<div class="version vid2835 iso6393ace" data-vid="2835" data-iso6393="ace">
 <div class="book bkLEV">
 <div class="chapter ch23" data-usfm="LEV.23">
 <div class="label">23</div><div class="s">Uroe-uroe raya</div><div class="p"> 1-2 Tuhan geubri ubak Nabi Musa atoran-atoran keuhai peurayaan agama, nyang har&#244;h geupeumaklum sibagoe uroe raya keu meu i&#233;badat. 3#Keu. 20:8-10, 23:12, 31:14-15, 34:21, 35:2; Tel. 5:12-14 Na nam uroe wat&#233;e jak mubuet, teuma bak uroe nyang keu tujoh, uroe Sabat, na kheueh uroe meureuhat nyang teupeu khusos keu Tuhan. Nibak uroe nyan gata har&#244;h gata meusapat keu gata meu i&#233;badat dan hana jeuet nyang jak meubuet. 4Nyoe kheueh uroe-uroe raya nyang ka geupeuteutab l&#233; Tuhan dan nyang har&#244;h teupeumaklum bak wat&#233;e nyang ka teupeu teunt&#233;e.</div><div class="s">Uroe Raya Paskah dan Ruti nyang hana Meurago</div><div class="r">(Teu. 28:16-25)</div><div class="p"> 5 # 
 Keu. 12:1-13; Tel. 16:1-2 Uroe Raya Paskah nyang teupeu raya keu teuhoreumat Tuhan, teupeuphon wat&#233;e mata uroe lhob bak tanggai peuet blaih buleuen sa. 6#Keu. 12:14-20, 23:15, 34:18; Tel. 16:3-8 &#211;h singoh nyan, tanggai limong blaih, phon Peurayaan ruti hana Meurago, dan tujoh uroe treb jih hana jeuet gata pajoh ruti nyang teupeug&#233;t teuboh rago. 7-8Tujoh uroe treb jih nyan gata har&#244;h tapeuseumah keureubeuen peunajoh ubak Tuhan. Bak uroe nyang phon dan nyang keu tujoh peurayaan nyan gata har&#244;h tameusapat keu gata i&#233;badat dan hana jeuet gata meubuet nyang brat-brat.</div><div class="p"> 9-10Meunyoe gata ka trok u nanggroe nyang geubri l&#233; Tuhan keu gata, dan gata peusapat wase tanoh, beureukah gandom nyang phon that gata pot har&#244;h gata ba ubak imeum. 11Bak uroe &#243;h ka lheueh uroe Sabat, imeum har&#244;h jipeuseumah gandom nyan sibagoe keureubeuen nyang teubri ubak Tuhan, mangat Tuhan galak keu gata. 12Bak uroe gata tapeuseumah gandom nyan, har&#244;h cit gata peuseumah keu keureubeuen nyang teutot saboh aneu&#235;k bubiri agam nyang meu-umu sithon dan hana meucupa. 13Keu keureubeuen peunajoh peuseumah kheueh teuma dua kilo gram teup&#244;ng teujampu ngon miny&#233;uk zaiton. B&#233;e keureubeuen nyang har&#246;m nyan lumpah that galak at&#233; Tuhan. Meusigoe ngon nyan peuseumah teuma si ar&#233;e i&#233; angg&#244;. 14Sigohlom teuba peuseumahan nyan ubak Tuhan, hana jeuet gata pajoh mubacut pi nibak gandom nyang bar&#244; nyan, bah kheueh nyang mantong meuntah, teupanggang atawa teutot jeuet keu ruti. Peuratoran nyan har&#244;h jita&#225;t l&#233; banmandum keuturonan gata keu siumu masa.</div><div class="s">Khanuri mus&#233;m mupot</div><div class="r">(Teu. 28:26-31)</div><div class="p"> 15 # 
 Keu. 23:16, 34:22; Tel. 16:9-12 Phon nibak uroe &#243;h ka lheueh uroe Sabat, wat&#233;e gata peuseumah ubak Tuhan beureukah gandom nyang phon, gata har&#244;h ta itong tujoh goe aleuhat peunoh. 16Bak uroe nyang keulimong ploh, na kheueh uroe &#243;h ka lheueh uroe Sabat nyang keutujoh, gata har&#244;h taba keureubeuen teuhidang ubak Tuhan. 17Tieb-tieb keuluwarga har&#244;h jiba dua boh ruti sibago peuseumahan teujok keu Tuhan, tieb-tieb ruti har&#244;h teupeug&#233;t nibak dua kilo gram teup&#244;ng hal&#244;h nyang teuboh rago dan atra nyan har&#244;h jipeuseumah ubak Tuhan sibagoe keureubeuen wase tanoh nyang phon. 18Meusajan ngon ruti nyan bansa Israel har&#244;h jipeuseumah teuma tujoh boh aneu&#235;k bubiri nyang meu-umu sithon, saboh leum&#244; agam muda dan dua boh kam&#233;ng. Mas&#233;ng-mas&#233;ng beulatang nyan hana jeuet na meucupa dan har&#244;h teupeuseumah sibagoe keureubeuen nyang teutot keu Tuhan, deungon keureubeuen teuhidang dan keureubeuen i&#233; angg&#244;. B&#233;e keureubeuen nyang har&#246;m nyan lumpah that galak at&#233; Tuhan. 19Dan peuseumah teuma saboh kam&#233;ng agam keu keureubeuen peu amphon desya dan dua boh bubiri agam nyang meu-umu sithon keu keureubeuen peudam&#233;. 20Ruti dan bandua boh aneu&#235;k bubiri nyan har&#244;h jipeuseumah l&#233; imeum sibago keureubeuen nyang teubri ubak Tuhan, dan nyan na kheueh keu imeum. Banmandum peuseumahan nyan na kheueh suci. 21Bak uroe nyan gata har&#244;h meusapat keu meui&#233;badat dan hana jeuet gata meubuet nyang brat-brat. Peuratoran nyan har&#244;h jita&#225;t l&#233; keuturonan gata keu siumu masa, dan dipat mantong awaknyan tinggai.</div><div class="p"> 22 # 
 Im. 19:9-10; Tel. 24:19-22 Meunyoe gata jakmupot, b&#233;k kheueh gata koh gandom nyang na timoh nibak bin&#233;h-bin&#233;h blang gata dan b&#233;k gata riwang keu gata jak peusapat boh-boh gandom nyang na tinggai &#243;h ka lheueh gata pot. Bah kheueh atra nyan jicok l&#233; ureu&#235;ng gasien dan ureu&#235;ng as&#233;ng. Tuhan na kheueh Allah gata.</div><div class="s">Khanuri bak thon Bar&#244;</div><div class="r">(Teu. 29:1-6)</div><div class="p"> 23-24Tanggai sa buleuen tujoh har&#244;h teupeuraya sibago uroe nyang khusos keu meureuhat. Bak uroe nyan meutanda deungon su beureuguih, dan gata har&#244;h meusapat keu gata jak meui&#233;badat. 25Peuseumah kheueh keureubeuen peunajoh keu Tuhan dan b&#233;k gata peubuet buet-buet nyang brat nibak uroe nyan.</div><div class="s">Uroe peu amphon desya</div><div class="r">(Teu. 29:7-11)</div><div class="p"> 26-27 # 
 Im. 16:29-34
 Tanggai siploh buleuen tujoh na kheueh uroe upacara sithon sigo keu peu amphon desya bansa Israel. Bak uroe nyan gata har&#244;h tapuasa dan gata meusapat keu gata jak i&#233;badat meunan cit meusigoe ngon nyan gata peuseumah keureubeuen peunajoh keu Tuhan. 28B&#233;k gata jak bak buet, sabab uroe nyan na kheueh uroe peu amphon desya, mangat gata meuteum&#233; amphon dikeue Tuhan Po teu Allah. 29Soe mantong nyang pajoh peue mantong nibak uroe nyan, ureu&#235;ng nyan hana teu anggab le anggota umat Allah. 30Dan soe mantong nyang jipeubuet buet nibak uroe nyan, ureu&#235;ng nyan geuhuk&#246;m l&#233; Tuhan keudroe ngon huk&#246;man mat&#233;. 31Peuratoran nyan keunong ateueh banmandum keuturonan gata dipat mantong awaknyan tinggai. 32Phon bak sa&#225;t mata uroe lob bak tanggai sikureueng buleuen nyan trok ubak wat&#233;e mata uroe jilob bak tanggai siploh, har&#244;h gata peuraya lag&#233;e uroe Sabat, uroe nyang khusos keu meureuhat. Siuroe peunoh nyan gata har&#244;h puasa.</div><div class="s">Khanuri Jambo &#212;n</div><div class="r">(Teu. 29:12-40)</div><div class="p"> 33-34 # 
 Tel. 16:13-15
 Khanuri Jambo &#212;n phon bak tanggai limong blaih buleuen tujoh dan treb jih tujoh uroe. 35-36Nyang tujoh uroe treb jih nyan, tieb-tieb uroe gata har&#244;h gata peuseumah keureubeuen peunajoh. Bak uroe nyang phon dan nyang keulapan gata har&#244;h meusapat keu meu i&#233;badat dan gata peuseumah keureubeuen peunajoh ubak Tuhan. B&#233;k kheueh gata peubuet buet-buet nyang brat nibak uroe nyan.</div><div class="p"> 37Nyan kheueh uroe raya agama nyang ka geupeuteutab l&#233; Tuhan dan nyang har&#244;h gata peumaklum. Nibak peurayaan-peurayaan nyan gata har&#244;h gata horeumat Tuhan deungon gata meusapat keu meu i&#233;badat dan gata peuna keureubeuen peunajoh, keureubeuen nyang teutot, keureubeuen teuhidang, keureubeuen beulatang dan keureubeuen i&#233; angg&#244;, l&#233; jih dub nyang teupeureul&#233;e tieb-tieb uroe. 38Peurayaan-peurayaan nyan na kheueh sibagoe seunamah nibak uroe-uroe Sabat biasa, meunan cit deungon banmandum peuseumahan nyan sibago seunamah nibak meuneubri gata nyang biasa, bak keureubeuen gata keu gata teuboh ka&#244;i, atawa keureubeuen keugalak droe nyang gata bri ubak Tuhan.</div><div class="p"> 39 # 
 Keu. 23:16, 34:22 &#211;h ka lheueh mus&#233;m mupot, phon tanggai limong blaih buleuen tujoh, gata har&#244;h gata peuna peurayaan nyang treb jih tujoh uroe. Uroe nyang phon dan nyang lapan na kheueh uroe nyang khusos keu meureuhat. 40Bak uroe nyang phon gata har&#244;h gata pot boh kay&#233;e nyang paleng jroh lam lamp&#244;h gata, meunan cit deungon &#244;n-&#244;n palma dan ranteng-ranteng nibak bak-bak kay&#233;e nyang luhu, dan gata peuphon kheueh peurayaan sukacita keu teuhoreumat Tuhan Po teu Allah gata. 41Peurayaan nyan har&#244;h gata peuna nyang treb jih tujoh uroe. Peuratoran nyan har&#244;h jipeubuet l&#233; keuturonan gata keu siumu masa. 42Tujoh uroe treb jih banmandum bansa Israel har&#244;h tinggai lam jambo-jambo &#244;n, 43mangat keuturonan gata jiteupeue bahwa Tuhan geuyue bansa Israel tinggai lam jambo-jambo nyang seuderhana, wat&#233;e Gobnyan geuba awaknyan peuteubiet lam nanggroe Meus&#233;. Gobnyan kheueh Tuhan Po teu Allah gata.</div><div class="p"> 44Meunan kheueh cara jih Nabi Musa geupeusampoe ubak bansa Israel peuratoran-peuratoran keuhai cara teupeuna peurayaan-peurayaan keu tehoreumat Tuhan.</div>
 </div>
 </div>
</div>

Old and New Testament in Today's Aceh Language @ LAI, 1997.

TUHAN geubri ubak Nabi Musa atoran-atoran keuhai peurayaan agama, nyang harôh geupeumaklum sibagoe uroe raya keu meu iébadat. Na nam uroe watée jak mubuet, teuma bak uroe nyang keu tujoh, uroe Sabat, na kheueh uroe meureuhat nyang teupeu khusos keu TUHAN. Nibak uroe nyan gata harôh gata meusapat keu gata meu iébadat dan hana jeuet nyang jak meubuet. Nyoe kheueh uroe-uroe raya nyang ka geupeuteutab lé TUHAN dan nyang harôh teupeumaklum bak watée nyang ka teupeu teuntée.


Uroe Raya Paskah nyang teupeu raya keu teuhoreumat TUHAN, teupeuphon watée mata uroe lhob bak tanggai peuet blaih buleuen sa. Óh singoh nyan, tanggai limong blaih, phon Peurayaan ruti hana Meurago, dan tujoh uroe treb jih hana jeuet gata pajoh ruti nyang teupeugét teuboh rago. Tujoh uroe treb jih nyan gata harôh tapeuseumah keureubeuen peunajoh ubak TUHAN. Bak uroe nyang phon dan nyang keu tujoh peurayaan nyan gata harôh tameusapat keu gata iébadat dan hana jeuet gata meubuet nyang brat-brat.
Meunyoe gata ka trok u nanggroe nyang geubri lé TUHAN keu gata, dan gata peusapat wase tanoh, beureukah gandom nyang phon that gata pot harôh gata ba ubak imeum. Bak uroe óh ka lheueh uroe Sabat, imeum harôh jipeuseumah gandom nyan sibagoe keureubeuen nyang teubri ubak TUHAN, mangat TUHAN galak keu gata. Bak uroe gata tapeuseumah gandom nyan, harôh cit gata peuseumah keu keureubeuen nyang teutot saboh aneuëk bubiri agam nyang meu-umu sithon dan hana meucupa. Keu keureubeuen peunajoh peuseumah kheueh teuma dua kilo gram teupông teujampu ngon minyéuk zaiton. Bée keureubeuen nyang haröm nyan lumpah that galak até TUHAN. Meusigoe ngon nyan peuseumah teuma si arée ié anggô. Sigohlom teuba peuseumahan nyan ubak TUHAN, hana jeuet gata pajoh mubacut pi nibak gandom nyang barô nyan, bah kheueh nyang mantong meuntah, teupanggang atawa teutot jeuet keu ruti. Peuratoran nyan harôh jitaát lé banmandum keuturonan gata keu siumu masa.


Phon nibak uroe óh ka lheueh uroe Sabat, watée gata peuseumah ubak TUHAN beureukah gandom nyang phon, gata harôh ta itong tujoh goe aleuhat peunoh. Bak uroe nyang keulimong ploh, na kheueh uroe óh ka lheueh uroe Sabat nyang keutujoh, gata harôh taba keureubeuen teuhidang ubak TUHAN. Tieb-tieb keuluwarga harôh jiba dua boh ruti sibago peuseumahan teujok keu TUHAN, tieb-tieb ruti harôh teupeugét nibak dua kilo gram teupông halôh nyang teuboh rago dan atra nyan harôh jipeuseumah ubak TUHAN sibagoe keureubeuen wase tanoh nyang phon. Meusajan ngon ruti nyan bansa Israel harôh jipeuseumah teuma tujoh boh aneuëk bubiri nyang meu-umu sithon, saboh leumô agam muda dan dua boh kaméng. Maséng-maséng beulatang nyan hana jeuet na meucupa dan harôh teupeuseumah sibagoe keureubeuen nyang teutot keu TUHAN, deungon keureubeuen teuhidang dan keureubeuen ié anggô. Bée keureubeuen nyang haröm nyan lumpah that galak até TUHAN. Dan peuseumah teuma saboh kaméng agam keu keureubeuen peu amphon desya dan dua boh bubiri agam nyang meu-umu sithon keu keureubeuen peudamé. Ruti dan bandua boh aneuëk bubiri nyan harôh jipeuseumah lé imeum sibago keureubeuen nyang teubri ubak TUHAN, dan nyan na kheueh keu imeum. Banmandum peuseumahan nyan na kheueh suci. Bak uroe nyan gata harôh meusapat keu meuiébadat dan hana jeuet gata meubuet nyang brat-brat. Peuratoran nyan harôh jitaát lé keuturonan gata keu siumu masa, dan dipat mantong awaknyan tinggai.
Meunyoe gata jakmupot, bék kheueh gata koh gandom nyang na timoh nibak binéh-binéh blang gata dan bék gata riwang keu gata jak peusapat boh-boh gandom nyang na tinggai óh ka lheueh gata pot. Bah kheueh atra nyan jicok lé ureuëng gasien dan ureuëng aséng. TUHAN na kheueh Allah gata.


Tanggai sa buleuen tujoh harôh teupeuraya sibago uroe nyang khusos keu meureuhat. Bak uroe nyan meutanda deungon su beureuguih, dan gata harôh meusapat keu gata jak meuiébadat. Peuseumah kheueh keureubeuen peunajoh keu TUHAN dan bék gata peubuet buet-buet nyang brat nibak uroe nyan.


Tanggai siploh buleuen tujoh na kheueh uroe upacara sithon sigo keu peu amphon desya bansa Israel. Bak uroe nyan gata harôh tapuasa dan gata meusapat keu gata jak iébadat meunan cit meusigoe ngon nyan gata peuseumah keureubeuen peunajoh keu TUHAN. Bék gata jak bak buet, sabab uroe nyan na kheueh uroe peu amphon desya, mangat gata meuteumé amphon dikeue TUHAN Po teu Allah. Soe mantong nyang pajoh peue mantong nibak uroe nyan, ureuëng nyan hana teu anggab le anggota umat Allah. Dan soe mantong nyang jipeubuet buet nibak uroe nyan, ureuëng nyan geuhuköm lé TUHAN keudroe ngon huköman maté. Peuratoran nyan keunong ateueh banmandum keuturonan gata dipat mantong awaknyan tinggai. Phon bak saát mata uroe lob bak tanggai sikureueng buleuen nyan trok ubak watée mata uroe jilob bak tanggai siploh, harôh gata peuraya lagée uroe Sabat, uroe nyang khusos keu meureuhat. Siuroe peunoh nyan gata harôh puasa.


Khanuri Jambo Ôn phon bak tanggai limong blaih buleuen tujoh dan treb jih tujoh uroe. Nyang tujoh uroe treb jih nyan, tieb-tieb uroe gata harôh gata peuseumah keureubeuen peunajoh. Bak uroe nyang phon dan nyang keulapan gata harôh meusapat keu meu iébadat dan gata peuseumah keureubeuen peunajoh ubak TUHAN. Bék kheueh gata peubuet buet-buet nyang brat nibak uroe nyan.
Nyan kheueh uroe raya agama nyang ka geupeuteutab lé TUHAN dan nyang harôh gata peumaklum. Nibak peurayaan-peurayaan nyan gata harôh gata horeumat TUHAN deungon gata meusapat keu meu iébadat dan gata peuna keureubeuen peunajoh, keureubeuen nyang teutot, keureubeuen teuhidang, keureubeuen beulatang dan keureubeuen ié anggô, lé jih dub nyang teupeureulée tieb-tieb uroe. Peurayaan-peurayaan nyan na kheueh sibagoe seunamah nibak uroe-uroe Sabat biasa, meunan cit deungon banmandum peuseumahan nyan sibago seunamah nibak meuneubri gata nyang biasa, bak keureubeuen gata keu gata teuboh kaôi, atawa keureubeuen keugalak droe nyang gata bri ubak TUHAN.
Óh ka lheueh musém mupot, phon tanggai limong blaih buleuen tujoh, gata harôh gata peuna peurayaan nyang treb jih tujoh uroe. Uroe nyang phon dan nyang lapan na kheueh uroe nyang khusos keu meureuhat. Bak uroe nyang phon gata harôh gata pot boh kayée nyang paleng jroh lam lampôh gata, meunan cit deungon ôn-ôn palma dan ranteng-ranteng nibak bak-bak kayée nyang luhu, dan gata peuphon kheueh peurayaan sukacita keu teuhoreumat TUHAN Po teu Allah gata. Peurayaan nyan harôh gata peuna nyang treb jih tujoh uroe. Peuratoran nyan harôh jipeubuet lé keuturonan gata keu siumu masa. Tujoh uroe treb jih banmandum bansa Israel harôh tinggai lam jambo-jambo ôn, mangat keuturonan gata jiteupeue bahwa TUHAN geuyue bansa Israel tinggai lam jambo-jambo nyang seuderhana, watée Gobnyan geuba awaknyan peuteubiet lam nanggroe Meusé. Gobnyan kheueh TUHAN Po teu Allah gata.
Meunan kheueh cara jih Nabi Musa geupeusampoe ubak bansa Israel peuratoran-peuratoran keuhai cara teupeuna peurayaan-peurayaan keu tehoreumat TUHAN.

শুনুন IMEUM-IMEUM 23