<div class="version vid2345 iso6393moh" data-vid="2345" data-iso6393="moh">
 <div class="book bkACT">
 <div class="chapter ch19" data-usfm="ACT.19">
 <div class="label">19</div><div class="s1">Ne K&#243;r Ephesus Nonwe Hiahateriwan&#243;ten</div><div class="p"> 1Tsi nikar&#237;wes ne Apollos Corinth n&#243;nwe &#237;reskwe, ne K&#243;r wahtathaw&#233;nreh kahnakeraser&#225;kon t&#225;non Ephesus n&#243;nwe iah&#225;raweh. Tho&#700;n&#243;nwe hiathont&#225;t&#700;ken ne rohthiriwi&#700;i&#243;stons 2t&#225;non wasakoriwan&#243;ntonse, &#8220;Wah&#700;tsisewahiat&#243;ren&#700;ne ken ne Ronikonratok&#233;nti n&#243;nen sontesew&#233;hthakwe?&#8221;</div><div class="p">&#8220;Akw&#233;kon i&#225;h nonw&#233;nton tetionkwariwar&#243;nken nakai&#233;ntake ne Ronikonratok&#233;nti,&#8221; wahtathiriwaser&#225;ko.</div><div class="p"> 3&#8220;Th&#243;h k&#237;&#700; ni&#225;re&#700;kwe ni&#700;ioh th&#243;nhak, Nah&#243;ten wahk&#233;nthonwe neh sehsewatenekw&#225;hesthe?&#8221; Ne K&#243;r wahariwan&#243;nton.</div><div class="p">&#8220;Ne Saw&#225;tis rahotenekwahesth&#225;tsera,&#8221; wahthathiriwaser&#225;ko.</div><div class="p"> 4K&#243;r wathariwaser&#225;ko, &#8220;tsi sakohnekwah&#233;stakwe ne Saw&#225;tis, sakoretsi&#225;ronskwe naonsaiontatr&#233;wa&#700;te &#243;&#42889;ni aonsaiakoterak&#233;wase ne karihw&#225;neren; t&#225;non sakorohr&#237;hakwe Israer&#700;r&#243;&#42889;nons nahontahonw&#233;takwe ne tenhiathasonter&#225;ko&#8212;nehne kw&#225;h, I&#233;&#42889;sos.&#8221;</div><div class="p"> 5Neh sah&#243;nronke k&#237;&#42889;ken, wahontenekw&#225;heste th&#243;h rahos&#233;n&#700;nakon ne Roi&#225;&#42889;ner I&#233;&#42889;sos. 6K&#243;r wa&#700;tesakonisnons&#225;ren, t&#225;non neh Ronikonratok&#233;nti wah&#700;sakotsi&#233;nhase; kw&#225;h thi&#700;wennasath&#233;nion tsi sahontati&#243;nko &#243;&#42889;ni neh wahathi&#700;th&#225;rakwe tsi nont&#225;weh ne Rawenn&#237;&#42889;ioke. 7K&#225;k&#700;non neh t&#233;keni-iaw&#233;nre nih&#225;tikwe.</div><div class="p"> 8Ne K&#243;r ononsatokent&#237;ke niah&#225;re &#243;&#42889;ni &#225;hsen niwenn&#237;take nikar&#237;wes kw&#225;h &#237;ken tsi wasakotewennan&#237;rat&#700;tse nonkwes&#243;nhas, tehothiriwat&#237;ronte &#243;&#42889;ni rahteni&#233;nt&#700;tha niasakonikonr&#233;nhawe tsi n&#242;kwa ne Rawenni&#42889;io Rahonaker&#225;sera. 9N&#243;k &#243;tiakes kw&#225;h &#237;ken tsi rohthinontsistan&#237;rons i&#225;h tet&#700;thonn&#233;takwa, t&#225;non kw&#225;h akoh&#233;nton n&#243;nkwe kariw&#225;ksens wahonth&#243;nnionwe tsi Nahot&#233;nsons ne Roi&#225;&#42889;ner Rawenest&#225;nion. S&#243;k k&#237;&#700; ne K&#243;r sahsakotsiathont&#225;kwase t&#225;non iasakohiat&#233;nhawe ne tho&#700;net&#225;kwens, t&#225;non kw&#225;h tsi niatewenniser&#225;ke tsi watathiriwatiron&#700;th&#243;nko th&#243;h kahn&#243;nskon nofarakon ne Tyrannus. 10Tehioser&#225;ke k&#237;&#42889;ken th&#243;h nihioth&#243;nne, neh nah&#243;nton kw&#225;h tsi nia&#700;teionkw&#233;take neh n&#243;nwe ni&#700;ien&#225;kere nahonthonwentsi&#225;ke ne Asia, rathikw&#233;kon ne Sitaer&#243;&#42889;nons &#243;&#42889;ni ne i&#225;h tehati&#700;sitae&#700;r&#243;&#42889;nons nah&#243;nronke ne Roia&#42889;ner rahowennah&#243;kons.</div><div class="s1">Ne Sceva Sakoienok&#243;nhas Wahonteni&#233;nten Nahonsahonwath&#237;&#700;hiatinekenkwe Ne Rathinesonr&#243;nons</div><div class="p"> 11Ne Rawenni&#42889;io nia&#700;tehior&#237;wake tsi nihaier&#225;nions ne ioriwanerakwath&#233;nions rahonh&#225;ke ne K&#243;r. 12Iehi&#243;he ne iot&#700;tsinionker&#225;thas &#243;&#42889;ni nateni&#700;i&#243;nthas ne r&#225;ts&#700;takwe sakots&#700;t&#233;nni ne iakononw&#225;k&#700;tanis, t&#225;non k&#237;&#700; ne rahothinonwak&#700;t&#233;ntseras tiohiak&#233;n&#42889;en, &#243;&#42889;ni ne rathinesonr&#243;nons sonwatihiathinek&#233;n&#700;hen. 13&#211;tiakes &#243;&#42889;ni ne Sitaer&#243;&#42889;nons neh tehontaw&#233;nries t&#225;non sonwathihiat&#237;nekens ne rathinesonr&#243;nons wahonteni&#233;nten ne Roia&#42889;ner I&#233;&#42889;sos raos&#233;nna &#225;honste tsi eh&#700;nahat&#237;&#700;iere. Wahonwenn&#233;nhase ne rathinesonr&#243;nons, &#8220;Wakonr&#243;ri rahos&#233;nnakon ne I&#233;&#42889;sos, tsi nik&#225;ien ne K&#243;r roteriwanot&#225;nis.&#8221; 14Tsi&#225;tak nihontatek&#233;nhas k&#237;&#42889;ken neh th&#243;h nihathi&#700;i&#233;ra&#700;kwe, neh sakoienok&#243;nhas ne Sitaer&#243;&#42889;non ne kw&#225;h &#233;hneken th&#243;t&#700;te ratsihentow&#225;nen nehne Sceva ronw&#225;iats,</div><div class="p"> 15N&#243;k ne rathinesonr&#243;nons wahonwenn&#233;nhase, &#8220;Ri&#700;ient&#233;ri ne I&#233;&#42889;sos, t&#225;non &#243;&#42889;ni ri&#700;ient&#233;ri ne K&#243;r; n&#243;k n&#237;se&#8212;&#243;nhka n&#237;se?&#8221;</div><div class="p"> 16N&#233;h&#700;tho r&#243;nkwe tsi nik&#225;ien ne rotsi&#233;nni ne ranesonr&#243;non iasakotsiat&#243;nni t&#225;non wahsakos&#233;nni t&#225;non wasakokar&#233;wa&#700;te &#243;&#42889;ni waharati&#243;nko ne rahonat&#700;tser&#243;nnias th&#243;&#700;ne k&#225;ti sahont&#232;ko tsi n&#243;nwe nihon&#243;nsho&#700;te. 17Rathikw&#233;kon ne Sitaer&#243;&#42889;nons &#243;&#42889;ni ne i&#225;h tehati&#700;sitae&#700;r&#243;&#42889;nons tsi nih&#225;ti ne Ephesus n&#243;nwe nihathin&#225;kere wahathiriw&#225;ronke k&#237;&#42889;ken; kw&#225;h rathikw&#233;kon wahonateroni&#233;nten, t&#225;non ne raos&#233;nna ne Roia&#42889;ner I&#233;&#42889;sos &#243;nen s&#233;nha wakarihow&#224;hnha tsi n&#237;&#42889;ioht tsi wat&#700;konwar&#233;nsaron. 18Iakotiokow&#225;nen ne tsiakawet&#225;kwen wahakok&#233;tho&#700;te, onhkw&#233;take ieriwan&#237;rats&#700;kwe &#243;&#42889;ni ront&#700;r&#243;riskwe akw&#233;kon tsi nihonatier&#225;hnion. 19Rohnatiokow&#225;nen ne ken niehathi&#700;i&#233;rakwe nataennar&#225;htsera, tahath&#237;hawe ne rahothihiatonseras&#243;nhas tsi neh r&#243;nstakwe tsi nihonti&#233;rahkwe t&#225;non ahkoh&#233;nton n&#243;nkwe th&#243;h wah&#243;ntsiahate. Tahonseht&#225;nion tsi nikan&#243;ron ne rahothihiatonseras&#243;nhas, t&#225;non tsi niakanont&#225;ra&#700;ne w&#237;sk-niw&#225;sen tewenniawehe&#700;tser&#225;sen neh kawistar&#225;kens kw&#233;nis. 20Nakw&#233;kon tsi nahaw&#233;nseron kw&#225;h iohs&#225;tsthe tsi tahiak&#233;thakwe nonkwes&#243;nhas, t&#225;non k&#225;ti nehne rahosatst&#233;nsera ne Roi&#225;&#42889;ner, nateriwanoth&#225;tsera kh&#233;k watewar&#233;hni &#243;&#42889;ni kas&#225;tsthe tsi ontei&#225;ron.</div><div class="s1">Tsi Nont&#700;ts&#237;ro Ne Ephesus N&#243;nwe</div><div class="p"> 21Sonteweienn&#233;nta&#700;ne tsi nahaw&#233;nseron, K&#243;r ne tsi Ronikonratok&#233;nti ros&#225;rine, iatho&#700;riwai&#233;nta&#700;se ne Macedonia t&#225;non Achaia n&#243;nwe iatahathaw&#233;nreh t&#225;non th&#243;h ienkani&#700;i&#243;nten Jerusalem nien&#700;h&#233;nre. &#8220;N&#243;&#42889;nen i&#233;nkewe neh n&#243;nwe,&#8221; wah&#233;nron, &#8220;&#243;nenk &#243;&#42889;ni tsi ienke Rome.&#8221; 22Kati Timothy oni Erastus iasakoteniete, ne ne teni&#700;iase ne rowasnienonskwe, Macedonia ne nonwe niah&#225;ne, tsi nahe ne ra&#243;nha saonisko tsi watonhontsaien ne Asia.</div><div class="p"> 23Nehne kw&#225;h &#233;htho nikah&#225;wi kow&#225;nen hont&#700;ts&#237;ro ne Ephesus neh tsi Nahot&#233;nsons ne Roi&#225;&#42889;ner Rawenest&#225;nion. 24Sai&#225;tat ne ranisnonsawitser&#243;n&#42889;nis Demetrius ronw&#225;iats ronatiokow&#225;nen wahsak&#243;na&#700;ne ne ronnisnonsawitser&#243;nnis kawistar&#225;ken &#225;honste tsi ahathi&#700;norohkonni&#225;nion tsi non nahonthetah&#225;seke ne kahiat&#243;n&#700;ni Artemis, t&#225;non ne rahohiot&#233;nseras kw&#225;h &#237;ken tsi w&#233;so wahthont&#233;ntsa ne wahothihi&#243;ten. 25S&#243;k k&#237;&#700; kw&#225;h rathikw&#233;kon wasakohiatar&#243;hroke &#243;&#42889;ni tsi nih&#225;ti nehne sahothihiot&#233;nseras t&#225;non wasakaw&#233;nha&#700;se, &#8220;Tsi&#243;nkwe, sewateri&#233;ntare nonkwatsio&#700;kow&#225;tsera th&#243;&#700;non nitew&#233;tha k&#237;&#700; nakahiotenser&#243;hten. 26&#211;nen, k&#225;ti kw&#225;h iatesewahi&#225;ti wesewat&#700;k&#225;tho &#243;&#42889;ni wesewat&#700;th&#243;ntene, i&#225;h k&#233;n&#42889;en kh&#243;k Ephesus t&#232;ken n&#243;k kw&#225;h th&#243;h w&#225;htsik nonw&#233;son ne Asia, k&#237;&#42889;ken r&#243;nkwe K&#243;r, tasakon&#243;ntonse &#243;&#42889;ni iakotsiokow&#225;nen wasakoriwat&#233;ni tsi nihariw&#225;hsaste nah&#243;ten nosn&#243;nsa iohiathonniser&#237;son i&#225;h k&#237;&#700; ni&#700;io&#700;ok&#243;nhas t&#232;ken. 27Th&#243;h non nihi&#243;t&#700;teron, k&#225;ti, nonkwahiot&#233;nsera enhiosenn&#225;k&#700;sen&#700;ne. I&#225;h Th&#243;k&#700;kh&#243;k th&#232;ken, Th&#243;h &#243;&#42889;ni non ni&#700;hi&#243;t&#700;teron n&#233;h&#700;tho naononsatok&#233;nti ne kahiath&#243;n&#700;ni Artemis kw&#225;h i&#225;h th&#232;nen tahonsak&#233;nhake t&#225;non enw&#225;h&#42889;thon tsi nikasen&#700;now&#225;nen&#8212;n&#233;h&#700;tho kahiat&#243;n&#700;ni kw&#225;h tsi niatehionkw&#233;take ne Asia &#243;&#42889;ni kw&#225;h ohontsiakw&#233;kon tsi konwas&#233;nnaiens!&#8221;</div><div class="p"> 28Neh kentiokow&#225;nen sahakoth&#243;n&#700;thene tsi nah&#243;ten wah&#233;nron ne Demetrius, kw&#225;h &#237;ken tsi wahakon&#225;hkwen t&#225;non tahont&#225;sawen wahthotih&#233;nrete, &#8220;Kasennow&#225;nen ne Artemis ne Ephesus!&#8221; 29Tsi nont&#700;ts&#237;ro kw&#225;h kanatakw&#233;kon wahtewar&#233;ni. Ne kentiokw&#225;ksen wahonwathi&#700;i&#233;na ne Gaius &#243;&#42889;ni ne Aristarchus, tenitsi&#225;ron Macedoniar&#243;&#42889;nons natenihiat&#243;ten sk&#225;t&#700;ke tehonatawerienh&#225;ties ne K&#243;r, t&#225;non wathonwatister&#237;hathe tsi ronk&#700;kennisah&#225;tha niahonwathihiat&#233;nhawe. 30Ne K&#243;r nehne rh&#233;&#42889;rahkwe nakoh&#233;nton n&#243;nkwe ni&#225;re, n&#243;k neh ronteriwanh&#243;t&#42889;thas i&#225;h tehonwariw&#225;wi. 31&#211;&#700;tsiakes ne kakor&#225;sera konwahi&#243;tense, nehne ra&#243;nha ront&#233;nros, &#243;&#42889;ni hiahonwateriwani&#233;ntha&#700;se ronwanit&#233;nthase ne t&#243;hsa ahathaten&#233;sten ne tsi ronk&#700;kennisahat&#225;kwa. 32Th&#243;h n&#225;he tsi nikar&#237;wes rohnat&#700;kenn&#237;son iot&#700;ts&#237;rohkwe: &#243;tsiakes nonkwes&#243;nhas &#233;nskat kh&#243;k tsi nah&#243;ten te&#700;iakohenr&#233;tha, As&#232;ken neh iakotiokow&#225;nen ne i&#225;h tehiakoteri&#233;ntare nonti&#233;ren tsi wahontsiatar&#243;hroke. 33&#211;tsiake k&#237;&#700; th&#243;h n&#237;&#42889;ioht tsi iah&#233;&#700;hewe Alexander rahor&#237;wa, neh tsi ne Sitaer&#243;&#42889;nons wahonhi&#243;nnien ne oh&#233;nton ni&#225;re. Eh&#700;th&#243;h&#700;ne ne Alexander wahtanent&#700;tsaten&#237;&#700;on n&#243;nkwe tathahiont&#243;&#42889;thate, t&#225;non wahatheni&#233;nten nasakoth&#225;rase nonkwes&#243;nhas neh rontenr&#243;hsons tsi i&#225;h rohn&#243;nha tehothir&#237;wa tsi nah&#225;wen&#700;ne. 34N&#243;k n&#243;nen sah&#243;nt&#700;thoke tsi rasitaer&#243;non, kw&#225;h rathikw&#233;kon skar&#237;wa wahonn&#243;n&#700;ni tsi wahthothih&#233;nrete nehne t&#233;keni wahtkawist&#225;heke: &#8220;Tsi nihion&#700;kwetohw&#225;nen ne Artemis nehne Ephesus n&#243;nwe!&#8221;</div><div class="p"> 35Kharek&#237;&#700; &#243;nen wahariwakw&#233;ni ne sakohiat&#243;nni ne kan&#225;ta wasak&#243;risthe nonkwe&#700;&#243;kon. &#8220;Ti&#243;nkwes ne Ephesus nesewahiath&#243;tens!&#8221; wah&#233;nron. &#8220;Kw&#225;h tsi niatehionkw&#233;take tsi iakoteri&#233;ntare tsi kan&#225;taien ne Ephesus neh kanik&#243;nrareh nahononsatok&#233;nti ne kakow&#225;nen Artemis &#243;&#42889;ni neh kanenhian&#243;ron ne tios&#233;n&#42889;en ne karonhi&#225;ke. 36I&#225;h &#243;nhka taiekw&#233;ni nahionthonn&#237;&#42889;ien k&#237;&#700; nahorih&#243;tens. Neh k&#225;ti aor&#237;hwa, &#243;nenk tsi tatensewath&#243;ta&#700;te &#243;&#42889;ni t&#243;hsa th&#233;&#42889;nen nasew&#225;iere ne i&#225;h th&#233;&#42889;nen tsatewanonthonni&#243;n&#700;on. 37Ken taiet&#700;tsihiat&#233;nhawe k&#237;&#42889;ken ro&#700;n&#243;nkwe iaweroh&#225;tsien tsi i&#225;h the&#700;t&#233;nen tehothin&#233;nskwen nononsatokent&#237;ke t&#243;hka &#243;&#42889;ni th&#233;&#42889;nen wah&#233;t&#700;ken akonw&#233;nni nokwahiat&#243;nni. 38T&#243;hka neh Demetrius &#243;&#42889;ni ne rahonkweta&#700;s&#243;nhas ne rahthin&#225;tseras, n&#243;nkak th&#233;&#42889;nen ahsakothiriwarh&#243;seke, iathewenniser&#225;ke ne rohnatherih&#243;ntons r&#243;ntsiens ne tsi the&#700;iehi&#225;thorieth&#225;kwa ne th&#233;&#42889;nen ahatiken&#700;&#233;nion noriwas&#243;nhas; th&#243;h nieat&#237;haf. 39N&#243;k t&#243;hka s&#233;nha th&#233;&#700;nen na&#700;tesewathonwenti&#243;ni, &#243;nenk tsi on&#700;kw&#233;ne n&#243;nwe niatenkariwaient&#225;&#700;on. 40As&#232;ken tsi nahaw&#233;n&#700;nen n&#243;nwa wenniser&#225;te, th&#243;h non nihi&#243;t&#700;teron &#205;&#42889;i entionkh&#237;ra&#700;se tsi ontheristh&#243;nni t&#225;non i&#225;h tahitewakw&#233;ni nahiohia&#700;ner&#233;hake tsi ahitewanikonrai&#233;nthate.&#8221; 41Siah&#225;sa tsi nah&#243;ten wahath&#243;nnionwe, wahan&#243;ton nat&#700;kennisah&#225;tsera.</div>
 </div>
 </div>
</div>

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.

Tsi nikaríwes ne Apollos Corinth nónwe íreskwe, ne Kór wahtathawénreh kahnakeraserákon tánon Ephesus nónwe iaháraweh. Thoʼnónwe hiathontátʼken ne rohthiriwiʼióstons tánon wasakoriwanóntonse, “Wahʼtsisewahiatórenʼne ken ne Ronikonratokénti nónen sontesewéhthakwe?”
“Akwékon iáh nonwénton tetionkwariwarónken nakaiéntake ne Ronikonratokénti,” wahtathiriwaseráko.
“Thóh kíʼ niáreʼkwe niʼioh thónhak, Nahóten wahkénthonwe neh sehsewatenekwáhesthe?” Ne Kór wahariwanónton.
“Ne Sawátis rahotenekwahesthátsera,” wahthathiriwaseráko.
Kór wathariwaseráko, “tsi sakohnekwahéstakwe ne Sawátis, sakoretsiáronskwe naonsaiontatréwaʼte ó꞉ni aonsaiakoterakéwase ne karihwáneren; tánon sakorohríhakwe Israerʼró꞉nons nahontahonwétakwe ne tenhiathasonteráko—nehne kwáh, Ié꞉sos.”
Neh sahónronke kí꞉ken, wahontenekwáheste thóh rahosénʼnakon ne Roiá꞉ner Ié꞉sos. Kór waʼtesakonisnonsáren, tánon neh Ronikonratokénti wahʼsakotsiénhase; kwáh thiʼwennasathénion tsi sahontatiónko ó꞉ni neh wahathiʼthárakwe tsi nontáweh ne Rawenní꞉ioke. Kákʼnon neh tékeni-iawénre nihátikwe.
Ne Kór ononsatokentíke niaháre ó꞉ni áhsen niwennítake nikaríwes kwáh íken tsi wasakotewennaníratʼtse nonkwesónhas, tehothiriwatíronte ó꞉ni rahteniéntʼtha niasakonikonrénhawe tsi nòkwa ne Rawenni꞉io Rahonakerásera. Nók ótiakes kwáh íken tsi rohthinontsistanírons iáh tetʼthonnétakwa, tánon kwáh akohénton nónkwe kariwáksens wahonthónnionwe tsi Nahoténsons ne Roiá꞉ner Rawenestánion. Sók kíʼ ne Kór sahsakotsiathontákwase tánon iasakohiaténhawe ne thoʼnetákwens, tánon kwáh tsi niatewenniseráke tsi watathiriwatironʼthónko thóh kahnónskon nofarakon ne Tyrannus. Tehioseráke kí꞉ken thóh nihiothónne, neh nahónton kwáh tsi niaʼteionkwétake neh nónwe niʼienákere nahonthonwentsiáke ne Asia, rathikwékon ne Sitaeró꞉nons ó꞉ni ne iáh tehatiʼsitaeʼró꞉nons nahónronke ne Roia꞉ner rahowennahókons.

Ne Rawenni꞉io niaʼtehioríwake tsi nihaieránions ne ioriwanerakwathénions rahonháke ne Kór. Iehióhe ne iotʼtsinionkeráthas ó꞉ni nateniʼiónthas ne rátsʼtakwe sakotsʼténni ne iakononwákʼtanis, tánon kíʼ ne rahothinonwakʼténtseras tiohiakén꞉en, ó꞉ni ne rathinesonrónons sonwatihiathinekénʼhen. Ótiakes ó꞉ni ne Sitaeró꞉nons neh tehontawénries tánon sonwathihiatínekens ne rathinesonrónons wahonteniénten ne Roia꞉ner Ié꞉sos raosénna áhonste tsi ehʼnahatíʼiere. Wahonwennénhase ne rathinesonrónons, “Wakonróri rahosénnakon ne Ié꞉sos, tsi nikáien ne Kór roteriwanotánis.” Tsiátak nihontatekénhas kí꞉ken neh thóh nihathiʼiéraʼkwe, neh sakoienokónhas ne Sitaeró꞉non ne kwáh éhneken thótʼte ratsihentowánen nehne Sceva ronwáiats,
Nók ne rathinesonrónons wahonwennénhase, “Riʼientéri ne Ié꞉sos, tánon ó꞉ni riʼientéri ne Kór; nók níse—ónhka níse?”
Néhʼtho rónkwe tsi nikáien ne rotsiénni ne ranesonrónon iasakotsiatónni tánon wahsakosénni tánon wasakokaréwaʼte ó꞉ni waharatiónko ne rahonatʼtserónnias thóʼne káti sahontèko tsi nónwe nihonónshoʼte. Rathikwékon ne Sitaeró꞉nons ó꞉ni ne iáh tehatiʼsitaeʼró꞉nons tsi niháti ne Ephesus nónwe nihathinákere wahathiriwáronke kí꞉ken; kwáh rathikwékon wahonateroniénten, tánon ne raosénna ne Roia꞉ner Ié꞉sos ónen sénha wakarihowàhnha tsi ní꞉ioht tsi watʼkonwarénsaron. Iakotiokowánen ne tsiakawetákwen wahakokéthoʼte, onhkwétake ieriwaníratsʼkwe ó꞉ni rontʼróriskwe akwékon tsi nihonatieráhnion. Rohnatiokowánen ne ken niehathiʼiérakwe nataennaráhtsera, tahathíhawe ne rahothihiatonserasónhas tsi neh rónstakwe tsi nihontiérahkwe tánon ahkohénton nónkwe thóh wahóntsiahate. Tahonsehtánion tsi nikanóron ne rahothihiatonserasónhas, tánon tsi niakanontáraʼne wísk-niwásen tewenniaweheʼtserásen neh kawistarákens kwénis. Nakwékon tsi nahawénseron kwáh iohsátsthe tsi tahiakéthakwe nonkwesónhas, tánon káti nehne rahosatsténsera ne Roiá꞉ner, nateriwanothátsera khék watewaréhni ó꞉ni kasátsthe tsi onteiáron.

Sonteweiennéntaʼne tsi nahawénseron, Kór ne tsi Ronikonratokénti rosárine, iathoʼriwaiéntaʼse ne Macedonia tánon Achaia nónwe iatahathawénreh tánon thóh ienkaniʼiónten Jerusalem nienʼhénre. “Nó꞉nen iénkewe neh nónwe,” wahénron, “ónenk ó꞉ni tsi ienke Rome.” Kati Timothy oni Erastus iasakoteniete, ne ne teniʼiase ne rowasnienonskwe, Macedonia ne nonwe niaháne, tsi nahe ne raónha saonisko tsi watonhontsaien ne Asia.
Nehne kwáh éhtho nikaháwi kowánen hontʼtsíro ne Ephesus neh tsi Nahoténsons ne Roiá꞉ner Rawenestánion. Saiátat ne ranisnonsawitserón꞉nis Demetrius ronwáiats ronatiokowánen wahsakónaʼne ne ronnisnonsawitserónnis kawistaráken áhonste tsi ahathiʼnorohkonniánion tsi non nahonthetaháseke ne kahiatónʼni Artemis, tánon ne rahohioténseras kwáh íken tsi wéso wahthonténtsa ne wahothihióten. Sók kíʼ kwáh rathikwékon wasakohiataróhroke ó꞉ni tsi niháti nehne sahothihioténseras tánon wasakawénhaʼse, “Tsiónkwe, sewateriéntare nonkwatsioʼkowátsera thóʼnon nitewétha kíʼ nakahiotenseróhten. Ónen, káti kwáh iatesewahiáti wesewatʼkátho ó꞉ni wesewatʼthóntene, iáh kén꞉en khók Ephesus tèken nók kwáh thóh wáhtsik nonwéson ne Asia, kí꞉ken rónkwe Kór, tasakonóntonse ó꞉ni iakotsiokowánen wasakoriwaténi tsi nihariwáhsaste nahóten nosnónsa iohiathonniseríson iáh kíʼ niʼioʼokónhas tèken. Thóh non nihiótʼteron, káti, nonkwahioténsera enhiosennákʼsenʼne. Iáh Thókʼkhók thèken, Thóh ó꞉ni non niʼhiótʼteron néhʼtho naononsatokénti ne kahiathónʼni Artemis kwáh iáh thènen tahonsakénhake tánon enwáh꞉thon tsi nikasenʼnowánen—néhʼtho kahiatónʼni kwáh tsi niatehionkwétake ne Asia ó꞉ni kwáh ohontsiakwékon tsi konwasénnaiens!”
Neh kentiokowánen sahakothónʼthene tsi nahóten wahénron ne Demetrius, kwáh íken tsi wahakonáhkwen tánon tahontásawen wahthotihénrete, “Kasennowánen ne Artemis ne Ephesus!” Tsi nontʼtsíro kwáh kanatakwékon wahtewaréni. Ne kentiokwáksen wahonwathiʼiéna ne Gaius ó꞉ni ne Aristarchus, tenitsiáron Macedoniaró꞉nons natenihiatóten skátʼke tehonatawerienháties ne Kór, tánon wathonwatisteríhathe tsi ronkʼkennisahátha niahonwathihiaténhawe. Ne Kór nehne rhé꞉rahkwe nakohénton nónkwe niáre, nók neh ronteriwanhót꞉thas iáh tehonwariwáwi. Óʼtsiakes ne kakorásera konwahiótense, nehne raónha ronténros, ó꞉ni hiahonwateriwaniénthaʼse ronwaniténthase ne tóhsa ahathatenésten ne tsi ronkʼkennisahatákwa. Thóh náhe tsi nikaríwes rohnatʼkenníson iotʼtsírohkwe: ótsiakes nonkwesónhas énskat khók tsi nahóten teʼiakohenrétha, Asèken neh iakotiokowánen ne iáh tehiakoteriéntare nontiéren tsi wahontsiataróhroke. Ótsiake kíʼ thóh ní꞉ioht tsi iahéʼhewe Alexander rahoríwa, neh tsi ne Sitaeró꞉nons wahonhiónnien ne ohénton niáre. Ehʼthóhʼne ne Alexander wahtanentʼtsateníʼon nónkwe tathahiontó꞉thate, tánon wahatheniénten nasakothárase nonkwesónhas neh rontenróhsons tsi iáh rohnónha tehothiríwa tsi naháwenʼne. Nók nónen sahóntʼthoke tsi rasitaerónon, kwáh rathikwékon skaríwa wahonnónʼni tsi wahthothihénrete nehne tékeni wahtkawistáheke: “Tsi nihionʼkwetohwánen ne Artemis nehne Ephesus nónwe!”
Kharekíʼ ónen wahariwakwéni ne sakohiatónni ne kanáta wasakóristhe nonkweʼókon. “Tiónkwes ne Ephesus nesewahiathótens!” wahénron. “Kwáh tsi niatehionkwétake tsi iakoteriéntare tsi kanátaien ne Ephesus neh kanikónrareh nahononsatokénti ne kakowánen Artemis ó꞉ni neh kanenhianóron ne tiosén꞉en ne karonhiáke. Iáh ónhka taiekwéni nahionthonní꞉ien kíʼ nahorihótens. Neh káti aoríhwa, ónenk tsi tatensewathótaʼte ó꞉ni tóhsa thé꞉nen nasewáiere ne iáh thé꞉nen tsatewanonthonniónʼon. Ken taietʼtsihiaténhawe kí꞉ken roʼnónkwe iawerohátsien tsi iáh theʼténen tehothinénskwen nononsatokentíke tóhka ó꞉ni thé꞉nen wahétʼken akonwénni nokwahiatónni. Tóhka neh Demetrius ó꞉ni ne rahonkwetaʼsónhas ne rahthinátseras, nónkak thé꞉nen ahsakothiriwarhóseke, iathewenniseráke ne rohnatherihóntons róntsiens ne tsi theʼiehiáthoriethákwa ne thé꞉nen ahatikenʼénion noriwasónhas; thóh nieatíhaf. Nók tóhka sénha théʼnen naʼtesewathonwentióni, ónenk tsi onʼkwéne nónwe niatenkariwaientáʼon. Asèken tsi nahawénʼnen nónwa wenniseráte, thóh non nihiótʼteron Í꞉i entionkhíraʼse tsi ontheristhónni tánon iáh tahitewakwéni nahiohiaʼneréhake tsi ahitewanikonraiénthate.” Siahása tsi nahóten wahathónnionwe, wahanóton natʼkennisahátsera.

শুনুন Acts 19