<div class="version vid4083 iso6393mfm" data-vid="4083" data-iso6393="mfm">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Nd&#477;r Sha Aga Ndapi</div><div class="p"> 1Kadivira Hyal dz&#477;guya duniya nd&#477;r a&#712;yi, nd&#477;r k&#477; &#477;nga Hyal nga ja, &#477;nga tsu nd&#477;r k&#477; Hyal ngau. 2A&#712;yi ja &#477;nga Hyal kadivira ja dz&#477;guya duniya. 3Lagu nyi ng&#477; Hyal m&#477;liya s&#477; pat&#477;u, ma a&#712;yi &#477;nga ja mai, s&#477; a&#712;yi k&#477;ra Hyal m&#477;liya wu s&#477;ra ji m&#477;lna mai. 4Wu ja ng&#477; pi, najaka pi tsu ca ng&#477; mb&#477;mb&#477;l n&#477; nji. 5Mb&#477;mb&#477;la nyi a v&#477;r mb&#477;l wu kuthl&#477;u, ama kuthla nyi a&#712;yi a s&#477;n ciya mb&#477;mb&#477;la nyi mai.</div><div class="p"> 6Vanyi nd&#477; a&#712;yi k&#477;ra Hyal s&#477;wa, thl&#477;m&#477; nyi ca ng&#477; Yahwana. 7Ji shili ar viya sakida ar k&#477;ra mb&#477;mb&#477;l kau, aga pat&#477;r nju nda mb&#477;rsa &#477;nga ja lagu nyi. 8Naja &#477;nga k&#477;rnyi ng&#477; mb&#477;mb&#477;l k&#477; mai, ama ji shili ar viya sakida ar k&#477;ra mb&#477;mb&#477;la nyi. 9Mb&#477;mb&#477;l k&#477;ra jiri, k&#477;ra wu n&#477; nyi mb&#477;mb&#477;lkur an&#477; kalar nd&#477; a v&#477;r shili wu duniya.</div><div class="p"> 10Ji shili wu duniya k&#477;ra naja ng&#477; m&#477;liya &#477;nga k&#477;rnyi, ama alaga abangau, njir duniya a&#712;yi s&#477;nbiya nyi mai. 11Ji shili aga &#712;yi&#712;yi k&#477;ra n&#477; nyi, ama nji nyi a&#712;yi dl&#477;wuri nyi mai. 12Ama an&#477; pat&#477;r njira dl&#477;wuri nyi, njira mb&#477;rsa &#477;nga thl&#477;m&#477; nyi, an&#477; ndar ja d&#477;nama n&#477; &#599;a wazha Hyal. 13A&#712;yi wazha yaya wu nd&#477;kur mai, alaga lagur cim n&#477; nd&#477;kur mai, &#477;nga alaga lagur &#599;&#477;nga n&#477; salkur mai, ama yaya sara ara Hyal.</div><div class="p"> 14Nd&#477;r kau, ba ji &#599;a ndapi, ba ji nggya wu pama m&#477;n. Na&#712;ya tsu lari kadakadarkur nyi, kadakadarkur n&#477; Z&#477;r Z&#477;m&#477; pathl&#477; sara ara Tada, k&#477;ra nyinyau &#477;nga mayiwakur ba &#477;nga jirkur.</div><div class="p"> 15Yahwana ng&#477; l&#477;r sakida ar k&#477;ra ja, ji hya&#712;ana &#599;ah&#477;u, ji na, &#8220;Naja k&#477; ng&#477; nd&#477;ra yi nd&#477;r ar k&#477;ra ja ar p&#477;ci k&#477;ra yi na, &#8216;Nd&#477;ra wu shili wu yuku&#599;&#477; &#599;a, naja ndiya &#599;a, ara a&#712;yi ja kadivira nji ya &#599;a.&#8217; &#8221; 16Sara wu nyinyikur n&#477; mayiwakur nyi nga m&#477;n uya barka, ju l&#477; mayiwakur nyi ar k&#477;r ar k&#477;r. 17Arya dla&#599;&#477; shili lagu tsa Musa, ama mayiwakur &#477;nga jirkur shili lagu Yesu K&#477;rsiti. 18Nd&#477; a&#712;yi k&#477;ra saya f&#477;r li ar Hyal mai, ama k&#477;l Z&#477;r Hyal Z&#477;m&#477; pathl&#477;u, k&#477;ra a v&#477;r nggya &#477;nga Tada, a cabiya m&#477;n&#477;r ja Hyal.</div><div class="s1">Sakida N&#477; Yahwana Nd&#477;r M&#477;l Ba&#595;&#477;tiz&#477;ma</div><div class="r">(Matiwu 3:1-12; Markusu 1:1-8; Luka 3:1-18)</div><div class="p"> 19K&#477;ja sakida k&#477;ra Yahwana l&#477;ri ar p&#477;ci k&#477;ra njira nggur&#477;m n&#477; Yahudiya sara wu Urshalima s&#477;wa pubu&#712;yar &#477;nga njir Lawi aga nda yiwabiya tara wa nga ja. 20Naji ngg&#477;l ara nar nda jiri mai, ama ji nana ar babal ab&#477;r, &#8220;Nayi ng&#477; K&#477;rsiti mai.&#8221;</div><div class="p"> 21K&#477; nd&#477; yiwa nyi nd&#477; na, &#8220;Ya, wa nga ga? Nag&#477; ng&#477; Iliya ya?&#8221;</div><div class="p">K&#477; ji sha&#599;&#477;wa nda, ji na, &#8220;Awau, nayi ng&#477; mai.&#8221;</div><div class="p">&#399;ngwar nda, &#8220;Ya, nag&#477; ng&#477; nabiya nyi ya?&#8221;</div><div class="p">K&#477; ji sha&#599;&#477;wa, &#8220;Awau.&#8221;</div><div class="p"> 22Ayuku&#599;a nyi pat&#477;u, k&#477; nd&#477; na, &#8220;Wa nga ga? Nar &#712;ya s&#477;ra &#712;ya sha &#712;ya nda nar nyi an&#477; njira s&#477;wa &#712;ya. Mi nga gu na ar k&#477;ra k&#477;r nga?&#8221;</div><div class="p"> 23K&#477; Yahwana sha&#599;&#477;wa nda lagu nd&#477;r nabi &#399;shaya, ji na, &#8220;Nayi ng&#477; &#599;ah&#477; a v&#477;r ngga a gwar tag&#477;u, ja v&#477;r na, &#8216;Hya pab&#477;ri nyi lagu an&#477; Thlag&#477;u, hya m&#477;liya lagu tata&#712;yi pir wu mwa nyi.&#8217; &#8221;</div><div class="p"> 24K&#477; alenyi njir Farisi, njira nji s&#477;wa 25yiwa nyi, &#8220;Ma nag&#477; a&#712;yi K&#477;rsiti mai, &#477;nga nag&#477; a&#712;yi Iliya mai, ba nag&#477; tsu a&#712;yi nabiya nyi mai, mi ng&#477; &#599;a gu m&#477;l ba&#595;&#477;tiz&#477;ma?&#8221;</div><div class="p"> 26&#399;ngwar Yahwana, &#8220;Nayau, ya v&#477;r m&#477;l ba&#595;&#477;tiz&#477;ma an&#477; hyi &#477;nga &#712;yimi. Ama vanyi nd&#477;ra ndiya &#599;a &#477;nga d&#477;nama a v&#477;r shili, k&#477;ra alaga s&#477;r mba &#595;i&#595;i nyi nayi a&#712;yi &#599;a tsa aga ya p&#477;lna mai. 27Ju sa m&#477;liya hyi ba&#595;&#477;tiz&#477;ma &#477;nga Mamb&#477;l Cicau ba &#477;nga u&#712;u.&#8221;</div><div class="p"> 28S&#477;&#712;yar k&#477; pat&#477; &#599;ark&#477;r wu Bethlani, a biyar ya d&#477;l Urd&#477;nu, vira Yahwana a v&#477;r m&#477;l ba&#595;&#477;tiz&#477;ma ari.</div><div class="s1">Yesu Z&#477;r Gam&#477; N&#477; Hyal</div><div class="p"> 29&#399;z&#477;g&#477;kura nyi ba Yahwana lari Yesu a v&#477;r shili lagu nyi, k&#477; ji na, &#8220;K&#477;ja, Z&#477;r Gam&#477; n&#477; Hyal, k&#477;ra h&#477;na bik&#477; n&#477; njir duniya! 30Nd&#477; k&#477; nga ya v&#477;r nd&#477;r ar k&#477;ri ta, ta yi na, ab&#477;r &#8216;Nd&#477; a&#712;yi a v&#477;r shili ayuku&#599;&#477; &#599;a, ama naja d&#477;gal a ndiya &#599;a ara tsu &#599;&#477;&#599;&#477;m&#477; a&#712;yi ja kadivira nja ya &#599;a.&#8217; 31Nayi &#477;nga k&#477;r&#599;a sayi s&#477;ni nyi mai, ama yi shili, yi sa m&#477;l ba&#595;&#477;tiz&#477;ma &#477;nga &#712;yimi an&#477; nji aga ya cabiya nyi an&#477; njir Izirayila.&#8221;</div><div class="p"> 32K&#477; Yahwana l&#477;ri najaka sakida ab&#477;r, &#8220;Yi lari Mamb&#477;l a v&#477;r shida sara d&#477;m&#477;lmau, a papa mb&#477;thla, ji sa ndzafau a dar k&#477;ra ja. 33Nayi &#477;nga k&#477;r&#599;a yu s&#477;ni nyi mai, ama k&#477;l ta nd&#477;ra s&#477;wa &#599;a aga sa m&#477;l ba&#595;&#477;tiz&#477;ma &#477;nga &#712;yimi nar &#599;a ab&#477;r, &#8216;Nd&#477;ra g&#477; lari Mamb&#477;l ndzafau ar ja, naja ngu nda m&#477;l ba&#595;&#477;tiz&#477;ma an&#477; nji &#477;nga Mamb&#477;l Cicau.&#8217; 34Nayi tsu a lar yi s&#477;k&#477; nyabiya dz&#477; ar k&#477;ra ja, ca ng&#477; &#599;a yi l&#477;ri sakida ab&#477;r nd&#477; kau, Z&#477;r Hyal ngau.&#8221;</div><div class="s1">Z&#477;mb&#477;lma&#712;yar N&#477; Yesu N&#477; Tangg&#477;rma</div><div class="r">(Matiwu 4:18-22; Markusu 1:16-20; Luka 5:2-11)</div><div class="p"> 35&#399;z&#477;g&#477;kura nyi Yahwana &#477;nga nji m&#477;thl&#477; sara wu pama z&#477;mb&#477;lma nyi&#712;yar ar vi ta wayu. 36K&#477; Yahwana lari Yesu ja v&#477;r t&#477;rabiya, k&#477; ji na, &#8220;Lara mau, Z&#477;r Gam&#477; n&#477; Hyal!&#8221;</div><div class="p"> 37&#399;ngg&#477;ra z&#477;mb&#477;lma&#712;yar k&#477; m&#477;thl&#477; nggari s&#477;ra Yahwana na, k&#477; nd&#477; nu Yesu. 38Ta Yesu shabiya dzau, ba ji lari nda nda a v&#477;r nu nyi, k&#477; ji yiwa nda, &#8220;Mi nga hyu gala?&#8221;</div><div class="p">&#399;ngwar nda, &#8220;Rabi&#8221; k&#477;ra cabiya Mal&#477;m&#477; ngau, &#8220;&#399;mani nga gu nggya?&#8221;</div><div class="p"> 39K&#477; Yesu sha&#599;&#477;wa nda, ji na, &#8220;Anda mau hya sa lari.&#8221;</div><div class="p">A ndu saka fo&#599;&#477; n&#477; wag&#477;u, k&#477; nd&#477; ma&#712;yi nd&#477; nda lari viya nyi, ba nd&#477; h&#477;na p&#477;k&#477; &#477;nga ja.</div><div class="p"> 40And&#477;rawusu, zam&#477;ya Simanu Biturusu, a&#712;yi ja pathl&#477; wu pama nji m&#477;thl&#477; k&#477;ra nu Yesu ayuku&#599;a Yahwana nana nd&#477;r ar k&#477;ra Yesu. 41S&#477; tangg&#477;rma k&#477;ra And&#477;rawusu m&#477;liya ca ng&#477;, ji ma&#712;yi ji nda thl&#477;wa zam&#477; nyi Simanu, ba ji nar nyi, &#8220;A n&#477;r &#712;ya Nd&#477; Caca&#599;au&#8221; nd&#477;ra nju ngga &#477;nga K&#477;rsiti. 42K&#477; ji shili &#477;nga Simanu a shili ara Yesu.</div><div class="p">Yesu tsam&#477; nyi, ba ji na, &#8220;Nag&#477; ng&#477; Simanu z&#477;r Yahwana. Nju nda ngga ngau &#477;nga Kefasu,&#8221; k&#477;ra ma nji shabiya ca ng&#477; Biturusu.#1:42 S&#477;ra Biturusu aga nyi ca ng&#477; ts&#477;ka.</div><div class="s1">Yesu Ngga F&#477;lip&#477;u &#399;nga Nathlaniyalu</div><div class="p"> 43&#399;z&#477;g&#477;kura nyi tsu k&#477; Yesu biya ju ma&#712;yi a vu Galili. K&#477; ji thl&#477;wa F&#477;lip&#477;u, k&#477; ji na an&#477; nyi, &#8220;Nu &#599;a.&#8221;</div><div class="p"> 44F&#477;lip&#477;u sara wu Bethlesaida nga ja, m&#477;lm&#477;r And&#477;rawusu &#477;nga Biturusu. 45F&#477;lip&#477;u ma&#712;yi ji nda thl&#477;wa Nathlaniyalu, k&#477; ji na an&#477; nyi, &#8220;A n&#477;r &#712;ya nd&#477;ra Musa ts&#477;f&#477;ri s&#477; ar k&#477;ri wu l&#477;kaka&#599;&#477; n&#477; dla&#599;au &#477;nga nabi&#712;yar tsu ts&#477;f&#477;ri, naja ng&#477; Yesu nd&#477;r Naz&#477;ratu, z&#477;r Yusufu.&#8221;</div><div class="p"> 46K&#477; Nathlaniyalu yiwa ji na, &#8220;S&#477; tsap&#477;u a s&#477;n biya sara wu Naz&#477;ratu ya?&#8221;</div><div class="p">&#8220;A nd&#477; ga sa lari &#477;nga k&#477;rngau,&#8221; &#477;ngwar F&#477;lip&#477;u.</div><div class="p"> 47Ta Yesu lari Nathlaniyalu a v&#477;r shili ara ja, k&#477; ji na ar k&#477;ra ja, &#8220;Lara mau nd&#477;r Izirayila n&#477; jijiri, nd&#477;ra g&#477;ra &#477;nga nggyabiya fafati.&#8221;</div><div class="p"> 48K&#477; Nathlaniyalu yiwa ji na an&#477; Yesu, &#8220;Lagu mani nga g&#477; s&#477;n &#599;a?&#8221;</div><div class="p">&#399;ngwar Yesu, &#8220;Ar p&#477;ci k&#477;ra g&#477; &#477;gya ki&#599;a wur mart&#477;nd&#477;m ta nga yi lar ngau, kadivira F&#477;lip&#477;u dz&#477;gwa ngga ngau.&#8221;</div><div class="p"> 49K&#477; Nathlaniyalu na, &#8220;Mal&#477;m&#477;, nag&#477; ng&#477; Z&#477;r Hyal; nag&#477; ng&#477; T&#477;l n&#477; njir Izirayila!&#8221;</div><div class="p"> 50Yesu nar nyi an&#477; Nathlaniyalu, &#8220;G&#477; mb&#477;rsa ara yi nar ng&#477; ab&#477;r yi lar ng&#477; ar p&#477;ci k&#477;ra g&#477; &#477;gya ki&#599;a wur mart&#477;nd&#477;m ta ya? Jiri, gu nda lari s&#477;ra a ndiya kau.&#8221; 51K&#477; Yesu &#595;&#477;ra nar nyi, &#8220;&#399;nga jiri nga yu na an&#477; hyi, hyu nda lari d&#477;m&#477;lm&#477; a pah&#477;ri, waladi&#712;yar n&#477; Hyal a v&#477;r di &#477;nga gya ar k&#477;ra Z&#477;r Ndau.&#8221;</div>
 </div>
 </div>
</div>

Initiative for the Translation and Development of African Languages and Margi Tiwi Nga Təm

Kadivira Hyal dzǝguya duniya ndǝr aˈyi, ndǝr kǝ ǝnga Hyal nga ja, ǝnga tsu ndǝr kǝ Hyal ngau. Aˈyi ja ǝnga Hyal kadivira ja dzǝguya duniya. Lagu nyi ngǝ Hyal mǝliya sǝ patǝu, ma aˈyi ǝnga ja mai, sǝ aˈyi kǝra Hyal mǝliya wu sǝra ji mǝlna mai. Wu ja ngǝ pi, najaka pi tsu ca ngǝ mbǝmbǝl nǝ nji. Mbǝmbǝla nyi a vǝr mbǝl wu kuthlǝu, ama kuthla nyi aˈyi a sǝn ciya mbǝmbǝla nyi mai.
Vanyi ndǝ aˈyi kǝra Hyal sǝwa, thlǝmǝ nyi ca ngǝ Yahwana. Ji shili ar viya sakida ar kǝra mbǝmbǝl kau, aga patǝr nju nda mbǝrsa ǝnga ja lagu nyi. Naja ǝnga kǝrnyi ngǝ mbǝmbǝl kǝ mai, ama ji shili ar viya sakida ar kǝra mbǝmbǝla nyi. Mbǝmbǝl kǝra jiri, kǝra wu nǝ nyi mbǝmbǝlkur anǝ kalar ndǝ a vǝr shili wu duniya.
Ji shili wu duniya kǝra naja ngǝ mǝliya ǝnga kǝrnyi, ama alaga abangau, njir duniya aˈyi sǝnbiya nyi mai. Ji shili aga ˈyiˈyi kǝra nǝ nyi, ama nji nyi aˈyi dlǝwuri nyi mai. Ama anǝ patǝr njira dlǝwuri nyi, njira mbǝrsa ǝnga thlǝmǝ nyi, anǝ ndar ja dǝnama nǝ ɗa wazha Hyal. Aˈyi wazha yaya wu ndǝkur mai, alaga lagur cim nǝ ndǝkur mai, ǝnga alaga lagur ɗǝnga nǝ salkur mai, ama yaya sara ara Hyal.
Ndǝr kau, ba ji ɗa ndapi, ba ji nggya wu pama mǝn. Naˈya tsu lari kadakadarkur nyi, kadakadarkur nǝ Zǝr Zǝmǝ pathlǝ sara ara Tada, kǝra nyinyau ǝnga mayiwakur ba ǝnga jirkur.
Yahwana ngǝ lǝr sakida ar kǝra ja, ji hyaˈana ɗahǝu, ji na, “Naja kǝ ngǝ ndǝra yi ndǝr ar kǝra ja ar pǝci kǝra yi na, ‘Ndǝra wu shili wu yukuɗǝ ɗa, naja ndiya ɗa, ara aˈyi ja kadivira nji ya ɗa.’ ” Sara wu nyinyikur nǝ mayiwakur nyi nga mǝn uya barka, ju lǝ mayiwakur nyi ar kǝr ar kǝr. Arya dlaɗǝ shili lagu tsa Musa, ama mayiwakur ǝnga jirkur shili lagu Yesu Kǝrsiti. Ndǝ aˈyi kǝra saya fǝr li ar Hyal mai, ama kǝl Zǝr Hyal Zǝmǝ pathlǝu, kǝra a vǝr nggya ǝnga Tada, a cabiya mǝnǝr ja Hyal.


Kǝja sakida kǝra Yahwana lǝri ar pǝci kǝra njira nggurǝm nǝ Yahudiya sara wu Urshalima sǝwa pubuˈyar ǝnga njir Lawi aga nda yiwabiya tara wa nga ja. Naji nggǝl ara nar nda jiri mai, ama ji nana ar babal abǝr, “Nayi ngǝ Kǝrsiti mai.”
Kǝ ndǝ yiwa nyi ndǝ na, “Ya, wa nga ga? Nagǝ ngǝ Iliya ya?”
Kǝ ji shaɗǝwa nda, ji na, “Awau, nayi ngǝ mai.”
Əngwar nda, “Ya, nagǝ ngǝ nabiya nyi ya?”
Kǝ ji shaɗǝwa, “Awau.”
Ayukuɗa nyi patǝu, kǝ ndǝ na, “Wa nga ga? Nar ˈya sǝra ˈya sha ˈya nda nar nyi anǝ njira sǝwa ˈya. Mi nga gu na ar kǝra kǝr nga?”
Kǝ Yahwana shaɗǝwa nda lagu ndǝr nabi Əshaya, ji na, “Nayi ngǝ ɗahǝ a vǝr ngga a gwar tagǝu, ja vǝr na, ‘Hya pabǝri nyi lagu anǝ Thlagǝu, hya mǝliya lagu tataˈyi pir wu mwa nyi.’ ”
Kǝ alenyi njir Farisi, njira nji sǝwa yiwa nyi, “Ma nagǝ aˈyi Kǝrsiti mai, ǝnga nagǝ aˈyi Iliya mai, ba nagǝ tsu aˈyi nabiya nyi mai, mi ngǝ ɗa gu mǝl baɓǝtizǝma?”
Əngwar Yahwana, “Nayau, ya vǝr mǝl baɓǝtizǝma anǝ hyi ǝnga ˈyimi. Ama vanyi ndǝra ndiya ɗa ǝnga dǝnama a vǝr shili, kǝra alaga sǝr mba ɓiɓi nyi nayi aˈyi ɗa tsa aga ya pǝlna mai. Ju sa mǝliya hyi baɓǝtizǝma ǝnga Mambǝl Cicau ba ǝnga uˈu.”
Sǝˈyar kǝ patǝ ɗarkǝr wu Bethlani, a biyar ya dǝl Urdǝnu, vira Yahwana a vǝr mǝl baɓǝtizǝma ari.

Əzǝgǝkura nyi ba Yahwana lari Yesu a vǝr shili lagu nyi, kǝ ji na, “Kǝja, Zǝr Gamǝ nǝ Hyal, kǝra hǝna bikǝ nǝ njir duniya! Ndǝ kǝ nga ya vǝr ndǝr ar kǝri ta, ta yi na, abǝr ‘Ndǝ aˈyi a vǝr shili ayukuɗǝ ɗa, ama naja dǝgal a ndiya ɗa ara tsu ɗǝɗǝmǝ aˈyi ja kadivira nja ya ɗa.’ Nayi ǝnga kǝrɗa sayi sǝni nyi mai, ama yi shili, yi sa mǝl baɓǝtizǝma ǝnga ˈyimi anǝ nji aga ya cabiya nyi anǝ njir Izirayila.”
Kǝ Yahwana lǝri najaka sakida abǝr, “Yi lari Mambǝl a vǝr shida sara dǝmǝlmau, a papa mbǝthla, ji sa ndzafau a dar kǝra ja. Nayi ǝnga kǝrɗa yu sǝni nyi mai, ama kǝl ta ndǝra sǝwa ɗa aga sa mǝl baɓǝtizǝma ǝnga ˈyimi nar ɗa abǝr, ‘Ndǝra gǝ lari Mambǝl ndzafau ar ja, naja ngu nda mǝl baɓǝtizǝma anǝ nji ǝnga Mambǝl Cicau.’ Nayi tsu a lar yi sǝkǝ nyabiya dzǝ ar kǝra ja, ca ngǝ ɗa yi lǝri sakida abǝr ndǝ kau, Zǝr Hyal ngau.”


Əzǝgǝkura nyi Yahwana ǝnga nji mǝthlǝ sara wu pama zǝmbǝlma nyiˈyar ar vi ta wayu. Kǝ Yahwana lari Yesu ja vǝr tǝrabiya, kǝ ji na, “Lara mau, Zǝr Gamǝ nǝ Hyal!”
Ənggǝra zǝmbǝlmaˈyar kǝ mǝthlǝ nggari sǝra Yahwana na, kǝ ndǝ nu Yesu. Ta Yesu shabiya dzau, ba ji lari nda nda a vǝr nu nyi, kǝ ji yiwa nda, “Mi nga hyu gala?”
Əngwar nda, “Rabi” kǝra cabiya Malǝmǝ ngau, “Əmani nga gu nggya?”
Kǝ Yesu shaɗǝwa nda, ji na, “Anda mau hya sa lari.”
A ndu saka foɗǝ nǝ wagǝu, kǝ ndǝ maˈyi ndǝ nda lari viya nyi, ba ndǝ hǝna pǝkǝ ǝnga ja.
Andǝrawusu, zamǝya Simanu Biturusu, aˈyi ja pathlǝ wu pama nji mǝthlǝ kǝra nu Yesu ayukuɗa Yahwana nana ndǝr ar kǝra Yesu. Sǝ tanggǝrma kǝra Andǝrawusu mǝliya ca ngǝ, ji maˈyi ji nda thlǝwa zamǝ nyi Simanu, ba ji nar nyi, “A nǝr ˈya Ndǝ Cacaɗau” ndǝra nju ngga ǝnga Kǝrsiti. Kǝ ji shili ǝnga Simanu a shili ara Yesu.
Yesu tsamǝ nyi, ba ji na, “Nagǝ ngǝ Simanu zǝr Yahwana. Nju nda ngga ngau ǝnga Kefasu,” kǝra ma nji shabiya ca ngǝ Biturusu.

Əzǝgǝkura nyi tsu kǝ Yesu biya ju maˈyi a vu Galili. Kǝ ji thlǝwa Fǝlipǝu, kǝ ji na anǝ nyi, “Nu ɗa.”
Fǝlipǝu sara wu Bethlesaida nga ja, mǝlmǝr Andǝrawusu ǝnga Biturusu. Fǝlipǝu maˈyi ji nda thlǝwa Nathlaniyalu, kǝ ji na anǝ nyi, “A nǝr ˈya ndǝra Musa tsǝfǝri sǝ ar kǝri wu lǝkakaɗǝ nǝ dlaɗau ǝnga nabiˈyar tsu tsǝfǝri, naja ngǝ Yesu ndǝr Nazǝratu, zǝr Yusufu.”
Kǝ Nathlaniyalu yiwa ji na, “Sǝ tsapǝu a sǝn biya sara wu Nazǝratu ya?”
“A ndǝ ga sa lari ǝnga kǝrngau,” ǝngwar Fǝlipǝu.
Ta Yesu lari Nathlaniyalu a vǝr shili ara ja, kǝ ji na ar kǝra ja, “Lara mau ndǝr Izirayila nǝ jijiri, ndǝra gǝra ǝnga nggyabiya fafati.”
Kǝ Nathlaniyalu yiwa ji na anǝ Yesu, “Lagu mani nga gǝ sǝn ɗa?”
Əngwar Yesu, “Ar pǝci kǝra gǝ ǝgya kiɗa wur martǝndǝm ta nga yi lar ngau, kadivira Fǝlipǝu dzǝgwa ngga ngau.”
Kǝ Nathlaniyalu na, “Malǝmǝ, nagǝ ngǝ Zǝr Hyal; nagǝ ngǝ Tǝl nǝ njir Izirayila!”
Yesu nar nyi anǝ Nathlaniyalu, “Gǝ mbǝrsa ara yi nar ngǝ abǝr yi lar ngǝ ar pǝci kǝra gǝ ǝgya kiɗa wur martǝndǝm ta ya? Jiri, gu nda lari sǝra a ndiya kau.” Kǝ Yesu ɓǝra nar nyi, “Ənga jiri nga yu na anǝ hyi, hyu nda lari dǝmǝlmǝ a pahǝri, waladiˈyar nǝ Hyal a vǝr di ǝnga gya ar kǝra Zǝr Ndau.”

Listen to Yahwana 1