<div class="version vid2345 iso6393moh" data-vid="2345" data-iso6393="moh">
 <div class="book bkACT">
 <div class="chapter ch15" data-usfm="ACT.15">
 <div class="label">15</div><div class="s1">Tsi Ronat&#700;kennis&#243;nhonne Ne Jerusalem</div><div class="p"> 1T&#243;hka nih&#225;ti ronn&#243;nkwe Judea nontah&#243;nne t&#225;non Antioch niah&#243;nne t&#225;non tahont&#225;sawen wasakotirih&#243;nnien ne iakoriwi&#700;i&#243;stons, &#8220;I&#225;h tah&#243;nton nahonsehsewani&#225;kenne t&#243;hka i&#225;h tesewatewarakw&#233;taron tsi nikariwan&#243;ntons ne Mah&#237;s raoianer&#233;nsera.&#8221; 2K&#243;r t&#225;non ne Barnabas kw&#225;h &#233;h&#700;tho tsi natathiriwatir&#243;nten k&#237;&#700; nahorih&#243;ten, s&#243;k k&#237;&#700; iatkariwai&#233;nta&#700;ne ne K&#243;r t&#225;non ne Barnabas t&#225;non &#243;&#42889;ni t&#243;hka nih&#225;ti neh n&#243;nwe ne Antioch nihatin&#225;kere Jerusalem nie&#700;h&#243;nne ronwanat&#700;k&#233;nsera ne ronteriwan&#243;t&#700;tha &#243;&#42889;ni ne rathiretsi&#225;rons rahthiriwis&#225;k&#700;kha k&#237;&#42889;ken nahorih&#243;ten.</div><div class="p"> 3Nehne iakoriwi&#700;i&#243;stons iehonwanatheni&#233;ton; t&#225;non tsi hiathiataw&#233;nrie ne Phoenicia &#243;&#42889;ni ne Samaria, wahiat&#700;r&#243;ri tsi n&#237;&#42889;ioht ne i&#225;h tehati&#700;sitae&#700;r&#243;&#42889;nons tsi tahonw&#233;takwe ne Rawenni&#42889;io; tsi wahatiriw&#225;hronke tahiak&#225;wen ne kow&#225;hnen at&#700;tsennon&#700;ni&#225;tsera ne tho&#700;nehth&#225;kwens. 4Siah&#243;nnewe ne Jerusalem, thon tahonwanar&#243;hton ne rotiriwi&#700;i&#243;stons, nehne ronteriwan&#243;t&#700;thas, &#243;&#42889;ni ne ratirets&#225;rons, t&#225;non ne K&#243;r &#243;&#42889;ni ne Barnabas kw&#225;h oriwakw&#233;kon wahiat&#700;r&#243;ri tsi nah&#243;ten sakohiotenser&#225;wi ne Rawenni&#42889;io. 5N&#243;k t&#243;hka nih&#225;ti ne tho&#700;net&#225;kwens nehne Pharisees raoti&#700;ti&#243;kwakon non nihatihi&#225;tare wahtath&#237;ta&#700;ne t&#225;non wahonn&#237;ron, &#8220;Ne i&#225;h tehati&#700;sitae&#700;r&#243;&#42889;nons &#243;nenk tsi enhonthewarakw&#233;taron t&#225;non enkaror&#237;hake nahontew&#233;nnarakwe ne Mah&#237;s raoianer&#233;nsera.&#8221;</div><div class="p"> 6Ne ronteriwan&#243;t&#700;tha &#243;&#42889;ni ne rathirets&#225;rons wahont&#700;kenn&#237;sa nahatiken&#700;&#233;n&#700;ion k&#237;&#42889;ken or&#237;hwa. 7&#211;nen kw&#225;h th&#243;h tsi nikar&#237;wes satehothiriwahw&#233;nron Ti&#233;r wahth&#225;ta&#700;ne t&#225;non wah&#233;nron, &#8220;Tewatenrohsh&#243;nhas, sewahtheri&#233;ntare &#243;nen kw&#225;h wah&#243;nnise tsi n&#225;he ne Rawenni&#42889;io tha&#700;tsiatar&#225;kwen ne sewenti&#243;kwakon nakhehiateriwan&#243;t&#700;thase ne kariw&#237;&#42889;ios ne i&#225;h tehati&#700;sitae&#700;r&#243;&#42889;nons, nah&#243;nton nah&#243;nronke t&#225;non nahontahon&#700;n&#233;takwe. 8K&#237;&#700; ne Rawenni&#42889;io tsi nik&#225;ien ne kw&#225;h nia&#700;tehionkw&#233;take sakonikonraient&#233;ri, wahr&#233;neste tsi ah&#243;nton ne i&#225;h tehati&#700;sitae&#700;ronons nahontahonn&#233;tha&#700;kwe neh tsi tasak&#225;wen ne Ronikonratok&#233;nti, kw&#225;h tsi n&#237;&#42889;i nisonkwats&#233;rase. 9I&#225;h th&#232;nen tatehot&#237;&#42889;en tsi nahthetew&#225;tere; sahsakonik&#243;nrense ne rahotiriwanerah&#225;k&#700;tseras neh tsi tahonn&#233;thakwe. 10Onh&#700;k&#225;ti, nonti&#233;ren tsi &#243;nen &#237;sewehre ahisew&#225;t&#700;kense t&#243;hka k&#233;n enhon&#225;kwen ne Rawenni&#42889;io tsi en&#700;iet&#700;tsihi&#225;ts&#700;ten ne iontientani&#225;kstha ne ratikwe&#700;k&#243;n&#700;ne, tsi n&#237;&#42889;i nihionkwahiataw&#233;&#42889;en &#243;&#42889;ni ne iet&#700;thisot&#700;thonkonk&#233;n&#42889;en i&#225;h tehionkwakw&#233;nion nahionkw&#225;&#42889;ha? 11I&#225;h! Tionkwet&#225;kwen &#243;&#42889;ni neh tsionkwaniak&#233;nton ne rahot&#233;nrat ne Roia&#42889;ner I&#233;&#42889;sos, kw&#225;h tsi n&#237;&#42889;ioht ne ronn&#243;nha.&#8221;</div><div class="p"> 12Kw&#225;h kanenrakw&#233;kon sak&#700;tahontat&#243;nni tsi wahonwanatah&#243;nsatha&#700;te ne Barnabas t&#225;non ne K&#243;r wahhiat&#700;rori&#225;nion ne ioriwanerakwath&#233;nions &#243;&#42889;ni ne ioner&#225;kwas ne Rawenni&#42889;io tsi nahaier&#225;nion tsi wasakoi&#233;nawa&#700;se nahonateriwat&#233;ntsia&#700;se tsi n&#243;nwe nihathin&#225;kere ne i&#225;h tehati&#700;sitae&#700;r&#243;&#42889;nons. 13N&#243;nen san&#237;sa tsi iatreti&#225;ronskwe, S&#225;k tahat&#225;ti: &#8220;Takwatah&#243;nsatat, tewatenros&#243;nhas! 14Simon kw&#225;h &#243;nkwak wahanikonrai&#233;nthate tsi ni&#700;iaw&#233;n&#42889;en ne kw&#225;h tsiotier&#233;nton ne Rawenni&#42889;io tsi wahsak&#243;tenre ne i&#225;h tehati&#700;sitae&#700;r&#243;&#42889;nons neh nasakohiatar&#225;ko ne ra&#243;nha raoti&#243;kwa ah&#243;nton. 15Neh rahotiwenna&#700;s&#243;nhas ne iehatiriw&#225;kenskwe kw&#225;h tahiotok&#233;nta&#700;ne tsi nik&#233;ntons k&#237;&#42889;ken. Tsi niw&#225;ton noriwatok&#233;nti,</div><div class="q"> 16&#8216;Tsi nenwat&#243;hetste k&#237;&#42889;ken, th&#243;&#700;ne t&#233;nt&#42889;ke, r&#225;thon ne Roi&#225;&#42889;ner,</div><div class="q2">t&#225;non ensek&#700;kwat&#225;ko tsi ronontihiotser&#225;ien ne T&#225;wit.</div><div class="q1">Ensek&#700;kwatakwenh&#225;ton neh ioriwent&#225;serons</div><div class="q2">t&#225;non s&#233;hkon enskesats&#700;t&#233;nseron.</div><div class="q1"> 17T&#225;non akw&#233;kon ne thi&#700;hiakotiokwat&#233;nion nonkwes&#243;nhas akonh&#225;ke nent&#700;th&#243;nne,</div><div class="q2">rathikw&#233;kon ne i&#225;h tehati&#700;sitae&#700;r&#243;&#42889;nons neh iekhen&#225;ton I&#42889;i akonkw&#233;ta enh&#243;nton.</div><div class="q"> 18Tsi nih&#225;ton ne Roi&#225;&#42889;ner, tsi nihawen&#233;ston ne wah&#243;nnise tsi n&#225;he tk&#232;nne.&#8217;</div><div class="p"> 19&#8220;Ni&#42889;i tsi n&#237;&#42889;ioht tsi kenh&#233;n&#700;hions,&#8221; ne Sak iahatas&#243;ntehren tsi r&#243;hthare, &#8220;t&#243;hsa teiet&#700;tinikonr&#225;ren ne i&#225;h tehati&#700;sitae&#700;r&#243;&#42889;nons tsi Rawenn&#237;&#42889;ioke n&#243;kwa niah&#243;nne. 20Kh&#233;k, tehiotonwenti&#243;&#700;on ne iahiet&#700;thihi&#225;tonse naiet&#700;thir&#243;ri t&#243;hsa th&#232;nen r&#243;n&#700;nek ne i&#225;h tehiot&#700;kw&#233;niens tsior&#237;hwa tsi kahiat&#243;nni konhiohest&#233;nni; 21As&#232;ken ne Mah&#237;s raoianer&#233;nsera wah&#243;nnise shi&#700;iotewennan&#243;te nononsatokent&#237;ke kw&#225;h nia&#700;tew&#233;ntake nawentathokent&#237;ke, t&#225;non ne raowenna&#243;kons kw&#225;h tsi nia&#700;tekan&#225;take tsi wateriwan&#243;te.&#8221;</div><div class="s1">Ne I&#225;h Tehati&#700;sitae&#700;r&#243;nons Ne Tho&#700;neth&#225;kwen Iahonwathihi&#225;tonse</div><div class="p"> 22Eth&#242;&#42889;ne ne ronteriwan&#243;t&#42889;thas &#243;&#42889;ni ne rathireti&#225;rons, kw&#225;h kanenrakw&#233;kon, tsi hiathotiriwai&#233;ntase n&#243;nkak ronn&#243;nkwe ahonwathihiatar&#225;ko tsi nihotiti&#243;kwa t&#225;non Antioch iahonwanat&#243;ri sk&#225;tke ne K&#243;r t&#225;non ne Barnabas. Tenihi&#225;se wahonwathihiatar&#225;ko nehne kw&#225;h &#233;hneken tsi nihonwathikweni&#233;nstha ne thonnet&#225;kwen, Judas, neh ronwanath&#243;nkwa ne Barsabbas, t&#225;non ne Silas, 23T&#225;non ken nikawenn&#243;ten tsi iahonwathihi&#225;tonse:</div><div class="pi">&#8220;&#205;&#42889;i ne iakwateriwan&#243;t&#700;tha &#243;&#42889;ni ne rathireti&#225;rons, sewatatekenok&#243;nhas, kw&#225;h shewakw&#233;kon nonkwatatek&#233;nseras ne i&#225;h tehati&#700;sitae&#700;r&#243;&#42889;nons tsi ronahnaker&#225;ton tehiakhi&#700;nonwer&#225;tons tsi nih&#225;ti neh tho&#700;n&#243;nwe nihatin&#225;kere ne Antioch &#243;&#42889;ni ne Syria &#243;&#42889;ni ne Cilicia. 24Wahakwariw&#225;ronke &#243;nkak tsi nih&#225;ti nonkwenti&#243;kwakon th&#243;h niehon&#233;hnon t&#225;non watsi&#700;tsinikonr&#225;ren &#243;&#42889;ni wahitsinikonrakar&#233;wa&#700;te tsi nah&#243;ten wahonn&#237;ron; kw&#225;h i&#225;h th&#232;nen tehiakiriw&#225;wi neh th&#243;h nahat&#237;&#700;iere. 25Kw&#225;h k&#225;ti wahakwat&#700;kenn&#237;sa t&#225;non iakwakw&#233;kon iationkwariwai&#233;nta&#700;se n&#243;nkak ahiakihiatar&#225;ko &#243;&#42889;ni ne iahiat&#700;khihiat&#233;nie&#700;te ne iahathiriw&#233;nhawe. Neh enhonter&#243;sen neh kw&#225;h onkwaterohseran&#243;rons Barnabas t&#225;non ne K&#243;r, 26th&#243;h nonn&#225;hrakwe tsi ronwahi&#243;tense ne Sonkwai&#225;&#42889;ner I&#233;&#42889;sos Ker&#237;stos. 27Iahakihiat&#233;nie&#700;the, ne Judas &#243;&#42889;ni ne Silas, kw&#225;h ronn&#243;nha en&#700;iet&#700;tsir&#243;ri tsi nah&#243;ten ne ionkwahi&#225;ton. 28Ne Ronikonratok&#233;nti t&#225;non nonkw&#225;tiake kw&#225;h neh sahonkwanik&#243;nra neh t&#243;hsa s&#233;nha th&#232;nen ahonsakw&#225;ts&#700;then neh &#243;hia nahorihot&#233;nsons nek kh&#243;k: 29t&#243;hsa th&#232;nen isewak tsi nah&#243;ten ne kahiatonni konhiohestenni; t&#243;hsa &#237;sewak nonekw&#233;nsa; t&#243;hsa th&#232;nen sewahw&#225;rak ne wathoriohth&#225;kwen; t&#225;non sewahtaten&#243;nstat tsi n&#242;kwa ne kent&#233;tsera. Kw&#225;h ensewahianer&#225;sten t&#243;hka i&#225;h kentsia&#700;isew&#225;iere kinahorihot&#233;nsons. Kw&#225;h teraswi&#700;iost&#233;nnis.&#8221;</div><div class="p"> 30Neh rathiriw&#233;nhawe iahonwanat&#233;niethe Antioch niah&#243;nne, th&#243;h n&#243;nwe kw&#225;h rathikw&#233;kon ne thonet&#225;kwen sk&#225;t&#700;ke wahontiatar&#243;hroke t&#225;non tahonw&#233;nnon ne kahiat&#243;nsera. 31N&#243;nen nonkwes&#243;nhas sahatiwennanot&#225;ko, kw&#225;h wahatihiat&#225;na&#700;ne tsi nahontsenn&#243;nni t&#225;non tsi nikarih&#243;ten wahotinikonran&#237;rate. 32Judas t&#225;non ne Silas, rohn&#243;nha &#243;&#42889;ni ne ieniriw&#225;kens, kw&#225;h kar&#237;hwes tsi sk&#225;t&#700;ne wahathitsi&#233;nhaien, wasakotinikonran&#237;ra&#700;te &#243;&#42889;ni wasakothisatst&#233;nseron. 33&#211;nen kw&#225;h ken&#700;nikar&#237;wes th&#243;h sh&#233;nes, neh thonet&#225;kwens hionsahonwanath&#233;niete tsi tat&#237;terons ne thonwanatheni&#233;ton. 34N&#243;k ne Silas hiathoriwai&#233;ntase ne th&#243;h n&#243;nwe nar&#233;seke.</div><div class="p"> 35K&#243;r t&#225;non ne Barnabas kw&#225;h th&#243;h tsi nikar&#237;wes eh&#700;niter&#243;ntakwe ne Antioch, t&#225;non sk&#225;t&#700;ke ne ronatsiakh&#233;sons wahsakotirih&#243;n&#700;nien &#243;&#42889;ni wahonteriwan&#243;ten ne Roi&#225;&#42889;ner rahowennah&#243;kons.</div><div class="s1">K&#243;r T&#225;non Ne Barnabas Wahthiatekh&#225;shion</div><div class="p"> 36Kw&#225;h ken&#700;n&#225;he onak&#233;nke ne K&#243;r wahaw&#233;nhase ne Barnabas, &#8220;&#193;nion th&#243;h iets&#237;tene tse&#700;thinathar&#233;nsera ne thonet&#225;kwens kw&#225;h tsi nia&#700;tekan&#225;takes iehiontiateriwan&#243;the ne Roi&#225;&#42889;ner rahowennah&#243;kons, t&#225;non enteniriwat&#700;ts&#233;nri onihio&#700;thonh&#225;tie ne ron&#243;nha.&#8221; 37Ne Barnabas r&#233;hrakwe Saw&#225;tis Mark iahohiat&#233;nhawe, 38n&#243;k ne K&#243;r i&#225;h neh tehaw&#233;ron tkariwai&#233;ri ne iahonwahiat&#233;nhawe, tsior&#237;hwa tsi i&#225;h tehathikwekonh&#225;tieskwe san&#237;sa ne rahothihiot&#233;nsera, n&#243;k s&#243;k&#700;thon t&#225;non iathesakohi&#225;tiste ne Pamphylia n&#243;nwe. 39Kw&#225;h th&#243;h tsi nathiriwak&#233;&#42889;nha, t&#225;non wahthiatekh&#225;shion: Barnabas wahiater&#243;hsen ne Mark t&#225;non wahiat&#700;tsir&#243;hten Cyprus niah&#225;ne, 40n&#243;k ne K&#243;r, Silas nenne wahiater&#243;hsen t&#225;non wahiat&#233;nti Antioch nions&#225;ne, tsi n&#243;nwe thon wathir&#237;honte t&#225;non &#243;&#42889;ni neh wahotin&#243;nsta&#700;ne ne Roi&#225;&#42889;ner raot&#233;nrat. 41Syria t&#225;non Cilicia iahiath&#243;hetste, sakothisatstenserawih&#225;ties ne onkwes&#243;nhas.</div>
 </div>
 </div>
</div>

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.

Tóhka niháti ronnónkwe Judea nontahónne tánon Antioch niahónne tánon tahontásawen wasakotirihónnien ne iakoriwiʼióstons, “Iáh tahónton nahonsehsewaniákenne tóhka iáh tesewatewarakwétaron tsi nikariwanóntons ne Mahís raoianerénsera.” Kór tánon ne Barnabas kwáh éhʼtho tsi natathiriwatirónten kíʼ nahorihóten, sók kíʼ iatkariwaiéntaʼne ne Kór tánon ne Barnabas tánon ó꞉ni tóhka niháti neh nónwe ne Antioch nihatinákere Jerusalem nieʼhónne ronwanatʼkénsera ne ronteriwanótʼtha ó꞉ni ne rathiretsiárons rahthiriwisákʼkha kí꞉ken nahorihóten.
Nehne iakoriwiʼióstons iehonwanatheniéton; tánon tsi hiathiatawénrie ne Phoenicia ó꞉ni ne Samaria, wahiatʼróri tsi ní꞉ioht ne iáh tehatiʼsitaeʼró꞉nons tsi tahonwétakwe ne Rawenni꞉io; tsi wahatiriwáhronke tahiakáwen ne kowáhnen atʼtsennonʼniátsera ne thoʼnehthákwens. Siahónnewe ne Jerusalem, thon tahonwanaróhton ne rotiriwiʼióstons, nehne ronteriwanótʼthas, ó꞉ni ne ratiretsárons, tánon ne Kór ó꞉ni ne Barnabas kwáh oriwakwékon wahiatʼróri tsi nahóten sakohiotenseráwi ne Rawenni꞉io. Nók tóhka niháti ne thoʼnetákwens nehne Pharisees raotiʼtiókwakon non nihatihiátare wahtathítaʼne tánon wahonníron, “Ne iáh tehatiʼsitaeʼró꞉nons ónenk tsi enhonthewarakwétaron tánon enkaroríhake nahontewénnarakwe ne Mahís raoianerénsera.”
Ne ronteriwanótʼtha ó꞉ni ne rathiretsárons wahontʼkennísa nahatikenʼénʼion kí꞉ken oríhwa. Ónen kwáh thóh tsi nikaríwes satehothiriwahwénron Tiér wahthátaʼne tánon wahénron, “Tewatenrohshónhas, sewahtheriéntare ónen kwáh wahónnise tsi náhe ne Rawenni꞉io thaʼtsiatarákwen ne sewentiókwakon nakhehiateriwanótʼthase ne kariwí꞉ios ne iáh tehatiʼsitaeʼró꞉nons, nahónton nahónronke tánon nahontahonʼnétakwe. Kíʼ ne Rawenni꞉io tsi nikáien ne kwáh niaʼtehionkwétake sakonikonraientéri, wahréneste tsi ahónton ne iáh tehatiʼsitaeʼronons nahontahonnéthaʼkwe neh tsi tasakáwen ne Ronikonratokénti, kwáh tsi ní꞉i nisonkwatsérase. Iáh thènen tatehotí꞉en tsi nahthetewátere; sahsakonikónrense ne rahotiriwanerahákʼtseras neh tsi tahonnéthakwe. Onhʼkáti, nontiéren tsi ónen ísewehre ahisewátʼkense tóhka kén enhonákwen ne Rawenni꞉io tsi enʼietʼtsihiátsʼten ne iontientaniákstha ne ratikweʼkónʼne, tsi ní꞉i nihionkwahiatawé꞉en ó꞉ni ne ietʼthisotʼthonkonkén꞉en iáh tehionkwakwénion nahionkwá꞉ha? Iáh! Tionkwetákwen ó꞉ni neh tsionkwaniakénton ne rahoténrat ne Roia꞉ner Ié꞉sos, kwáh tsi ní꞉ioht ne ronnónha.”
Kwáh kanenrakwékon sakʼtahontatónni tsi wahonwanatahónsathaʼte ne Barnabas tánon ne Kór wahhiatʼroriánion ne ioriwanerakwathénions ó꞉ni ne ionerákwas ne Rawenni꞉io tsi nahaieránion tsi wasakoiénawaʼse nahonateriwaténtsiaʼse tsi nónwe nihathinákere ne iáh tehatiʼsitaeʼró꞉nons. Nónen sanísa tsi iatretiáronskwe, Sák tahatáti: “Takwatahónsatat, tewatenrosónhas! Simon kwáh ónkwak wahanikonraiénthate tsi niʼiawén꞉en ne kwáh tsiotierénton ne Rawenni꞉io tsi wahsakótenre ne iáh tehatiʼsitaeʼró꞉nons neh nasakohiataráko ne raónha raotiókwa ahónton. Neh rahotiwennaʼsónhas ne iehatiriwákenskwe kwáh tahiotokéntaʼne tsi nikéntons kí꞉ken. Tsi niwáton noriwatokénti,
‘Tsi nenwatóhetste kí꞉ken, thóʼne tént꞉ke, ráthon ne Roiá꞉ner,
tánon ensekʼkwatáko tsi ronontihiotseráien ne Táwit.
Ensekʼkwatakwenháton neh ioriwentáserons
tánon séhkon enskesatsʼténseron.
Tánon akwékon ne thiʼhiakotiokwaténion nonkwesónhas akonháke nentʼthónne,
rathikwékon ne iáh tehatiʼsitaeʼró꞉nons neh iekhenáton I꞉i akonkwéta enhónton.
Tsi niháton ne Roiá꞉ner, tsi nihawenéston ne wahónnise tsi náhe tkènne.’
“Ni꞉i tsi ní꞉ioht tsi kenhénʼhions,” ne Sak iahatasóntehren tsi róhthare, “tóhsa teietʼtinikonráren ne iáh tehatiʼsitaeʼró꞉nons tsi Rawenní꞉ioke nókwa niahónne. Khék, tehiotonwentióʼon ne iahietʼthihiátonse naietʼthiróri tóhsa thènen rónʼnek ne iáh tehiotʼkwéniens tsioríhwa tsi kahiatónni konhiohesténni; Asèken ne Mahís raoianerénsera wahónnise shiʼiotewennanóte nononsatokentíke kwáh niaʼtewéntake nawentathokentíke, tánon ne raowennaókons kwáh tsi niaʼtekanátake tsi wateriwanóte.”

Ethò꞉ne ne ronteriwanót꞉thas ó꞉ni ne rathiretiárons, kwáh kanenrakwékon, tsi hiathotiriwaiéntase nónkak ronnónkwe ahonwathihiataráko tsi nihotitiókwa tánon Antioch iahonwanatóri skátke ne Kór tánon ne Barnabas. Tenihiáse wahonwathihiataráko nehne kwáh éhneken tsi nihonwathikweniénstha ne thonnetákwen, Judas, neh ronwanathónkwa ne Barsabbas, tánon ne Silas, Tánon ken nikawennóten tsi iahonwathihiátonse:
“Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia. Wahakwariwáronke ónkak tsi niháti nonkwentiókwakon thóh niehonéhnon tánon watsiʼtsinikonráren ó꞉ni wahitsinikonrakaréwaʼte tsi nahóten wahonníron; kwáh iáh thènen tehiakiriwáwi neh thóh nahatíʼiere. Kwáh káti wahakwatʼkennísa tánon iakwakwékon iationkwariwaiéntaʼse nónkak ahiakihiataráko ó꞉ni ne iahiatʼkhihiaténieʼte ne iahathiriwénhawe. Neh enhonterósen neh kwáh onkwaterohseranórons Barnabas tánon ne Kór, thóh nonnáhrakwe tsi ronwahiótense ne Sonkwaiá꞉ner Ié꞉sos Kerístos. Iahakihiaténieʼthe, ne Judas ó꞉ni ne Silas, kwáh ronnónha enʼietʼtsiróri tsi nahóten ne ionkwahiáton. Ne Ronikonratokénti tánon nonkwátiake kwáh neh sahonkwanikónra neh tóhsa sénha thènen ahonsakwátsʼthen neh óhia nahorihoténsons nek khók: tóhsa thènen isewak tsi nahóten ne kahiatonni konhiohestenni; tóhsa ísewak nonekwénsa; tóhsa thènen sewahwárak ne wathoriohthákwen; tánon sewahtatenónstat tsi nòkwa ne kentétsera. Kwáh ensewahianerásten tóhka iáh kentsiaʼisewáiere kinahorihoténsons. Kwáh teraswiʼiosténnis.”
Neh rathiriwénhawe iahonwanaténiethe Antioch niahónne, thóh nónwe kwáh rathikwékon ne thonetákwen skátʼke wahontiataróhroke tánon tahonwénnon ne kahiatónsera. Nónen nonkwesónhas sahatiwennanotáko, kwáh wahatihiatánaʼne tsi nahontsennónni tánon tsi nikarihóten wahotinikonranírate. Judas tánon ne Silas, rohnónha ó꞉ni ne ieniriwákens, kwáh karíhwes tsi skátʼne wahathitsiénhaien, wasakotinikonraníraʼte ó꞉ni wasakothisatsténseron. Ónen kwáh kenʼnikaríwes thóh shénes, neh thonetákwens hionsahonwanathéniete tsi tatíterons ne thonwanatheniéton. Nók ne Silas hiathoriwaiéntase ne thóh nónwe naréseke.
Kór tánon ne Barnabas kwáh thóh tsi nikaríwes ehʼniteróntakwe ne Antioch, tánon skátʼke ne ronatsiakhésons wahsakotirihónʼnien ó꞉ni wahonteriwanóten ne Roiá꞉ner rahowennahókons.

Kwáh kenʼnáhe onakénke ne Kór wahawénhase ne Barnabas, “Ánion thóh ietsítene tseʼthinatharénsera ne thonetákwens kwáh tsi niaʼtekanátakes iehiontiateriwanóthe ne Roiá꞉ner rahowennahókons, tánon enteniriwatʼtsénri onihioʼthonhátie ne ronónha.” Ne Barnabas réhrakwe Sawátis Mark iahohiaténhawe, nók ne Kór iáh neh tehawéron tkariwaiéri ne iahonwahiaténhawe, tsioríhwa tsi iáh tehathikwekonhátieskwe sanísa ne rahothihioténsera, nók sókʼthon tánon iathesakohiátiste ne Pamphylia nónwe. Kwáh thóh tsi nathiriwaké꞉nha, tánon wahthiatekháshion: Barnabas wahiateróhsen ne Mark tánon wahiatʼtsiróhten Cyprus niaháne, nók ne Kór, Silas nenne wahiateróhsen tánon wahiaténti Antioch nionsáne, tsi nónwe thon wathiríhonte tánon ó꞉ni neh wahotinónstaʼne ne Roiá꞉ner raoténrat. Syria tánon Cilicia iahiathóhetste, sakothisatstenserawiháties ne onkwesónhas.

শুনুন Acts 15