<div class="version vid1897 iso6393bla" data-vid="1897" data-iso6393="bla">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="p"> 1ISS&#300;K'S&#300;STSIKUYII ks&#301;stsiku'i otai'ksiuosaie, otaum&#365;t&#365;papin&#335;k'kusaie &#301;ss&#301;k'atoiks&#301;stsikui, Mary Magdalene ki sts&#301;k'i Mary itoto'iau m&#335;ks'&#301;ni&#301;sau ake'nimani. 2Ki, sat's&#301;t, ks&#335;k'kum&#259; ai'papuyiu: t&#365;k'ka Ap'&#301;stotokiua oto'tokatats&#301;s spots' im its&#301;nn&#301;sso'i&#301;nai, ki ito'to ki matskoap'imiuaie ok'otoksokh'sep&#301;stan ki itop'aiuaie. 3Ostoks&#301;s'si netoinitai'natsiuaie popos'ists, ki kaii'ks&#301;stotosiu neto'i kon'skui: 4Ki &#365;sks'kat&#365;kkix stun'noyiauaie, ki ai'papuyeian netoi'nitsiiau enix'. 5Ki oto'tokatats&#301;s an'&#301;stsiuax a kex', piniko'puk; nits'ks&#301;nip kitap'&#365;ss&#365;mmauau Jesus ann&#335;k' kai&#301;s'toksau&#335;k. 6Mats&#301;nakuai&#277;m'ats: t&#365;k'ka, &#365;k'aipuau otan'ipi. Puk'sipuk, sat's&#301;k otsit'sipi N&#301;n'&#259;. 7Ki k&#301;pi'tappoak, ki an&#301;stok'ax ot&#365;s'ks&#301;n&#301;matsax otse'&#301;ns&#301;nni &#365;kaipua'atomaie; ki, sat'sit, kitse'tomomattaak Galilee; omim' kitak'its&#301;nnoauau: sat'sik, kikau'an&#301;stopuau. 8Ki itsik&#301;p'&#301;stupaatomiauaie ake'niman ai'kopumau, ki eks'kaetamet&#365;kkiau; ki auks'kasiau mokitots'ipotosauaie ot&#365;s'ks&#301;n&#301;matsaxaie otse'poaws&#301;niaie. 9Ki otsitappo'sauax m&#335;kits&#301;nniko&#335;sauax ot&#365;s'ks&#301;n&#301;matsaxaie, s&#365;m'm&#301;s, Jesus ito'tatsemiuax ki an'&#301;stsiuax All hail! Ki ito'toiauaie ki e&#301;n'&#301;miauaie ok&#335;t's&#301;stsaie, ki ita'ts&#301;mm&#301;mmiauaie. 10Jesus it&#365;m'it&#365;n&#301;stsiuax, Pinikopuk; m&#301;s'tapuk, an&#301;stok'au n&#301;x'okoax m&#335;k'ittapposau Galilee, ki omim' nitak'its&#301;nokiau. 11Annok' otsa'kiaitapposau, s&#365;m'm&#301;s, sts&#301;k'ix &#365;sks'kat&#365;kii itoto'iau akap'ioy&#301;s, ki aits&#301;n'nikoyiauax om&#365;k'atoiapiekuax nitap'ii. 12Kiotok&#335;nau'mo&#335;sau ki om&#365;x'&#301;nax otok&#335;nai'puy&#301;sau, ikotsi'auax e&#277;n'akex akai&#277;m'i itawk'pumaupix, 13Ki an'&#301;stsiauax, &#365;nnik' ot&#365;s'ks&#301;m&#301;matsax nitsa'kiaiokas&#301;nan, sepioto'iax ki itsik&#335;mos'attsiauaie. 14Ki n&#301;n'a okhts&#301;s'saie, nitaksem&#365;nan ki kitakitsik&#335;motse'piop&#301;nan. 15Mat'toyiauax itawk'pumaupix, ki otsks&#301;n&#301;matseipuauaiax iia'tuts&#301;miau ki annik' an&#301;ss&#301;n'nik Jews sa'kiauan&#301;stomiax. 16Nitsi'koputsiax ot&#365;s'ks&#301;n&#301;matsax itappo'iax Galilee nitum'mo, Jesus otan'&#301;stopi. 17Ki ots&#301;nno'&#335;saua&#301;e itats&#301;m'm&#301;mmiauaie: ki sts&#301;k'ix sai'et&#365;kkiax. 18Ki Jesus ito'toax ki ai'sits&#301;psattsiuax, ki an'&#301;stsiuax, k&#335;nau't&#365;mapsinni spots'im ki ks&#335;k'kum nit'okoko. 19&#364;n'nikaie, &#301;s'tapuk, &#301;sks&#301;n&#301;mats'okau k&#335;nau'mian&#301;stsitappii, &#365;s'tap&#301;nokau ninik&#335;t'tok&#277;sts ots&#301;n'ik&#335;s&#301;m&#277;sts k&#301;n'un, ki okku'i, ki ats&#301;m'istaaw: 20Isks&#301;n&#301;mats'okau m&#335;k'sats&#301;sau&#277;sts k&#301;tan'&#301;stopuau&#277;sts; ki sat'sit, kit&#365;sks'opoksemopuau an&#301;stsiks&#301;s'tsiku&#301;sts aiksiuo'si ks&#335;k'kum.</div>
 </div>
 </div>
</div>

This work is in the Public Domain due to copyright expiration. It was translated by Rev. John William Tims and published in 1890 by the British and Foreign Bible Society.

ISSĬK'SĬSTSIKUYII ksĭstsiku'i otai'ksiuosaie, otaumŭtŭpapinŏk'kusaie ĭssĭk'atoiksĭstsikui, Mary Magdalene ki stsĭk'i Mary itoto'iau mŏks'ĭniĭsau ake'nimani. Ki, sat'sĭt, ksŏk'kumă ai'papuyiu: tŭk'ka Ap'ĭstotokiua oto'tokatatsĭs spots' im itsĭnnĭsso'iĭnai, ki ito'to ki matskoap'imiuaie ok'otoksokh'sepĭstan ki itop'aiuaie. Ostoksĭs'si netoinitai'natsiuaie popos'ists, ki kaii'ksĭstotosiu neto'i kon'skui: Ki ŭsks'katŭkkix stun'noyiauaie, ki ai'papuyeian netoi'nitsiiau enix'. Ki oto'tokatatsĭs an'ĭstsiuax a kex', piniko'puk; nits'ksĭnip kitap'ŭssŭmmauau Jesus annŏk' kaiĭs'toksauŏk. Matsĭnakuaiĕm'ats: tŭk'ka, ŭk'aipuau otan'ipi. Puk'sipuk, sat'sĭk otsit'sipi Nĭn'ă. Ki kĭpi'tappoak, ki anĭstok'ax otŭs'ksĭnĭmatsax otse'ĭnsĭnni ŭkaipua'atomaie; ki, sat'sit, kitse'tomomattaak Galilee; omim' kitak'itsĭnnoauau: sat'sik, kikau'anĭstopuau. Ki itsikĭp'ĭstupaatomiauaie ake'niman ai'kopumau, ki eks'kaetametŭkkiau; ki auks'kasiau mokitots'ipotosauaie otŭs'ksĭnĭmatsaxaie otse'poawsĭniaie. Ki otsitappo'sauax mŏkitsĭnnikoŏsauax otŭs'ksĭnĭmatsaxaie, sŭm'mĭs, Jesus ito'tatsemiuax ki an'ĭstsiuax All hail! Ki ito'toiauaie ki eĭn'ĭmiauaie okŏt'sĭstsaie, ki ita'tsĭmmĭmmiauaie. Jesus itŭm'itŭnĭstsiuax, Pinikopuk; mĭs'tapuk, anĭstok'au nĭx'okoax mŏk'ittapposau Galilee, ki omim' nitak'itsĭnokiau. Annok' otsa'kiaitapposau, sŭm'mĭs, stsĭk'ix ŭsks'katŭkii itoto'iau akap'ioyĭs, ki aitsĭn'nikoyiauax omŭk'atoiapiekuax nitap'ii. Kiotokŏnau'moŏsau ki omŭx'ĭnax otokŏnai'puyĭsau, ikotsi'auax eĕn'akex akaiĕm'i itawk'pumaupix, Ki an'ĭstsiauax, ŭnnik' otŭs'ksĭmĭmatsax nitsa'kiaiokasĭnan, sepioto'iax ki itsikŏmos'attsiauaie. Ki nĭn'a okhtsĭs'saie, nitaksemŭnan ki kitakitsikŏmotse'piopĭnan. Mat'toyiauax itawk'pumaupix, ki otsksĭnĭmatseipuauaiax iia'tutsĭmiau ki annik' anĭssĭn'nik Jews sa'kiauanĭstomiax. Nitsi'koputsiax otŭs'ksĭnĭmatsax itappo'iax Galilee nitum'mo, Jesus otan'ĭstopi. Ki otsĭnno'ŏsauaĭe itatsĭm'mĭmmiauaie: ki stsĭk'ix sai'etŭkkiax. Ki Jesus ito'toax ki ai'sitsĭpsattsiuax, ki an'ĭstsiuax, kŏnau'tŭmapsinni spots'im ki ksŏk'kum nit'okoko. Ŭn'nikaie, ĭs'tapuk, ĭsksĭnĭmats'okau kŏnau'mianĭstsitappii, ŭs'tapĭnokau ninikŏt'tokĕsts otsĭn'ikŏsĭmĕsts kĭn'un, ki okku'i, ki atsĭm'istaaw: Isksĭnĭmats'okau mŏk'satsĭsauĕsts kĭtan'ĭstopuauĕsts; ki sat'sit, kitŭsks'opoksemopuau anĭstsiksĭs'tsikuĭsts aiksiuo'si ksŏk'kum.

শুনুন ST. MATTHEW 28