<div class="version vid3922 iso6393mhw" data-vid="3922" data-iso6393="mhw">
   <div class="book bkMAT">
      <div class="chapter ch28" data-usfm="MAT.28">
         <div class="label">28</div><div class="s1"><span class="heading">Muvumbukero waJesusi</span></div><div class="r"><span class="heading">(</span>Mark 16:1&#8211;8<span class="heading">; </span>Luk 24:1&#8211;12<span class="heading">; </span>Joh 20:1&#8211;8<span class="heading">)</span></div><div class="p"><span class="content">  </span><span class="verse v1" data-usfm="MAT.28.1"><span class="label">1</span><span class="content">Munyima dhoSabata Mushundaha pakuva diyuwa, ko kuyenda Maria Magdalena naMaria ghumweya ha ka kenge kumbira.</span></span></div><div class="p"><span class="verse v1" data-usfm="MAT.28.1"><span class="content">  </span></span><span class="verse v2" data-usfm="MAT.28.2"><span class="label">2</span><span class="content">Kambiru&#8208;mbiru, ko kukara makin&#770;eno ghomakuru ghomuve. Muengeli waFumu gha shurukire mudiwiru, no gha yendire kumbira gha gharumune ko diwe no gha hungumanine po. </span></span><span class="verse v3" data-usfm="MAT.28.3"><span class="label">3</span><span class="content">Mwiyero wendi, wa karire yira mwethero ghomushoro no yivata yendi ya kenaghanine yira makerekeshe. </span></span><span class="verse v4" data-usfm="MAT.28.4"><span class="label">4</span><span class="content">Kuwoma ghokukwendi, hakungi ha tutumine thikuma no ha karire yira hafu.</span></span></div><div class="p"><span class="verse v4" data-usfm="MAT.28.4"><span class="content">  </span></span><span class="verse v5" data-usfm="MAT.28.5"><span class="label">5</span><span class="content">Ko kuninga muengeli kwawakamadi eshi: &#8220;Mwa yapa. Na dimuka eshi Jesusi yu ha pamarire muna kushana. </span></span><span class="verse v6" data-usfm="MAT.28.6"><span class="label">6</span><span class="content">Mbadimo muno, ghana vumbuka thika kenge di gha yi ningire. Mu henye kuno na mu mone: Dyango di gha rarire ne di ya. </span></span><span class="verse v7" data-usfm="MAT.28.7"><span class="label">7</span><span class="content">Mu yende wangu no mu ka tongwere hakathishongero wendi: &#8216;Ghana vumbuka mwawafu no ghana kumupiterera kuGalileya. Ko sho mu ka mu mone.&#8217; Yo neyera na ni mu tongwere.&#8221;</span></span></div><div class="p"><span class="verse v7" data-usfm="MAT.28.7"><span class="content">  </span></span><span class="verse v8" data-usfm="MAT.28.8"><span class="label">8</span><span class="content">Nawo ha tundu wangu kumbira nowoma, ene noyishamberera yoyikuru. Ko kudhondoka kwawo ha ka yi tongwere hakathishongero.</span></span></div><div class="p"><span class="verse v8" data-usfm="MAT.28.8"><span class="content">  </span></span><span class="verse v9" data-usfm="MAT.28.9"><span class="label">9</span><span class="content">Popo vene ko kwimana Jesusi kughutho wawakamadi no kuwarumeritha. Nawo ha henyine kukwendi no kukwata mapadhi ghendi, ha mu kanderere. </span></span><span class="verse v10" data-usfm="MAT.28.10"><span class="label">10</span><span class="content">Jesusi ha ningi kukwawo eshi: &#8220;Mwa yapa. Mu yende mu ka tongwere haminange eshi ha yende kuGalileya, ko sho ha ka ni mone.&#8221;</span></span></div><div class="s1"><span class="heading">Mbudhi dhawakungi</span></div><div class="p"><span class="verse v10" data-usfm="MAT.28.10"><span class="content">  </span></span><span class="verse v11" data-usfm="MAT.28.11"><span class="label">11</span><span class="content">Oku shime ha karera hakamadi mundhira, ko kwiya hamweya hopawakungi mumbara no kuthimwetwedha kwawapristeri hohakuru, yoyiheya yi ya hokokire. </span></span><span class="verse v12" data-usfm="MAT.28.12"><span class="label">12</span><span class="content">Hapristeri hohakuru nawamayami ha kukongwedhire no ha tendire dighano dimweya: Ha tapire manyinga ghomengi kwawamushurundate, </span></span><span class="verse v13" data-usfm="MAT.28.13"><span class="label">13</span><span class="content">no ha ningire eshi: &#8220;Mu tongore vene eshi hakathishongero wendi ha neya paghuthiku, gho ha nedhi yirama yendi oku twe shime twa rarera. </span></span><span class="verse v14" data-usfm="MAT.28.14"><span class="label">14</span><span class="content">Ene ngeshi gha yuve ko muraghuri, ngo n&#770;anyi tu mu hedhumune no kutenda eshi, namwe mu pire yikudhekera.&#8221;</span></span></div><div class="p"><span class="verse v14" data-usfm="MAT.28.14"><span class="content">  </span></span><span class="verse v15" data-usfm="MAT.28.15"><span class="label">15</span><span class="content">Hakungi ha tumburire manyinga no ha tendire thika di ha yi wa tongwerire.</span></span></div><div class="p"><span class="verse v15" data-usfm="MAT.28.15"><span class="content">Mbudhi dhino, shime ha dhi rundura kudhithimwetwedha nodyarero dino mukatji kaWajuda.</span></span></div><div class="s1"><span class="heading">Yiragha yaJesusi yokwawakathishongero wendi</span></div><div class="r"><span class="heading">(</span>Mark 16:14&#8211;18<span class="heading">; </span>Luk 24:36&#8211;49<span class="heading">; </span>Joh 20:19&#8211;23<span class="heading">; </span>Yitenda 1:6&#8211;8<span class="heading">)</span></div><div class="p"><span class="verse v15" data-usfm="MAT.28.15"><span class="content">  </span></span><span class="verse v16" data-usfm="MAT.28.16"><span class="label">16</span><span class="content">Hakathishongero dikumi noyofotji, ha yendire kuGalileya kudirundu di gha wa rawerire Jesusi eshi, ko sho ha yende. </span></span><span class="verse v17" data-usfm="MAT.28.17"><span class="label">17</span><span class="content">Apa ha mu monine, ha mu kandererire ngambi kenge ha tamangerire hamweya. </span></span><span class="verse v18" data-usfm="MAT.28.18"><span class="label">18</span><span class="content">Jesusi gha henyine pepi no gha wa tongwerire eshi: &#8220;Kukwange ha tapa ngcamu dhodhihe mudiwiru nopamuve. </span></span><span class="verse v19" data-usfm="MAT.28.19"><span class="label">19</span><span class="content">Mu yende kumarudhi ghomahe, no mu ka tende hanu hakathishongero wange. Mu ka wa yoghe muDina dya Wihe no dyaMwana no dyaMupepo ghoKupongoka. </span></span><span class="verse v20" data-usfm="MAT.28.20"><span class="label">20</span><span class="content">Mu ka wa honge mu kukwata yoyiheya yi na mu rawera. No mu dimuke eshi: Ame ne nenu ni di mayuwa ghomahe, kate paghuhura ghokaye.&#8221;</span></span></div>
      </div>
   </div>
</div>

Mbunga dhoBayibili dhaNamibia (Bible Society of Namibia) 1986

Munyima dhoSabata Mushundaha pakuva diyuwa, ko kuyenda Maria Magdalena naMaria ghumweya ha ka kenge kumbira.
Kambiru‐mbiru, ko kukara makin̂eno ghomakuru ghomuve. Muengeli waFumu gha shurukire mudiwiru, no gha yendire kumbira gha gharumune ko diwe no gha hungumanine po. Mwiyero wendi, wa karire yira mwethero ghomushoro no yivata yendi ya kenaghanine yira makerekeshe. Kuwoma ghokukwendi, hakungi ha tutumine thikuma no ha karire yira hafu.
Ko kuninga muengeli kwawakamadi eshi: “Mwa yapa. Na dimuka eshi Jesusi yu ha pamarire muna kushana. Mbadimo muno, ghana vumbuka thika kenge di gha yi ningire. Mu henye kuno na mu mone: Dyango di gha rarire ne di ya. Mu yende wangu no mu ka tongwere hakathishongero wendi: ‘Ghana vumbuka mwawafu no ghana kumupiterera kuGalileya. Ko sho mu ka mu mone.’ Yo neyera na ni mu tongwere.”
Nawo ha tundu wangu kumbira nowoma, ene noyishamberera yoyikuru. Ko kudhondoka kwawo ha ka yi tongwere hakathishongero.
Popo vene ko kwimana Jesusi kughutho wawakamadi no kuwarumeritha. Nawo ha henyine kukwendi no kukwata mapadhi ghendi, ha mu kanderere. Jesusi ha ningi kukwawo eshi: “Mwa yapa. Mu yende mu ka tongwere haminange eshi ha yende kuGalileya, ko sho ha ka ni mone.”

Oku shime ha karera hakamadi mundhira, ko kwiya hamweya hopawakungi mumbara no kuthimwetwedha kwawapristeri hohakuru, yoyiheya yi ya hokokire. Hapristeri hohakuru nawamayami ha kukongwedhire no ha tendire dighano dimweya: Ha tapire manyinga ghomengi kwawamushurundate, no ha ningire eshi: “Mu tongore vene eshi hakathishongero wendi ha neya paghuthiku, gho ha nedhi yirama yendi oku twe shime twa rarera. Ene ngeshi gha yuve ko muraghuri, ngo n̂anyi tu mu hedhumune no kutenda eshi, namwe mu pire yikudhekera.”
Hakungi ha tumburire manyinga no ha tendire thika di ha yi wa tongwerire.
Mbudhi dhino, shime ha dhi rundura kudhithimwetwedha nodyarero dino mukatji kaWajuda.


Hakathishongero dikumi noyofotji, ha yendire kuGalileya kudirundu di gha wa rawerire Jesusi eshi, ko sho ha yende. Apa ha mu monine, ha mu kandererire ngambi kenge ha tamangerire hamweya. Jesusi gha henyine pepi no gha wa tongwerire eshi: “Kukwange ha tapa ngcamu dhodhihe mudiwiru nopamuve. Mu yende kumarudhi ghomahe, no mu ka tende hanu hakathishongero wange. Mu ka wa yoghe muDina dya Wihe no dyaMwana no dyaMupepo ghoKupongoka. Mu ka wa honge mu kukwata yoyiheya yi na mu rawera. No mu dimuke eshi: Ame ne nenu ni di mayuwa ghomahe, kate paghuhura ghokaye.”

শুনুন Mateghusi 28