Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesu itokaia</div><div class="r">(Md 28.1-10; Mk 16.1-8; Yn 20.1-10)</div><div class="p"> 1Obulubuvisiga Sunday minasina vivila ilosi wa laka, ilauwaisi bulami leikatubiasaisi. 2E ibanaisi dakuna bogwa ikanuwada metoya wa laka. 3Mitaga tutala isuvisi gala ibanaisi wowola. 4Saina ininayuwasi paila baisa, e ka! taiyu tauwau itotusi otalisi minasina, kasi kwama yaguyugwayu sainela. 5Ikokolasi, ikululusi, e migisi opwaipwaia, e tauwau ilukwaisi minasina, kawasi, &#8220;Veve! Avaka paila kunainevisi tomomova oluwalaisi tomata? 6Gala isisu baisa. Bogwa eitokaia imovavau. Kululuwaisi ammakawala ilukwaimi tutala isisu Galili, #Md 16.21; 17.22-23; 20.18-19; Mk 8.31; 9.31; 10.33-34; Lk 9.22; 18.31-33 7kawala, &#8216;Ibodi bikasalaigusi yeigu Latula Tomota oyumasi tomitugaga, bikatukorosaigusi, e yam kwaitolula batokaia bamovavau goli.&#8217;&#8221; </div><div class="p"> 8E vivila iluluwaisi la biga, 9ikaimilavausi metoyasi wa laka, isalaisi komwaidona vavagi makwaisina baisa matausina tailuwotala taitala deli baisa sesia komwaidosi. 10Minasina ilivalasi makawala baisa aposetolo#Kugisi makasana Biga Kala Katumiki. igasi Meri Magidalini sola Yowana toyo Meri Yemesa inala toyo mimilisi tuvaila. 11Mitaga idokaisi biga mabigasina bigimakava wala; e gala idubumaisi minasina. 12Mitaga#Mitaga. Mimilisi buki pilabubogwa gala wala iginisi mailela 12. Pita itokaia, isakaula ila wa laka. Ikululu itadoyai olumoulela, e igisi karekwa yapupwakau yaminabwaita e gala avaka tuvaila. E isilavi ikaimilavau ola bwala, e itutu wowola paila avaka bogwa leikaloubusi.</div><div class="s">Taiyu ilosi Emeiyusa</div><div class="r">(Mk 16.12-13)</div><div class="p"> 13E yam makwaiwena taiyu matausina ililoulasi bilosi ovalu yagala Emeiyusa, kala maloula metoya mapilana Yerusalem katupoluwotala katupotala katupwaila keda (11 km). 14Ibibigatonasi paila komwaidona vavagi makwaisina leikaloubusisi. 15Tutala ililivalasi ititamapusi, Yesu titoulela ima otalisi ividuli matausina. 16Mitaga itaboda ninasi e gala bivitusaisi matauna. 17E iluki matausina, kawala, &#8220;Avaka kubigitonaisi tutala kuliloulasi ke?&#8221;</div><div class="p">E itomwaisi, igibugibu migisi. 18Taitala matausina yagala Kiliopasa ivitakauloki matauna, kawala, &#8220;Ki, yoku tosisula Yerusalem, e kammwaleta gala kunikoli avaka ikaloubusisi baisa yam makwaisina?&#8221;</div><div class="p"> 19Ikatupoi matausina, kawala, &#8220;Avai vavagi?&#8221;</div><div class="p">Ilukwaisi matauna, kawasi, &#8220;Paila Yesu guma Nasaredi,#Kugisi Lk 4.34 kala katumiki. matauna tovitoubobuta topeula ola vavagi deli ola biga omatala Yaubada toyo omitasi tomota komwaidosi. 20E kama tolulasi kasi tokugwa toyo kama tokwaraiwagasi ikasalaisi kidamwa bikamwagasi bikatumataisi, e ikatukorosaisi matauna. 21Mitaga yakamaisi kapikwakusi mwada matauna bikoli Isireli. E ka! tuvaila vavagi makwaina bogwa leikaloubusi e lagaila goli yam kwaitolula. 22Tuvaila, mimilisi vivila metoyasi oma bodasi ilivalasi mimilisi vavagi e saina itutu wowomasi sainela. Paila bulubuvisiga ilosi wa laka, 23mitaga gala ibanaisi wowola; e ikaimilavausi ikamitulaisi kidamwa bogwa leigisaisi anelosi ilukwaisi kidamwa bogwa leimova. 24E mimilisi baisa yakamaisi ilosi wa laka, ibanaisi makawala vivila si biga, mitaga matauna gala igisaisi.&#8221;</div><div class="p"> 25E Yesu iluki matausina, kawala, &#8220;Wo toninagowa yokomi, saina kasai mi dubumi paila komwaidona avaka avaka tovitoubobuta leilivalaisi. 26Ki, kaina ibodi wala matauna Mesaia ikugwa bilumkoli mayuyu makwaisina e bisuvi okala kalugologusa saina guyugwayu kadai?&#8221; 27Ikatumiki Buki Pilabumaboma#Kugisi Lk 4.16 kala katumiki. baisa matausina, e ivitouula metoya baisa Mosese deli tovitoubobuta#Kugisi Lk 16.16 kala katumiki. komwaidosi; e ivituloki matausina avai ginigini isisu paila matauna titoulela.</div><div class="p"> 28E katitaikina iviloubusisi okadumalaga; e matauna mwada bisaitaula. 29Mitaga ikaliyeiasi baisa matauna, kawasi, &#8220;Tasimwaisi, paila bogwa eikoyavi e yam bogwa biwokuva.&#8221; E isuvi isikaili matausina. 30Osi tuta kamkwam, ikau kaula, inokagutoki baisa Yaubada, ikimimisi isaiki matausina. 31E matausina imitalala mitasi, ivitusaisi matauna; e omitasi itamwau. 32E ibigatonasi, kawasi, &#8220;Igau ilukwaida wa keda, e ikatumiki Buki Pilabumaboma baisa yakida, saina iyuviyavi nanoda kadai?&#8221;</div><div class="p"> 33E tuta matutona wala itokaiasi, ikaimilavausi Yerusalem; e ibanaisi matausina tailuwotala taitala bogwa isigugulasi toyo sesia, 34ikikaibigasi, kawasi, &#8220;Mokwitala Tomoya bogwa leitokaia, e leiyoulapula baisa Saimoni.&#8221;</div><div class="p"> 35E kasitaiyu isolasi paila avaka ikaloubusi wa keda, deli ammakawala ivitusaisi matauna tutala ikimimisi kaula.</div><div class="s">Yesu iyoulapula baisa la toligalega</div><div class="r">(Md 28.16-20; Mk 16.14-18; Yn 20.19-23; VA 1.6-8)</div><div class="p"> 36Ililivalasi, e Yesu titoulela itowala e iluki matausina, &#8220;Bitalaguva lupomi.&#8221;</div><div class="p"> 37Mitaga inokubukubusi sainela, ikokolasi, e idokaisi igisaisi kosa. 38E iluki matausina, kawala, &#8220;Avaka paila ikubukubu lupomi? Avaka paila kuninayuwasi? 39Kugisaisi yamagu toyo kaikegu, yeigula goli asisu; kukwabikonaigusi e bukugisaisi; paila kosa gala isim vilionela deli tutuwanela, makawala kugisaisi isim baisa yeigu.&#8221;</div><div class="p"> 40Bogwa ilivala makawala, e ivituloki matausina yamala toyo kaikela. 41Mitaga gala bidubumaisi goli paila si mwasawa, deli itutu uwosi. Mapaila inigadi matausina, kawala, &#8220;Ki, sitana avaka isisu bakam?&#8221; 42Isakaisi matauna bubotala yena nagubugwabu,#Mimilisi buki pilabubogwa ikatumkulovaisi, &#8220;deli sitana kitorina.&#8221; 43e ikau, ikam omitasi.</div><div class="p"> 44Oluvi iluki matausina, kawala, &#8220;Vavagi makwaisina bogwa lalukwaimi tuta matutona lasikailimi. Paila bogwa lakaibiga kidamwa avaka avaka Mosese la Karaiwaga deli tovitoubobuta deli Sam#Baisa pilamwaidona mina Yudia si Buki Pilabumaboma, paila kala katupwaila katupotolu goli. leiginisi paila yeigu gala bisala goli.&#8221;</div><div class="p"> 45E itapuloki ninasi kidamwa bikatetasi Buki Pilabumaboma. 46E iluki matausina, kawala, &#8220;Buki Pilabumaboma kala ginigini isisu, kidamwa iboda matauna Mesaia bibani mmayuyu, e yam kwaitolula bitokaia bimovavau. 47Tuvaila kidamwa bukuvigakaimi wodola Mesaia e bukukwamitulaisi mabigana paila ninavila toyo mitugaga kala ligaiwa baisa komwaidosi mina watanawa; e bukuvitouulasi Yerusalem. 48E yokomi kala tosola vavagi makwaisina. 49E ka! bogwa bawitali baisa yokomi avaka Tamagu eikatotila;#Yesu ililivala paila Baloma Tobumaboma. mitaga ibodi bukutulotulasi ovilouveka,#Mapilana Yerusalem. igau peula makwaina metoya wa labuma bibusi baisa yokomi.&#8221; #VA 1.4 </div><div class="s">Yesu ila walakaiwa</div><div class="r">(Mk 16.19-20; VA 1.9-11)</div><div class="p"> 50E ivakouli matausina ilosi otalila Bedani;#Kugisi Lk 19.29 kala katumiki. e yamala ikoulaila, ibigibwaili matausina. #VA 1.9-11 51E tutala eibigibwaili isilavi matausina e ila walakaiwa#walakaiwa. Mimilisi wala buki pilabubogwa gala wala ikatumkulovaisi &#8220;wa labuma&#8221;. wa labuma. 52E ikavaginaisi matauna,#ikavaginaisi matauna. Mimilisi wala buki pilabubogwa gala iginisi, &#8220;ikavaginaisi matauna&#8221;. e ikaimilavausi Yerusalem, e saina imwasawasi. 53E yumyambwata isisuaisi wa Bwala Kwebumaboma, iyakawolaisi Yaubada.</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

Obulubuvisiga Sunday minasina vivila ilosi wa laka, ilauwaisi bulami leikatubiasaisi. E ibanaisi dakuna bogwa ikanuwada metoya wa laka. Mitaga tutala isuvisi gala ibanaisi wowola. Saina ininayuwasi paila baisa, e ka! taiyu tauwau itotusi otalisi minasina, kasi kwama yaguyugwayu sainela. Ikokolasi, ikululusi, e migisi opwaipwaia, e tauwau ilukwaisi minasina, kawasi, “Veve! Avaka paila kunainevisi tomomova oluwalaisi tomata? Gala isisu baisa. Bogwa eitokaia imovavau. Kululuwaisi ammakawala ilukwaimi tutala isisu Galili, kawala, ‘Ibodi bikasalaigusi yeigu Latula Tomota oyumasi tomitugaga, bikatukorosaigusi, e yam kwaitolula batokaia bamovavau goli.’”
E vivila iluluwaisi la biga, ikaimilavausi metoyasi wa laka, isalaisi komwaidona vavagi makwaisina baisa matausina tailuwotala taitala deli baisa sesia komwaidosi. Minasina ilivalasi makawala baisa aposetolo igasi Meri Magidalini sola Yowana toyo Meri Yemesa inala toyo mimilisi tuvaila. Mitaga idokaisi biga mabigasina bigimakava wala; e gala idubumaisi minasina. Mitaga Pita itokaia, isakaula ila wa laka. Ikululu itadoyai olumoulela, e igisi karekwa yapupwakau yaminabwaita e gala avaka tuvaila. E isilavi ikaimilavau ola bwala, e itutu wowola paila avaka bogwa leikaloubusi.


E yam makwaiwena taiyu matausina ililoulasi bilosi ovalu yagala Emeiyusa, kala maloula metoya mapilana Yerusalem katupoluwotala katupotala katupwaila keda (11 km). Ibibigatonasi paila komwaidona vavagi makwaisina leikaloubusisi. Tutala ililivalasi ititamapusi, Yesu titoulela ima otalisi ividuli matausina. Mitaga itaboda ninasi e gala bivitusaisi matauna. E iluki matausina, kawala, “Avaka kubigitonaisi tutala kuliloulasi ke?”
E itomwaisi, igibugibu migisi. Taitala matausina yagala Kiliopasa ivitakauloki matauna, kawala, “Ki, yoku tosisula Yerusalem, e kammwaleta gala kunikoli avaka ikaloubusisi baisa yam makwaisina?”
Ikatupoi matausina, kawala, “Avai vavagi?”
Ilukwaisi matauna, kawasi, “Paila Yesu guma Nasaredi, matauna tovitoubobuta topeula ola vavagi deli ola biga omatala Yaubada toyo omitasi tomota komwaidosi. E kama tolulasi kasi tokugwa toyo kama tokwaraiwagasi ikasalaisi kidamwa bikamwagasi bikatumataisi, e ikatukorosaisi matauna. Mitaga yakamaisi kapikwakusi mwada matauna bikoli Isireli. E ka! tuvaila vavagi makwaina bogwa leikaloubusi e lagaila goli yam kwaitolula. Tuvaila, mimilisi vivila metoyasi oma bodasi ilivalasi mimilisi vavagi e saina itutu wowomasi sainela. Paila bulubuvisiga ilosi wa laka, mitaga gala ibanaisi wowola; e ikaimilavausi ikamitulaisi kidamwa bogwa leigisaisi anelosi ilukwaisi kidamwa bogwa leimova. E mimilisi baisa yakamaisi ilosi wa laka, ibanaisi makawala vivila si biga, mitaga matauna gala igisaisi.”
E Yesu iluki matausina, kawala, “Wo toninagowa yokomi, saina kasai mi dubumi paila komwaidona avaka avaka tovitoubobuta leilivalaisi. Ki, kaina ibodi wala matauna Mesaia ikugwa bilumkoli mayuyu makwaisina e bisuvi okala kalugologusa saina guyugwayu kadai?” Ikatumiki Buki Pilabumaboma baisa matausina, e ivitouula metoya baisa Mosese deli tovitoubobuta komwaidosi; e ivituloki matausina avai ginigini isisu paila matauna titoulela.
E katitaikina iviloubusisi okadumalaga; e matauna mwada bisaitaula. Mitaga ikaliyeiasi baisa matauna, kawasi, “Tasimwaisi, paila bogwa eikoyavi e yam bogwa biwokuva.” E isuvi isikaili matausina. Osi tuta kamkwam, ikau kaula, inokagutoki baisa Yaubada, ikimimisi isaiki matausina. E matausina imitalala mitasi, ivitusaisi matauna; e omitasi itamwau. E ibigatonasi, kawasi, “Igau ilukwaida wa keda, e ikatumiki Buki Pilabumaboma baisa yakida, saina iyuviyavi nanoda kadai?”
E tuta matutona wala itokaiasi, ikaimilavausi Yerusalem; e ibanaisi matausina tailuwotala taitala bogwa isigugulasi toyo sesia, ikikaibigasi, kawasi, “Mokwitala Tomoya bogwa leitokaia, e leiyoulapula baisa Saimoni.”
E kasitaiyu isolasi paila avaka ikaloubusi wa keda, deli ammakawala ivitusaisi matauna tutala ikimimisi kaula.


Ililivalasi, e Yesu titoulela itowala e iluki matausina, “Bitalaguva lupomi.”
Mitaga inokubukubusi sainela, ikokolasi, e idokaisi igisaisi kosa. E iluki matausina, kawala, “Avaka paila ikubukubu lupomi? Avaka paila kuninayuwasi? Kugisaisi yamagu toyo kaikegu, yeigula goli asisu; kukwabikonaigusi e bukugisaisi; paila kosa gala isim vilionela deli tutuwanela, makawala kugisaisi isim baisa yeigu.”
Bogwa ilivala makawala, e ivituloki matausina yamala toyo kaikela. Mitaga gala bidubumaisi goli paila si mwasawa, deli itutu uwosi. Mapaila inigadi matausina, kawala, “Ki, sitana avaka isisu bakam?” Isakaisi matauna bubotala yena nagubugwabu, e ikau, ikam omitasi.
Oluvi iluki matausina, kawala, “Vavagi makwaisina bogwa lalukwaimi tuta matutona lasikailimi. Paila bogwa lakaibiga kidamwa avaka avaka Mosese la Karaiwaga deli tovitoubobuta deli Sam leiginisi paila yeigu gala bisala goli.”
E itapuloki ninasi kidamwa bikatetasi Buki Pilabumaboma. E iluki matausina, kawala, “Buki Pilabumaboma kala ginigini isisu, kidamwa iboda matauna Mesaia bibani mmayuyu, e yam kwaitolula bitokaia bimovavau. Tuvaila kidamwa bukuvigakaimi wodola Mesaia e bukukwamitulaisi mabigana paila ninavila toyo mitugaga kala ligaiwa baisa komwaidosi mina watanawa; e bukuvitouulasi Yerusalem. E yokomi kala tosola vavagi makwaisina. E ka! bogwa bawitali baisa yokomi avaka Tamagu eikatotila; mitaga ibodi bukutulotulasi ovilouveka, igau peula makwaina metoya wa labuma bibusi baisa yokomi.”


E ivakouli matausina ilosi otalila Bedani; e yamala ikoulaila, ibigibwaili matausina. E tutala eibigibwaili isilavi matausina e ila walakaiwa wa labuma. E ikavaginaisi matauna, e ikaimilavausi Yerusalem, e saina imwasawasi. E yumyambwata isisuaisi wa Bwala Kwebumaboma, iyakawolaisi Yaubada.

Listen to LUKA 24