi khulwa obulombelesii. Amahe kalayuulwa nomuhaanyo imbeliwe, nikafunakwa, nende omukhulundu weindakano yesi. Ne okhurula olwa balaba nibaliile omuuma, alakholanga obukaatii; okhuba alabuukha nakufuhala, kata olwa ali noluyia olutuutu. Ne khushise olwa bali nibareerecheeshe ta, alakwila habundu ahanulu hosi mulukongo, nakhola likhuwa elia abasamwana kata abakuukanyene barakholakhwo ta, nasalaasia mubo ebioluyiitsi, nebiyaayo, nemiandu; alakasia akamaches i okhuseera tsingoba, eshisekhwo. Alayakula obunyalibwe neitswoniye okhuseera omuruchi wesautsi nende lihe likhongo; naye omuruchi wesautsi alaseerana ninaye nelihe likhongo muno, eliamaanl; ne shialanyala okhusinjila ta, okhuba balakhalaka amachesi okhumuyinga. Kata abo abaliitsanga khubiokhuliabie ebinulu balamumalilana, ne lihelie lilayuulwa buyuulwa; abandu abanji balakwisibwa nibeerwa. Nabo abaruchi abo bombi, emioyo chiabwe chilachooma okhukhola obubii; balasungana akobubeeyi khumeesa ndala; nebutswa shikalakaasa ta okhuba obumaliilishi buliula khunduukho eyaiakwa. Mana alakalushila eshialoshie nemiandu eminji, omwoyokwe nikufukula indakano indakntifu. Alakhola aka yeenya, nakalushila eshialoshie.
Khunduukho eyalakwa alakalukha niyeenjila mushialo shiesautsi; ne mundaalo etsio tsiolunyuma shikalaba shinga olwa kali olwambeli ta. Okhuba amaaro kaKitimu kaleetsa okhumuseera, naye alahulwa, nakalukha inyuma, nasinyishila indakano indakatifu, nachiyinga; khandi alakalukha nahulila abo abeebala indakano indakatifu. Abamaani balabuukha khululwe, niboonoonia habundu ahatakatifu nolukoba Iwene, nibarusiaho omusango omusambe kwakhatsotso, nibasinjisia eshisinyo tsana eshionooninjia. Abo abakhayanga indakano, alabashiamia nobulombelesii; nebutswa abandu abamanya Nyasaye wabwe balatinya, nibakhola. Abali abachesi mubandu baleechesia abanji; nebutswa balakwisibungwa netsinganga, netsimemu tsiomulilo, nobuhambe, nobuyaayi, tsindaalokhwo. Olwa balakwa, balahabinwa ihabini induutu; ne abanji baleeyunga khubo nobulombelesii. Abandi abokhubachesi tsana balakwisibwa, okhubateema nokhubasiiya nokhubalabia, okhuula khunduukho yobumaliilishi; okhuba induukho yishili okhuula.
Naye omuruchi alakhola aka yeenya; aleechinjimisia niyeekhulumamia hekulu wabanyasaye bosi, nasunga akamakana okhufukula oyo Nyasaye wabanyasaye. Akeke kalakaasa; okhuula olwa obusinyishi bulaba nibuusiibwe; okhuba akalachilisibwa kalamala keekhole. Shialateebakhwo likhuwa khubanyasaye babakuukanyene, kata oyo owa abakhasi baheelanga; shialateeba likhuwa khumunyasaye yesi ta; okhuba aleekhulumamia okhushila bosi. Ne mushilenje shia echio, alaheelesia omunyasaye wetsingoba oluyali; alamuheelesia oluyali nende itsahaabu, neifeetsa, noruchina rwolukoosi, nebindu ebichamisia, omunyasaye owa abakuukanyene baramanyakhwo ta. Alaseera tsingoba etsishila amaani khulwa obuhabini bwomunyasaye omucheni. Abo abamufuchiilila, alabakhongoyia noluyali; alabeemekha okhuruka abandu abanji; ne alakabula eshialo khulwa obukusi.
Khushise shiobumaliilishi, omuruchi wesautsi alaseerana ninaye; naye omuruchi wenotsi aleetsa okhumuseera shinga imbumbuyeka, nali namakaari, nabachendela khufarasi, nende amaaro amanji; aleenjila mubialo, nahaanya, nabiramwo. Aleenjila nende mushialo eshing'oonefu, ne abanji muno balakwisibwa; habula Edomu, naMoabu, nobunji bwabaAmoni, balahonokosibwa mumukhonokwe. Khandi alanyiila omukhonokwe khubialo, kata eshialo shiaMisiri shishilahona ta. Alaba nobunyali khumabiikho keitsahaabu neifeetsa, nende khubindu biosi biolukoosi ebieMisiri; nabo abaLibia nabaEtiopia balalonda inyumawe. Nebutswa amakhuwa akarula ebukwe nende enotsi kalamuriisia; alarula nobululu muno okhumalilana nokhutibilia elala abanji. Alakhoma amaheemake akeitookho hakari weinyanza neshikulu eshitakatifu eshieing'oono; nebutswa aloola khushihesi; shialabaho oumuhabina ta.

শুনুন Danieli 11