Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Manna Qolimmi Hasisoobee'isa</div><div class="r">(Mat 18:6-7,21-22; Mar 9:42)</div><div class="p"> 1Yesuus ixxi losaanina &#171;Manna baaxiilonne aagisoo luwwi waaroo'n gatooyyo. Ihukkaarem baaxiilina mashka'i ihoo manchi bikkina aayye! 2Ayyim ka hoffi keeniinsi#17:2 &#171;Hoffi keeno&#187; yookkok haareechchi amma'nnaanina te'im qacaalli amma'nnaanina te'im maashaalli amma'nnaaninatte. mato baaxiilonne aagisoohaanniinsi ixxi gaanjenne liitimma ka'llaa dambalaqanne ubuta'n e'llookko. 3#Mat 18:15 Ee bikkina ki'nnuwwi gaga ege'llehe; kiyyabbaayyi baaxiilonne aagulas wocame. Ixximdu baaxiiliinsi saxxaa daba'llulas atim ixxi bi'ishsha haafihe. 4Ixxi mat ballanne keese lamar kore hawwodaa lamarem korem &#8249;Bi'isaammo&#8250; yulas lamarem korem haafihe&#187; yukko.</div><div class="s">Amma'nnaxxi Bikkina</div><div class="p"> 5Awwonaan Moollannina &#171;Niina amma'nnato ede&#187; yito'o. 6Moollannim dabaraa &#171;Winxo'i shaa'n sireqax amma'nnat ki'nnuwwina hee'uta'n ka oda'a &#8249;Ka beyyiinsi xoqolantaa dambalaqanne kaasame&#8250; yitakko'aare ki'nnuwwina ijaajamookko&#187; yukko.</div><div class="s">Awwaadaanchi Maha Issimmi Hasisooda'e</div><div class="p"> 7Odim Yesuus &#171;Ki'nnuwwiinsi matina uulla abuulloo te'im gereebba allaaroo awwaadaanchi yookkok oo awwaadaanchi baxiinsi te'im allaachchiinsi waaroohaare &#8249;Hurbaata itteena waattaa qaqqissaa afuure&#8250; yoohonnihe? 8Ee'isa yimma uraa &#8249;Iina hurbaata gudissaa an itaahii agaahii ki'eembe'e uullitaa iina itisee agisee; ee lasage atim ittoottoo aggoottoo&#8250; yookko. 9Ijaajamu luwwa issu bikkina ee awwaadaancho galaxxooyyo. 10Ee bikkina ki'nnuwwim ijaajantakko'i luwwi hundam issitakkam ammane &#8249;Neese awwaad bee'i awwaadaano; niina uwwamu bax xale'e banxaammo&#8250; yi'llehe&#187; yukko.</div><div class="s">Tommi Mancho Yesuus Fayyiisukkisa</div><div class="p"> 11Yerusaaleema Yesuus marukkuuyyi Samaare'aanninnee Galii'l uulli lambe'innee higam hee'ukko. 12Higukkuuyyim mat gatte aagukkisam oddomachchonne firoo baddisoo jabbi amadaakkoo tommi manninne edamukko. Ixxuwwim waatta'a qee'llonne uullito'o. 13Oo mannim sagara iimaa'lla'a &#171;Moollanni Yesuusa, niina qishixxe!&#187; yito'o.</div><div class="p"> 14 # 
 Qes 14:1
 Ixxuwwa Yesuus moo'u ammanenne ixxuwwina &#171;Mattakka'a ki'nnuwwi gaga qeessichchina moo'issehe&#187; yukko. Oo mannim mattu'uuyyim fayye'lla'a muccutto'o#17:14 &#171;Fayye'lla'a muccutto'o&#187; yoo sagarina Luq 5:12 moo'llehe.. 15Ee lasage ee manniinsi mat fayye'ukkisa moo'aqqu ammanenne sagara iimaa'aa Waa'a galaxxukkuuyyi laso daba'llukko. 16Yesuusam galaxxukkuuyyi lokkonne ubukko. Oo manchim Samaarekkichchi hee'ukko. 17Yesuusim &#171;Muccutto'ok tommi manchoyyonnihe? Honsoom hannikko'o? 18Xale'i ka mulli uulli manchiinsi bagaan daba'llaa waaraa Waa'a galaxxookkok matim bee'ukkonnihe?&#187; yukko. 19Yesuusim ee manchina &#171;Ki'llaa mare; ki amma'nnat keese fayyiisaakko&#187; yukko.</div><div class="s">Waa'ik Adillan Waaroo'isa</div><div class="r">(Mat 24:23-28,37-41)</div><div class="p"> 20Farisaawe'uwwi &#171;Waa'i adillan waarookkok hinki ammane?&#187; yita'a Yesuusa xa'mmito'aare Yesuusim ixxuwwina dabaraa &#171;Waa'ik adillan waarookkok manni egeroo'isinneyyo. 21Odim &#8249;Keyye yookko&#8250; te'im &#8249;Eekke'e yookko&#8250; yakkambee'ane. Mashka'oomim adil Waa'i ki'nnuwwi lambe'ennette&#187; yukko.</div><div class="p"> 22Odim Yesuus ixxi losaanina &#171;Manchi Beet ayyaammuwwiinsi matichchom moo'nnumta'n yitakka'a mixxakkam amman waarookko. Ihukkaarem moo'llakkamoyyo. 23Mat mat keen ki'nnuwwina &#8249;Waa'ik adillan keyyette te'im eekke'ette&#8250; yitamo. Ihukkaarem ki'nnuwwi mattakkotte. Ixxuwwam awwontakkotte. 24Mashka'oomim banqi belecce'oohaare iiman tochchiinsi tochchonne afeebe'e caakkoo'isam Manchi Beetik waarimmi ballim eehidette. 25Ihukkaarem ixxi gaassaa lobakat hawwo aa'immii ku qaranchi ixxo sabimmii hasisookko. 26#Qoc 6:5 Nohe'i doollenne ihukkisam Manchi Beet waaroo doollennem ee'isam ihookko. 27#Qoc 7:5 Nohe'i markabanne aagaa wo'i hundam bi'iseebe'i afeebe'e manni itukkuuyyii agukkuuyyii, eebukkuuyyii ladiisukkuuyyii hee'ukko. 28#Qoc 18:20&#8212;19:25 Ee'isam Loox doollennem manni itukkuuyyii agukkuuyyii, bito aa'ukkuuyyii biteesukkuuyyii, kaasukkuuyyii mine baxukkuuyyii hee'ukko. 29Ihukkaarem Soddomiinsi Loox firu ayyaamo giirii diina yakkam luwwii#17:29 &#171;Diina&#187; yakkam luwwi uulliinsi firoo giirinne exxaa firaa bukkamu kina; diin aphphoo ammane manna urussoo wiriir firookko. iimaniinsi ga'nnaa manna hundam bi'isukko. 30Manchi Beet waaroo ayyaamom ee'isam ihookko.</div><div class="p"> 31 # 
 Mat 24:17
 &#171;Ee ayyaamo mi'n iimanenne yoo manchi minenne yoo mu'uta fissaa masseena aagoone. Abuulli beyyonne yoo manchim abuulli beyyiinsi mine daba'lloone. 32#Qoc 19:26 Loox are sawwi'llehe. 33#Mat 10:39; 16:25; Mar 8:35; Luq 9:24; Yoh 12:25 Ixxi foore gatixxeena hasookkok ayyim bi'isookko. Ihukkaarem ixxi foore bi'isookkok gatixxookko. 34An ki'nnuwwina kuroommo; ee hiimo mat ara'anne lam manchi iinse'ookko. Ee keeniinsi mat massamookko. Mat gatookko. 35-36Lam meenti mat ikka'a liittamo. Mate massakkamaare la'mmete gattamo&#187; yukko.#17:35-36 Mat mat lasaanchi Giriik tirattuwwanne &#171;Lam manchi abuulli beyyonne hee'llamo. Mato massakka'a la'mmek gatookko&#187; yamamaa kitaabamaakko. </div><div class="p"> 37Ixxuwwim &#171;Moollanna! Hanno massakkamok?&#187; yita'a xa'mmito'aare Yesuusim ixxuwwina dabaraa &#171;Leesh yoo beyyonne ammar dummookko&#187; yukko.</div>
 </div>
 </div>
</div>

Yesuus ixxi losaanina «Manna baaxiilonne aagisoo luwwi waaroo'n gatooyyo. Ihukkaarem baaxiilina mashka'i ihoo manchi bikkina aayye! Ayyim ka hoffi keeniinsi mato baaxiilonne aagisoohaanniinsi ixxi gaanjenne liitimma ka'llaa dambalaqanne ubuta'n e'llookko. Ee bikkina ki'nnuwwi gaga ege'llehe; kiyyabbaayyi baaxiilonne aagulas wocame. Ixximdu baaxiiliinsi saxxaa daba'llulas atim ixxi bi'ishsha haafihe. Ixxi mat ballanne keese lamar kore hawwodaa lamarem korem ‹Bi'isaammo› yulas lamarem korem haafihe» yukko.

Awwonaan Moollannina «Niina amma'nnato ede» yito'o. Moollannim dabaraa «Winxo'i shaa'n sireqax amma'nnat ki'nnuwwina hee'uta'n ka oda'a ‹Ka beyyiinsi xoqolantaa dambalaqanne kaasame› yitakko'aare ki'nnuwwina ijaajamookko» yukko.

Odim Yesuus «Ki'nnuwwiinsi matina uulla abuulloo te'im gereebba allaaroo awwaadaanchi yookkok oo awwaadaanchi baxiinsi te'im allaachchiinsi waaroohaare ‹Hurbaata itteena waattaa qaqqissaa afuure› yoohonnihe? Ee'isa yimma uraa ‹Iina hurbaata gudissaa an itaahii agaahii ki'eembe'e uullitaa iina itisee agisee; ee lasage atim ittoottoo aggoottoo› yookko. Ijaajamu luwwa issu bikkina ee awwaadaancho galaxxooyyo. Ee bikkina ki'nnuwwim ijaajantakko'i luwwi hundam issitakkam ammane ‹Neese awwaad bee'i awwaadaano; niina uwwamu bax xale'e banxaammo› yi'llehe» yukko.

Yerusaaleema Yesuus marukkuuyyi Samaare'aanninnee Galii'l uulli lambe'innee higam hee'ukko. Higukkuuyyim mat gatte aagukkisam oddomachchonne firoo baddisoo jabbi amadaakkoo tommi manninne edamukko. Ixxuwwim waatta'a qee'llonne uullito'o. Oo mannim sagara iimaa'lla'a «Moollanni Yesuusa, niina qishixxe!» yito'o.
Ixxuwwa Yesuus moo'u ammanenne ixxuwwina «Mattakka'a ki'nnuwwi gaga qeessichchina moo'issehe» yukko. Oo mannim mattu'uuyyim fayye'lla'a muccutto'o. Ee lasage ee manniinsi mat fayye'ukkisa moo'aqqu ammanenne sagara iimaa'aa Waa'a galaxxukkuuyyi laso daba'llukko. Yesuusam galaxxukkuuyyi lokkonne ubukko. Oo manchim Samaarekkichchi hee'ukko. Yesuusim «Muccutto'ok tommi manchoyyonnihe? Honsoom hannikko'o? Xale'i ka mulli uulli manchiinsi bagaan daba'llaa waaraa Waa'a galaxxookkok matim bee'ukkonnihe?» yukko. Yesuusim ee manchina «Ki'llaa mare; ki amma'nnat keese fayyiisaakko» yukko.


Farisaawe'uwwi «Waa'i adillan waarookkok hinki ammane?» yita'a Yesuusa xa'mmito'aare Yesuusim ixxuwwina dabaraa «Waa'ik adillan waarookkok manni egeroo'isinneyyo. Odim ‹Keyye yookko› te'im ‹Eekke'e yookko› yakkambee'ane. Mashka'oomim adil Waa'i ki'nnuwwi lambe'ennette» yukko.
Odim Yesuus ixxi losaanina «Manchi Beet ayyaammuwwiinsi matichchom moo'nnumta'n yitakka'a mixxakkam amman waarookko. Ihukkaarem moo'llakkamoyyo. Mat mat keen ki'nnuwwina ‹Waa'ik adillan keyyette te'im eekke'ette› yitamo. Ihukkaarem ki'nnuwwi mattakkotte. Ixxuwwam awwontakkotte. Mashka'oomim banqi belecce'oohaare iiman tochchiinsi tochchonne afeebe'e caakkoo'isam Manchi Beetik waarimmi ballim eehidette. Ihukkaarem ixxi gaassaa lobakat hawwo aa'immii ku qaranchi ixxo sabimmii hasisookko. Nohe'i doollenne ihukkisam Manchi Beet waaroo doollennem ee'isam ihookko. Nohe'i markabanne aagaa wo'i hundam bi'iseebe'i afeebe'e manni itukkuuyyii agukkuuyyii, eebukkuuyyii ladiisukkuuyyii hee'ukko. Ee'isam Loox doollennem manni itukkuuyyii agukkuuyyii, bito aa'ukkuuyyii biteesukkuuyyii, kaasukkuuyyii mine baxukkuuyyii hee'ukko. Ihukkaarem Soddomiinsi Loox firu ayyaamo giirii diina yakkam luwwii iimaniinsi ga'nnaa manna hundam bi'isukko. Manchi Beet waaroo ayyaamom ee'isam ihookko.
«Ee ayyaamo mi'n iimanenne yoo manchi minenne yoo mu'uta fissaa masseena aagoone. Abuulli beyyonne yoo manchim abuulli beyyiinsi mine daba'lloone. Loox are sawwi'llehe. Ixxi foore gatixxeena hasookkok ayyim bi'isookko. Ihukkaarem ixxi foore bi'isookkok gatixxookko. An ki'nnuwwina kuroommo; ee hiimo mat ara'anne lam manchi iinse'ookko. Ee keeniinsi mat massamookko. Mat gatookko. Lam meenti mat ikka'a liittamo. Mate massakkamaare la'mmete gattamo» yukko.
Ixxuwwim «Moollanna! Hanno massakkamok?» yita'a xa'mmito'aare Yesuusim ixxuwwina dabaraa «Leesh yoo beyyonne ammar dummookko» yukko.

Listen to Luqaas Mishiraachcha 17