<div class="version vid2084 iso6393crk" data-vid="2084" data-iso6393="crk">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="p"> 1micim&#257;c ohci kis&#275;manito ki osiht&#257;w kisik mina aski. 2anima aski namawiya ki kiskinaw&#257;sin&#257;kwan mina ki pisisikw&#257;w; &#275;kosi wanitipisk&#257;w ki ay&#257;w timihk; &#275;kosi ot ahc&#257;hkwa kis&#275;manito ki pap&#257; sow&#257;k&#275;yiwa &#275; waskitip&#275;y&#257;ki nipiya. 3#2 karintiyana 4:6kis&#275;manito m&#257;ka ki itw&#275;w, m&#257;hti kita w&#257;s&#275;y&#257;w; &#275;kosi ki w&#257;s&#275;y&#257;w. 4kis&#275;manito m&#257;ka ki w&#257;pahtam w&#257;s&#275;yaw &#275; miyw&#257;siniyik; &#275;kosi kis&#275;manito ki piskihtinam w&#257;s&#275;y&#257;w wanitipisk&#257;w ohci. 5kis&#275;manito mina &#275; w&#257;s&#275;y&#257;yik kisik&#257;w ki isiyihk&#257;tam, &#275;kosi &#275; wanitipisk&#257;yik tipisk&#257;w ki isiyihk&#257;tam; &#275;wako &#275; ot&#257;kosik mina &#275; k&#275;kis&#275;p&#257;y&#257;k nistam &#275; ki kisik&#257;k.</div><div class="p"> 6 # 
 2 pitar 3:5
 &#275;kosi kis&#275;manito ki itw&#275;w, kiy&#257;m kita ihtakwan &#275; nay&#275;watakot&#275;k m&#275;kw&#257;c nipihk, &#275;kosi kita ohci piskihtinik&#257;t&#275;ki nipiya nipihk ohci. 7kis&#275;manito m&#257;ka ki osiht&#257;w &#275; nay&#275;watakot&#275;k, &#275;kosi ki piskihtinam anihi nipiya sip&#257; k&#257; nay&#275;watakot&#275;k k&#257; ay&#257;ki, anihi nipiya ohci ispimihk isi k&#257; nay&#275;watakot&#275;k k&#257; ay&#257;ki; &#275;kosi m&#257;ka ki ihkin. 8&#275;kosi kis&#275;manito k&#257; nay&#275;watakot&#275;k kisik ki isiyihk&#257;tam. &#275;wako &#275; ot&#257;kosik mina &#275; k&#275;kis&#275;p&#257;y&#257;k nisw&#257;w &#275; ki kisik&#257;k.</div><div class="p"> 9mina kis&#275;manito ki itw&#275;w, m&#257;hti nipiya sip&#257; kisikohk k&#257; ay&#257;ki p&#275;yakwanohk kita m&#257;wasakopayiwa mina kiy&#257;m anima p&#257;kwaskamik kita nokwan; &#275;kosi ki ihkin. 10mina kis&#275;manito aski ki isiyihk&#257;tam anima p&#257;kwaskamik; mina &#275; ki m&#257;mawipayiki nipiya kihcikami ki isiyihk&#257;tam; &#275;kosi kis&#275;manito ki w&#257;pahtam &#275;wakw&#275;yiw &#275; miyw&#257;siniyik. 11mina kis&#275;manito ki itw&#275;w, m&#257;hti aski kita niht&#257;wikiht&#257;makan maskosiya, mina minis&#257;htik mina k&#257; s&#257;kaskik k&#275; niht&#257;wikihcik&#275;makahk k&#275; minisiwit &#275; towik&#257;niwit, tipiyaw k&#275; niht&#257;wikihisot askihk; &#275;kosi ki ihkin. 12&#275;kosi aski ki niht&#257;wikiht&#257;makan maskosiya, mina k&#257; s&#257;kaskik k&#257; niht&#257;wikicik&#275;makahk &#275; towik&#257;niwik, mina mistik k&#257; minisiwit tipiyaw k&#257; niht&#257;wikiisot, &#275; towik&#257;niwit; &#275;kosi kis&#275;manito ki w&#257;pahtam &#275; miyw&#257;sik. 13&#275;wako &#275; ot&#257;kosik mina &#275; k&#275;kis&#275;p&#257;y&#257;k nistw&#257;w &#275; ki kisik&#257;k.</div><div class="p"> 14mina kis&#275;manito ki itw&#275;w, m&#257;hti kita ay&#257;wak k&#275; w&#257;s&#275;y&#257;sik&#275;cik &#275; nay&#275;watakot&#275;k kisik, kita piskihtinik&#257;tik kisik&#257;w tipisk&#257;hk ohci; kiy&#257;m m&#257;ka &#275;wakonik kita kiskinaw&#257;cihcikaniwiwak mina kita ohci &#257;yispit&#257;wahk, mina kita kakisik&#257;k, mina kita ayaskiwahk; 15kiy&#257;m m&#257;ka &#275;wakonik kita w&#257;sisowak &#275;kota &#275; nay&#275;watakot&#275;k kisik kita was&#275;skakik aski; &#275;kosi m&#257;ka ki ihkin. 16&#275;kosi kis&#275;manito ki osih&#275;w niso &#275; kihci w&#257;sisoyit; ana ayiw&#257;k k&#257; kihk&#257;y&#257;saw&#275;t kita tip&#275;yihtahk kisik&#257;w, ana m&#257;ka nohtaw k&#257; ispit&#257;saw&#275;t kita tip&#275;yihtahk tipisk&#257;w; acahkosa mina ki osih&#275;w. 17kis&#275;manito m&#257;ka ki ay&#275;w nay&#275;waci kisikohk kita w&#257;s&#275;skakik aski. 18kita tip&#275;yihtakik kisik&#257;w mina tipisk&#257;w, kita piskihtinakik w&#257;s&#275;y&#257;w wanitipisk&#257;w ohci; &#275;kosi kis&#275;manito ki w&#257;pahtam &#275; miyw&#257;sik. 19&#275;wako &#275; ot&#257;kosik mina &#275; k&#275;kis&#275;p&#257;y&#257;k n&#275;w&#257;w &#275; ki kisik&#257;k.</div><div class="p"> 20mina kis&#275;manito ki itw&#275;w, m&#257;hti anihi nipiya kita w&#275;yoci niht&#257;wikih&#275;wak anihi osihcikana &#275; waskawiyit mina &#275; pim&#257;tisiyit, mina k&#275; pap&#257;miy&#257;t askihk ispimihk isi nay&#275;wacikisikohk. 21&#275;kosi kis&#275;manito ki osih&#275;w kihci w&#257;pam&#275;kwa, mina k&#257; itasit osihcikan k&#257; waskawit anita nipihk k&#257; ohci w&#275;yoci niht&#257;wikicik, &#275; towik&#257;niwicik, mina k&#257; watahtahkwanit &#275; towik&#257;niwit; &#275;kosi kis&#275;manito ki w&#257;pahtam &#275; miyw&#257;sik. 22&#275;kosi kis&#275;manito ki saw&#275;yim&#275;w, &#275; itw&#275;t, wi miyo niht&#257;wikihitok mina wi mihc&#275;tik, mina s&#257;kaskinaht&#257;k nipiya kihcikamihk, mina kiy&#257;m k&#257; pap&#257;miy&#257;k kita wi mihc&#275;tiw askihk. 23&#275;wako &#275; ot&#257;kosik mina &#275; k&#275;kis&#275;p&#257;y&#257;k niy&#257;nanw&#257;w &#275; ki kisik&#257;k.</div><div class="p"> 24mina kis&#275;manito ki itw&#275;w, m&#257;hti aski kita niht&#257;wikiht&#257;makan &#275; pim&#257;tisiyit osihcikana &#275; towik&#257;niwiyit, awak&#257;n mina k&#275; pimit&#257;cimocik, mina askiwi pisiskiw &#275; towik&#257;niwit; &#275;kosi m&#257;ka ki ihkin. 25&#275;kosi m&#257;ka kis&#275;manito ki osih&#275;w askiwi pisiskiwa &#275; towik&#257;niwiyit mina awak&#257;na k&#257; towik&#257;niwiyit, mina kahkiyaw k&#257; pap&#257;mit&#257;cimot askihk &#275; towik&#257;niwit; &#275;kosi kis&#275;manito ki w&#257;pahtam &#275; miyw&#257;sik. 26#1 karintiyana 11:7mina kis&#275;manito ki itw&#275;w, m&#257;hti osih&#257;t&#257;n ayisiyiniw kit isin&#257;kosiwinin&#257;hk kita naspit&#257;koyahk, mina kiy&#257;m wiyaw&#257;w kita tip&#275;yim&#275;wak kinos&#275;wa kihcikamihk mina piy&#275;sisa, mina awak&#257;na, mina kahkiyaw aski; mina tahto k&#257; pap&#257;mit&#257;cimocik waskitaskamik. 27#c&#275;nisis 5:1,2#m&#257;tyo 19:4; m&#257;rk 10:6&#275;kosi kis&#275;manito ki osih&#275;w ayisiyiniwa wiya ot isin&#257;kosiwinihk, kis&#275;manito ot isin&#257;kosiwinihk ki isi osih&#275;w; n&#257;p&#275;waya mina iskw&#275;waya ki isi osih&#275;w. 28&#275;kosi kis&#275;manito ki saw&#275;yim&#275;w mina kis&#275;manito omisi ki it&#275;w, wi miyo niht&#257;wikihitok mina wi mihc&#275;tik, mina s&#257;kaskinaht&#257;k aski mina s&#257;kot&#257;k, mina tip&#275;yimihkok kinos&#275;wak kihcikamihk, mina piy&#275;sisa k&#257; pap&#257;mih&#257;cik, mina tahto k&#275;kway k&#257; pim&#257;tahk k&#257; waskawit&#257;m&#257;kahk waskitaskamik. 29kis&#275;manito m&#257;ka ki itw&#275;w, cist, ki ki miyitin&#257;w&#257;w k&#257; itahto s&#257;kaskik k&#257; niht&#257;wikihcik&#275;makahk waskic misiw&#275; askihk k&#257; ay&#257;k, mina k&#257; itatw&#257;skosit mistik, ana mistik k&#257; niht&#257;wikiht&#257;t minisa; kiyaw&#257;w ki ka o miciwinin&#257;w&#257;w. 30mina k&#257; itasit pisiskiw askihk k&#257; ay&#257;t, mina k&#257; itahto pap&#257;mih&#257;t, mina k&#257; itasit k&#257; pap&#257;mit&#257;cimot askihk k&#257; pim&#257;tisit, ki ki miyitin&#257;w&#257;w k&#257; itahto os&#257;waskwaskik k&#257; s&#257;kaskik kita o miciwiniy&#275;k; &#275;kosi m&#257;ka ki ihkin. 31kis&#275;manito m&#257;ka ki w&#257;pahtam tahto k&#275;kway k&#257; ki osiht&#257;t, cist m&#257;ka, naspic ki miyw&#257;sin. &#275;wako &#275; ot&#257;kosik mina &#275; k&#275;kis&#275;p&#257;y&#257;k nikotw&#257;sikw&#257;w &#275; ki kisik&#257;k.</div>
 </div>
 </div>
</div>

This Bible text is a transliteration of a corrected edition of the 1908 Western Cree Bible; it is in the public domain.

micimāc ohci kisēmanito ki osihtāw kisik mina aski. anima aski namawiya ki kiskinawāsinākwan mina ki pisisikwāw; ēkosi wanitipiskāw ki ayāw timihk; ēkosi ot ahcāhkwa kisēmanito ki papā sowākēyiwa ē waskitipēyāki nipiya. kisēmanito māka ki itwēw, māhti kita wāsēyāw; ēkosi ki wāsēyāw. kisēmanito māka ki wāpahtam wāsēyaw ē miywāsiniyik; ēkosi kisēmanito ki piskihtinam wāsēyāw wanitipiskāw ohci. kisēmanito mina ē wāsēyāyik kisikāw ki isiyihkātam, ēkosi ē wanitipiskāyik tipiskāw ki isiyihkātam; ēwako ē otākosik mina ē kēkisēpāyāk nistam ē ki kisikāk.
ēkosi kisēmanito ki itwēw, kiyām kita ihtakwan ē nayēwatakotēk mēkwāc nipihk, ēkosi kita ohci piskihtinikātēki nipiya nipihk ohci. kisēmanito māka ki osihtāw ē nayēwatakotēk, ēkosi ki piskihtinam anihi nipiya sipā kā nayēwatakotēk kā ayāki, anihi nipiya ohci ispimihk isi kā nayēwatakotēk kā ayāki; ēkosi māka ki ihkin. ēkosi kisēmanito kā nayēwatakotēk kisik ki isiyihkātam. ēwako ē otākosik mina ē kēkisēpāyāk niswāw ē ki kisikāk.
mina kisēmanito ki itwēw, māhti nipiya sipā kisikohk kā ayāki pēyakwanohk kita māwasakopayiwa mina kiyām anima pākwaskamik kita nokwan; ēkosi ki ihkin. mina kisēmanito aski ki isiyihkātam anima pākwaskamik; mina ē ki māmawipayiki nipiya kihcikami ki isiyihkātam; ēkosi kisēmanito ki wāpahtam ēwakwēyiw ē miywāsiniyik. mina kisēmanito ki itwēw, māhti aski kita nihtāwikihtāmakan maskosiya, mina minisāhtik mina kā sākaskik kē nihtāwikihcikēmakahk kē minisiwit ē towikāniwit, tipiyaw kē nihtāwikihisot askihk; ēkosi ki ihkin. ēkosi aski ki nihtāwikihtāmakan maskosiya, mina kā sākaskik kā nihtāwikicikēmakahk ē towikāniwik, mina mistik kā minisiwit tipiyaw kā nihtāwikiisot, ē towikāniwit; ēkosi kisēmanito ki wāpahtam ē miywāsik. ēwako ē otākosik mina ē kēkisēpāyāk nistwāw ē ki kisikāk.
mina kisēmanito ki itwēw, māhti kita ayāwak kē wāsēyāsikēcik ē nayēwatakotēk kisik, kita piskihtinikātik kisikāw tipiskāhk ohci; kiyām māka ēwakonik kita kiskinawācihcikaniwiwak mina kita ohci āyispitāwahk, mina kita kakisikāk, mina kita ayaskiwahk; kiyām māka ēwakonik kita wāsisowak ēkota ē nayēwatakotēk kisik kita wasēskakik aski; ēkosi māka ki ihkin. ēkosi kisēmanito ki osihēw niso ē kihci wāsisoyit; ana ayiwāk kā kihkāyāsawēt kita tipēyihtahk kisikāw, ana māka nohtaw kā ispitāsawēt kita tipēyihtahk tipiskāw; acahkosa mina ki osihēw. kisēmanito māka ki ayēw nayēwaci kisikohk kita wāsēskakik aski. kita tipēyihtakik kisikāw mina tipiskāw, kita piskihtinakik wāsēyāw wanitipiskāw ohci; ēkosi kisēmanito ki wāpahtam ē miywāsik. ēwako ē otākosik mina ē kēkisēpāyāk nēwāw ē ki kisikāk.
mina kisēmanito ki itwēw, māhti anihi nipiya kita wēyoci nihtāwikihēwak anihi osihcikana ē waskawiyit mina ē pimātisiyit, mina kē papāmiyāt askihk ispimihk isi nayēwacikisikohk. ēkosi kisēmanito ki osihēw kihci wāpamēkwa, mina kā itasit osihcikan kā waskawit anita nipihk kā ohci wēyoci nihtāwikicik, ē towikāniwicik, mina kā watahtahkwanit ē towikāniwit; ēkosi kisēmanito ki wāpahtam ē miywāsik. ēkosi kisēmanito ki sawēyimēw, ē itwēt, wi miyo nihtāwikihitok mina wi mihcētik, mina sākaskinahtāk nipiya kihcikamihk, mina kiyām kā papāmiyāk kita wi mihcētiw askihk. ēwako ē otākosik mina ē kēkisēpāyāk niyānanwāw ē ki kisikāk.
mina kisēmanito ki itwēw, māhti aski kita nihtāwikihtāmakan ē pimātisiyit osihcikana ē towikāniwiyit, awakān mina kē pimitācimocik, mina askiwi pisiskiw ē towikāniwit; ēkosi māka ki ihkin. ēkosi māka kisēmanito ki osihēw askiwi pisiskiwa ē towikāniwiyit mina awakāna kā towikāniwiyit, mina kahkiyaw kā papāmitācimot askihk ē towikāniwit; ēkosi kisēmanito ki wāpahtam ē miywāsik. mina kisēmanito ki itwēw, māhti osihātān ayisiyiniw kit isinākosiwinināhk kita naspitākoyahk, mina kiyām wiyawāw kita tipēyimēwak kinosēwa kihcikamihk mina piyēsisa, mina awakāna, mina kahkiyaw aski; mina tahto kā papāmitācimocik waskitaskamik. ēkosi kisēmanito ki osihēw ayisiyiniwa wiya ot isinākosiwinihk, kisēmanito ot isinākosiwinihk ki isi osihēw; nāpēwaya mina iskwēwaya ki isi osihēw. ēkosi kisēmanito ki sawēyimēw mina kisēmanito omisi ki itēw, wi miyo nihtāwikihitok mina wi mihcētik, mina sākaskinahtāk aski mina sākotāk, mina tipēyimihkok kinosēwak kihcikamihk, mina piyēsisa kā papāmihācik, mina tahto kēkway kā pimātahk kā waskawitāmākahk waskitaskamik. kisēmanito māka ki itwēw, cist, ki ki miyitināwāw kā itahto sākaskik kā nihtāwikihcikēmakahk waskic misiwē askihk kā ayāk, mina kā itatwāskosit mistik, ana mistik kā nihtāwikihtāt minisa; kiyawāw ki ka o miciwinināwāw. mina kā itasit pisiskiw askihk kā ayāt, mina kā itahto papāmihāt, mina kā itasit kā papāmitācimot askihk kā pimātisit, ki ki miyitināwāw kā itahto osāwaskwaskik kā sākaskik kita o miciwiniyēk; ēkosi māka ki ihkin. kisēmanito māka ki wāpahtam tahto kēkway kā ki osihtāt, cist māka, naspic ki miywāsin. ēwako ē otākosik mina ē kēkisēpāyāk nikotwāsikwāw ē ki kisikāk.

Listen to cēnisis 1