Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">U Toldu ni Jesus Tungkul tu P&#225;ngngat&#225;d</div><div class="p"> 1Kinagi pa ni Jesus &#8220;Siguraduw&#225;n moy a dyan kam la maggimet ti maganda para la ipeta tu tolay t&#225;nni puriy&#225;n di kam. Dipo awan kam ti gantimpala a maalap tu Ama moy ti langet. 2Kanya ni mangat&#225;d kam tu m&#225;gkahirap hide ay dyan moy ihambug tu agum. Ina u g&#225;ggimit&#225;n nu mapagkunware hide a tolay tu sinagoga hide sakay tu kakarsada t&#225;nni puriy&#225;n hide nu katolayan. Ikagi ko nikam a talaga natanggap di d&#225;n u gantimpala de. Awan d&#225;n hide ti gantimpala a g&#225;bwat tu Diyos. 3Kanya hikam ni mangat&#225;d kam dyan moy ikagi maski ni ti deya. 4Gimit&#225;n moy la iye a sekreto sakay gantimpalaan kam nu Ama moy ti langet a naketa nikam.&#8221;</div><div class="s">U Toldu ni Jesus Tungkol tu P&#225;gdasal</div><div class="r">(Lukas 11:2-4)</div><div class="p"> 5Sakay kinagi pa ni Jesus &#8220;Ni magdasal kam ay dyan moy ahig&#225;n u gimet nu mapagkunware hide. Gugustu de a magdasal a nakatakn&#225;g tu sinagoga sakay tu kakarsada t&#225;nni ketan hide nu katolayan. Ikagi ku nikam a talaga naalap di d&#225;n u gantimpala de. 6Pero hikam, ni magdasal kam ay angay kam tu awan ti tolay a lugar sakay magdasal kam tu Ama moy a awan tam ketan. Sakay siya a naketa nikam u mangat&#225;d nikam ti gantimpala.&#8221;</div><div class="p"> 7Tu p&#225;gdasal moy ay dyan kam magupos ti makpal a upos a awan ti kahulugan konna tu p&#225;gdasal nu awan hide maniwala tu Diyos. Dipo isip&#225;n de a t&#225;bbeg&#225;n hide nu Diyos dipo makpal d&#225;n hide a inyupos. 8Dyan moy hide ahig&#225;n dipo tukoy d&#225;n nu Ama moy i kailangan moyay bagu kam a mangaged.</div><div class="p"> 9Kanya magdasal kam a te kahulugan a konna he &#8220;Am&#225;ng a Diyos ti langet, ilangkaw nakwa nu tolay hide u ngahan mo. 10Masoh kami a hiko u maghari tu atanan a tolay ti munduw&#225;y. Nakwa sunud&#225;n nu atanan a tolay u kagustuwan mu he ti munduw&#225;y a konna tu p&#225;gsunud de hina ti langet. 11At&#225;dden mo kami ped tu pangangailangan me aldew aldew. 12Patawad&#225;n mu kame tu kasalanan me a konna tu p&#225;gpatawad me tu nagkasala nikame. 13Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.&#8221;</div><div class="p"> 14Ni patawad&#225;n moy u nagkasala nikam ay patawad&#225;n kam be nu Ama moy ti langet. 15Pero ni awan moy hide patawad&#225;n ay awan kam be patawad&#225;n nu Ama moy ti langet.</div><div class="s">U Toldu ni Jesus Tungkul tu P&#225;gkulasyon</div><div class="p"> 16Sakay kinagi pa ni Jesus &#8220;Ni magkulasyon kam ay dyan moy ipeta a malungkut kam konna tu g&#225;ggimit&#225;n nu mapagkunware hide. Awan d&#225;n hide magayus tu sadi-sadili de t&#225;n matukuyan nu agum a nagkulasyon hide sakay puriy&#225;n de hide. Kagiy&#225;n ku nikam a talaga natanggap di d&#225;n u gantimpala de hide. 17Kanya ni hikam u magkulasyon ay magsuklay sakay magidemos kam 18para awan mapospusan nu tolay hide a nagkulasyon kam. Nan u nakatukoy la ay u Ama moy la ti langet a awan ketan. Sakay siya u mangat&#225;d nikam tu gantimpala moy.&#8221;</div><div class="s">U Tunay a Kayamanan</div><div class="r">(Lukas 12:33-34)</div><div class="p"> 19Sakay kinagi pa ni Jesus &#8220;Dyan kam magpuhon ti kayamanan he ti munduw&#225;y dipo u kayamanan he ay anay&#225;n, simang&#225;n sakay matakaw nu m&#225;gtakaw hide. 20Nan magpuhon kam ti kayamanan hod ti langet. Awan hod anay&#225;n, simang&#225;n sakay matakaw. 21Dipo ni h&#225;dya u kayamanan mo hod be u isip mo.&#8221;</div><div class="s">U Simbu nu B&#225;ggi</div><div class="r">(Lukas 11:34-36)</div><div class="p"> 22Sakay intoldu pa ni Jesus &#8220;U mata u pinakasimbuwan nu b&#225;ggi, kaya ni awan ti diperensiya u mata moy ay mademlagan be u atanan a b&#225;ggi moy. 23Pero ni te diperensiya u mata moy ay madihaman u atanan a b&#225;ggi moy. Kanya ni u simbuwan a atoy niko ay maduk&#225;s, ay grabe a tahod u kaduk&#225;ssan mo.&#8221;</div><div class="s">P&#225;gserbiyan U Diyos Sakay Dyan Mabalisa</div><div class="r">(Lukas 12:22-34; 16:13)</div><div class="p"> 24Sakay kinagi pa ni Jesus &#8220;Awan ti makapagserbi ti duwwa a amo dipo kaiyamut&#225;n na u essa sakay mahal&#225;n na u essa oni mas magin matapat siya tu essa nan tu essa. Awan moy maare a sabay&#225;n a pagserbiyan u Diyos sakay u kayamanan. 25Kaya itoldu ko nikam a dyan kam maligalig tu pangangailangan nu biyag moy a konna ti kan&#225;n, inum&#225;n, sakay badu. Awan beman mas mahalaga u biyag nan tu makan sakay mas mahalaga u b&#225;ggi nan tu badu? 26Isip&#225;n moy la u manok hide, awan hide magsabug o maggapas sakay magd&#225;tton tu p&#225;gsalansanan pero pakan&#225;n hide nu Ama moy ti langet. Awan beman mas mahalaga kam nikuna nan tu manok hide? 27Sakay maare beman pakatakdug&#225;n nu balisa u biyag moy? 28Umesa pa, bakin a mabalisa kam ni &#225;nya u isulot moy? Isip&#225;n ped ni kodya dumak&#225;l u bulaklak hide tu araduwan. Awan hide makagimet ti badu 29pero mas maganda pa hide a iling&#225;n nan tu pinakamayaman a hare tu itod a ti Solomon. 30Ni konna hod u p&#225;gpospos nu Diyos tu bulaklak a alisto a matay sakay tutud&#225;n la, hikam pa w&#225;d kaya u awan na at&#225;dden ti badu? &#193;nya r&#225;mben ti kabadit u p&#225;nniwala moy. 31Kanya dyan kam mabalisa tu kan&#225;n, inum&#225;n sakay tu isulot moy. 32Dipo sa itod hide u ehyok&#225;n nu awan maniwala tu Diyos. Pero tukoy nu Ama moy ti langet u atanan a kailangan moy hide. 33Kanya hikam ay idipalongu moy u p&#225;ghare nu Diyos tu biyag moy sakay sunud&#225;n u atanan a kautusan na. Dipo ni gimit&#225;n moy ina ay iyat&#225;d be nu Diyos u atanan a kailangan moy. 34Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy d&#225;n dagdagen pa u problema moy kada aldew.&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet. Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos. Kanya hikam ni mangatád kam dyan moy ikagi maski ni ti deya. Gimitán moy la iye a sekreto sakay gantimpalaan kam nu Ama moy ti langet a naketa nikam.”


Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de. Pero hikam, ni magdasal kam ay angay kam tu awan ti tolay a lugar sakay magdasal kam tu Ama moy a awan tam ketan. Sakay siya a naketa nikam u mangatád nikam ti gantimpala.”
Tu págdasal moy ay dyan kam magupos ti makpal a upos a awan ti kahulugan konna tu págdasal nu awan hide maniwala tu Diyos. Dipo isipán de a tábbegán hide nu Diyos dipo makpal dán hide a inyupos. Dyan moy hide ahigán dipo tukoy dán nu Ama moy i kailangan moyay bagu kam a mangaged.
Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo. Masoh kami a hiko u maghari tu atanan a tolay ti munduwáy. Nakwa sunudán nu atanan a tolay u kagustuwan mu he ti munduwáy a konna tu págsunud de hina ti langet. Atádden mo kami ped tu pangangailangan me aldew aldew. Patawadán mu kame tu kasalanan me a konna tu págpatawad me tu nagkasala nikame. Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”
Ni patawadán moy u nagkasala nikam ay patawadán kam be nu Ama moy ti langet. Pero ni awan moy hide patawadán ay awan kam be patawadán nu Ama moy ti langet.

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide. Kanya ni hikam u magkulasyon ay magsuklay sakay magidemos kam para awan mapospusan nu tolay hide a nagkulasyon kam. Nan u nakatukoy la ay u Ama moy la ti langet a awan ketan. Sakay siya u mangatád nikam tu gantimpala moy.”


Sakay kinagi pa ni Jesus “Dyan kam magpuhon ti kayamanan he ti munduwáy dipo u kayamanan he ay anayán, simangán sakay matakaw nu mágtakaw hide. Nan magpuhon kam ti kayamanan hod ti langet. Awan hod anayán, simangán sakay matakaw. Dipo ni hádya u kayamanan mo hod be u isip mo.”


Sakay intoldu pa ni Jesus “U mata u pinakasimbuwan nu bággi, kaya ni awan ti diperensiya u mata moy ay mademlagan be u atanan a bággi moy. Pero ni te diperensiya u mata moy ay madihaman u atanan a bággi moy. Kanya ni u simbuwan a atoy niko ay madukás, ay grabe a tahod u kadukássan mo.”


Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan. Kaya itoldu ko nikam a dyan kam maligalig tu pangangailangan nu biyag moy a konna ti kanán, inumán, sakay badu. Awan beman mas mahalaga u biyag nan tu makan sakay mas mahalaga u bággi nan tu badu? Isipán moy la u manok hide, awan hide magsabug o maggapas sakay magdátton tu págsalansanan pero pakanán hide nu Ama moy ti langet. Awan beman mas mahalaga kam nikuna nan tu manok hide? Sakay maare beman pakatakdugán nu balisa u biyag moy? Umesa pa, bakin a mabalisa kam ni ánya u isulot moy? Isipán ped ni kodya dumakál u bulaklak hide tu araduwan. Awan hide makagimet ti badu pero mas maganda pa hide a ilingán nan tu pinakamayaman a hare tu itod a ti Solomon. Ni konna hod u págpospos nu Diyos tu bulaklak a alisto a matay sakay tutudán la, hikam pa wád kaya u awan na atádden ti badu? Ánya rámben ti kabadit u pánniwala moy. Kanya dyan kam mabalisa tu kanán, inumán sakay tu isulot moy. Dipo sa itod hide u ehyokán nu awan maniwala tu Diyos. Pero tukoy nu Ama moy ti langet u atanan a kailangan moy hide. Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy. Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Listen to Mateo 6