<div class="version vid3007 iso6393msy" data-vid="3007" data-iso6393="msy">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Akar faragha zuim</span></div><div class="ip"><span class="content">Jon Osirizir Akar Aghuim&#616;n ak&#616;nafarim, a kamagh&#616;n m&#616;g&#616;a ghaze, Iesus a &#8220;God&#616;n Akam uab&#616; gumazim&#616;n m&#616;n oto. God anemadaz&#616;ma an en tong&#616;n iti.&#8221; Jon kamagh&#616;n ifonge, gumazamiziba bar n&#616;ghn&#616;zir gavgavim God&#616;n Otarim Iesus&#616;n ikiam. Egh me kamagh&#616;n fogh suam, Iesus a Gumazir God Uam E Iniasa M&#616;sevezim. Jon kamagh&#616;n fo, gumazamizir n&#616;ghn&#616;zir gavgavim Iesus&#616;n itiba, me ik&#616;r&#616;m&#616;rir aghuarir zurara itim iniam. Kamagh&#616;n an ak&#616;nafarir kam osiri. (N&#616; Jon 20:31&#616;n gan.)</span></div><div class="ip"><span class="content">Jon faragha e m&#616;keme, Akar fom&#616;ra God ko itir kam, kar Iesusra. Egha g&#616;n Jon Iesus&#616;n mirakelbar eghaghanibar gun m&#616;gei. Eght&#616; e dar gan fogh suam, Iesus a Gumazir God Uam E Iniasa M&#616;sevezim, a God&#616;n Otarim. Jon uaghan Iesus amizir mirakelbar akar m&#616;ngaribar e m&#616;keme. Ez&#616; e gumazamizir mabar gari, me n&#616;ghn&#616;zir gavgavim Iesus&#616;n ikiava an g&#616;n zui. Ez&#616; marazi n&#616;ghn&#616;zir gavgavim an ikian aghua.</span></div><div class="ip"><span class="content">Akar sapta </span><span class="content">13--17</span>&#616;n<span class="content"> itiba, Iesus&#616;n apaniba d&#616;magarim&#616;n an suirazim&#616;n dughiam&#616;n otivizir araziba, Jon a dagh eghari. D&#616;magarir kam, Iesus uan suren gumaziba ko ikia m&#616;g&#616;r&#616;g&#616;ar aghuir av&#616;riba me gan&#616;ngi. Ez&#616; g&#616;n apaniba Iesus&#616;n suiragha a kot gat&#616;gha, a isa ter ighuvim&#616;n a gafu. Akar abuananam, Iesus mozim&#616;n ua d&#616;kaviz&#616;, an suren gumaziba an gani.</span></div><div class="ip"><span class="content">Bizir e dughiar av&#616;ribar Jon&#616;n ak&#616;nafarim&#616;n garir mam, a kamak&#616;n, Iesus nguazim&#616;n itir gumazamizibar dabirabim&#616;n bizibar gara da isa akar is&#616;n zuim&#616;n dav gei. Ez&#616; am&#616;nim&#616;n akam, ko d&#616;pam&#616;n akam, ko bret&#616;n akam, ko angazangarim&#616;n akam, ko wain&#616;n ikar&#616;zim&#616;n akam, ko sipsipbar garir gumazim&#616;n akam, d&#616;penim&#616;n tiar akam&#616;n akam, bizir kaba Jon&#616;n ak&#616;nafarim&#616;n aven iti.</span></div>
      </div>
   </div>
</div>

The Bible in Aruamu: Old Testament and New Testament: © 2020 Pioneer Bible Translators This work is licensed under the Creative Commons Attribution Share-alike 4.0 license. http://creativecommons.org/licenses/by-sa/4.0/  New Testament is a revision of: The New Testament in Aruamu: © 2004 Bible Society of Papua New Guinea and Pioneer Bible Translators

Akar faragha zuim
Jon Osirizir Akar Aghuimɨn akɨnafarim, a kamaghɨn mɨgɨa ghaze, Iesus a “Godɨn Akam uabɨ gumazimɨn mɨn oto. God anemadazɨma an en tongɨn iti.” Jon kamaghɨn ifonge, gumazamiziba bar nɨghnɨzir gavgavim Godɨn Otarim Iesusɨn ikiam. Egh me kamaghɨn fogh suam, Iesus a Gumazir God Uam E Iniasa Mɨsevezim. Jon kamaghɨn fo, gumazamizir nɨghnɨzir gavgavim Iesusɨn itiba, me ikɨrɨmɨrir aghuarir zurara itim iniam. Kamaghɨn an akɨnafarir kam osiri. (Nɨ Jon 20:31ɨn gan.)
Jon faragha e mɨkeme, Akar fomɨra God ko itir kam, kar Iesusra. Egha gɨn Jon Iesusɨn mirakelbar eghaghanibar gun mɨgei. Eghtɨ e dar gan fogh suam, Iesus a Gumazir God Uam E Iniasa Mɨsevezim, a Godɨn Otarim. Jon uaghan Iesus amizir mirakelbar akar mɨngaribar e mɨkeme. Ezɨ e gumazamizir mabar gari, me nɨghnɨzir gavgavim Iesusɨn ikiava an gɨn zui. Ezɨ marazi nɨghnɨzir gavgavim an ikian aghua.
Akar sapta 13--17 itiba, Iesusɨn apaniba dɨmagarimɨn an suirazimɨn dughiamɨn otivizir araziba, Jon a dagh eghari. Dɨmagarir kam, Iesus uan suren gumaziba ko ikia mɨgɨrɨgɨar aghuir avɨriba me ganɨngi. Ezɨ gɨn apaniba Iesusɨn suiragha a kot gatɨgha, a isa ter ighuvimɨn a gafu. Akar abuananam, Iesus mozimɨn ua dɨkavizɨ, an suren gumaziba an gani.
Bizir e dughiar avɨribar Jonɨn akɨnafarimɨn garir mam, a kamakɨn, Iesus nguazimɨn itir gumazamizibar dabirabimɨn bizibar gara da isa akar isɨn zuimɨn dav gei. Ezɨ amɨnimɨn akam, ko dɨpamɨn akam, ko bretɨn akam, ko angazangarimɨn akam, ko wainɨn ikarɨzimɨn akam, ko sipsipbar garir gumazimɨn akam, dɨpenimɨn tiar akamɨn akam, bizir kaba Jonɨn akɨnafarimɨn aven iti.

Listen to Jon Akar faragha zuim