<div class="version vid1876 iso6393smt" data-vid="1876" data-iso6393="smt">
 <div class="book bkMAT">
 <div class="chapter ch23" data-usfm="MAT.23">
 <div class="label">23</div><div class="s">Jesu&#8217;n Lehkhagialtute leh Pharisaite a demna</div><div class="p"> 1Huin Jesu&#8217;n mipite leh a nungjuite kawmah thu a soi a, 2Lehkhagialtute leh Pharisaite chu Mosi touphah ah a tou uhi; 3Hujiahin juih diing chi a ahung hilh photmah uh jui unla, bawl jel un; hizongleh amahuh silbawl bang chu bawl sih un; amahun a soi va, a bawl tuan sih uhi. 4Vangih puaah hah tahtah a siam va, mi liangkou ah a suan va; amahun lah a khutzung khat un zong a khoih nuam sih uh. 5Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh; 6Huleh ankuang luinate ah mun saangpen, huleh kikhopna inn ah touna hoihpen bang a deih uh, 7Huleh dawlmun a mi&#8217;n chibai a buuh uh bang, Rabbi, Rabbi, chia a kouh uh bang a ut uhi. 8Hizongleh nanguh chu Rabbi chihin um sih un; ajiahchu na Houtupa uh khat a um, Khrist ngei chu; huleh nanguh na bawnun unau na hi uhi. 9Huleh leitung ah koimah pa chi sih un; ajiahchu na Pa uh khat ahi a, vaan a um chu. 10Houtute chihin um sih un, ajiahchu na Houtu uh khat a um, Khrist chu. 11Na lahva loupipen chu na suaah un a um diing ahi. 12Huleh koipouh a kiliansah chu suhneu ahi diing a; huleh koipouh kingaineu chu tawisangin a um diing hi.</div><div class="s">Jesu&#8217;n Lehkhagialtute leh Pharisaite siamlouh a tan</div><div class="p"> 13Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi. 14Nanguh lehkhagialtu leh Pharisai lepchiahte aw, na tunguh a gih hi! ajiahchu meithaite inn na negam va, mi heemna&#8217;n sawtpipi na haamtei uh; hujiahin siamlouhtanna liansem na mu diing uhi. 15Nanguh lehkhagialtu leh Pharisai lepchiahte aw, na tunguh a gih hi! ajiahchu mi khat Juda phungkai a siam diingin zong tui khang lian leh gam ah na chiah kiimvel va, huleh huchi na siam zoh chiangun amah chu nanguh sanga a lehnih a gawtmun mi diingin na siam veu uhi. 16Nanguh mittaw ma puite, Koipouh Pathian biahinn loua kichiam chu bangmah ahi sih a, hizongleh koipouh Pathian biahinn a sana loua kichiamin chu a taangtun diing ahi, chite haw, na tunguh a gih hi. 17Nanguh mingol leh mittawte; sana leh sana siangthousah Pathian biahinn a khoi loupizaw ahiai? 18Huleh koipouh maitaam lou a kichiam chu, bangmah ahi sih; hizongleh a tunga um silpiah lou a kichiam in a taangtun diing ahi, na chi uh. 19Nanguh mingol leh mittawte; silpiah leh silpiah susiang maitaam chu khoi loupizaw ahiai? 20Huchi'n koipouh maitaam lou a kichiam phot in, maitaam leh a tunga um zousiah lou in a kichiam ahi. 21Huleh koipouh Pathian biahinn lou a kichiam chu, Pathian biahinn leh a sunga um zousiah lou in a kichiam ahi. 22Huleh vaan lou a kichiam phot chu, Pathian laltouphah leh a tunga toupa lou a kichiam ahi. 23Nanguh lehkhagialtu leh Pharisai lepchiahte aw, na tunguh a gih hi! ajiahchu nangun pudina leh mohuri huleh jira bang sawmakhat na pia va, huleh daanthu poimohzaw thukhen dihna bang, zahngaihna bang huleh ginumna bang na thudon sih uhi; hite chu ahi na bawl ngei diing uh a dangte zong bawl lou tuanlouin. 24Nanguh puitu mittawte, thousi hisiang a sangawngsaau valh veute haw. 25Nanguh lehkhagialtu leh Pharisai lepchiahte aw, na tunguh a gih hi! ajiahchu nangun nou leh kuang polam na susiang va, hizongleh a sung lah leepguuhna leh kisumlouhna in a dim ngal a. 26Nang Pharisai mittaw, nou leh kuang sunglam susiang masa in, huchi'n a polam zong ahung siang thei diing hi. 27Nanguh lehkhagialtu leh Pharisai lepchiahte aw, na tunguh a gih hi! ajiahchu nanguh hi haan kinuh vaam, a polam mawitaha kilang a, a sunglam lah misi guh leh silniinte a dim bang na hi uhi. 28Hutobangmahin nanguh zong polama mihing mitmuh in, dihtat bangin na lang va, hizongleh na sunglam uh chu lepchiahna leh giitlouhna in a dim hi. 29Nanguh lehkhagialtu leh Pharisai lepchiahte aw, na tunguh a gih hi! ajiahchu zawlneite haan na bawl va, huleh midihtat haante zong na jem uh, 30Huleh, Ka pu leh pate uh damlaia na um hile ung, zawlneite sisan a suahna vah tel lou diing hi ve ung, na chi uhi. 31Huchi'n zawlneite thatte tate na hi uh chih na kihesah uhi. 32Na pi leh pute uh tehna daan sudim ngal mei un. 33Nanguh guulte, nanguh guul haahte, bangchi'n ahiai gawtmun siamlouhtanna na pelh theih diing uh? 34Hujiahin, ngai un, na kawmvah zawlneite, mipilte, huleh lehkhagialtute ka hung sawl ahi; a lahva khenkhat na that diing va kros ah na kilhbeh diing uh; huleh khenkhatte chu na kikhopna inn vah na jep diing va, huleh khochin ah na sawi jel diing uh; 35Huchi'n midihtat Abel sisan kisuah apat, Pathian biahinn leh maitaam kikal a Barakia tapa Zakaria na thah va a sisan suah tanphain, leitung a midihtatte sisan kisuah zousiah na tungvah ahung tung thei diing hi. 36Chihtahzetin ka hung hilh ahi, hi silte zousiah tulai khang thahte tungah ahung tung diing hi.</div><div class="s">Jesu&#8217;n Jerusalem a kahkhumna</div><div class="p"> 37Aw, Jerusalem, Jerusalem, zawlneite thattu, na kawma kisawlte suang a na seplumtu, aahpi in a noute aha nuaia a opkhum banga ke'n zong na tate bangzatvei opkhum ahiai ka tup taah, hizongleh na ut sih uhi. 38Ngai un, na inn uh a hawm a nuutsiat in a umta hi. 39Ka hung hilh ahi, Lalpa min a hung chu a hampha hi, na chih masangsiah uh, tukal na hung mu nawn sih diing uhi, a chi.</div>
 </div>
 </div>
</div>

Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.

Huin Jesu’n mipite leh a nungjuite kawmah thu a soi a, Lehkhagialtute leh Pharisaite chu Mosi touphah ah a tou uhi; Hujiahin juih diing chi a ahung hilh photmah uh jui unla, bawl jel un; hizongleh amahuh silbawl bang chu bawl sih un; amahun a soi va, a bawl tuan sih uhi. Vangih puaah hah tahtah a siam va, mi liangkou ah a suan va; amahun lah a khutzung khat un zong a khoih nuam sih uh. Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh; Huleh ankuang luinate ah mun saangpen, huleh kikhopna inn ah touna hoihpen bang a deih uh, Huleh dawlmun a mi’n chibai a buuh uh bang, Rabbi, Rabbi, chia a kouh uh bang a ut uhi. Hizongleh nanguh chu Rabbi chihin um sih un; ajiahchu na Houtupa uh khat a um, Khrist ngei chu; huleh nanguh na bawnun unau na hi uhi. Huleh leitung ah koimah pa chi sih un; ajiahchu na Pa uh khat ahi a, vaan a um chu. Houtute chihin um sih un, ajiahchu na Houtu uh khat a um, Khrist chu. Na lahva loupipen chu na suaah un a um diing ahi. Huleh koipouh a kiliansah chu suhneu ahi diing a; huleh koipouh kingaineu chu tawisangin a um diing hi.

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi. Nanguh lehkhagialtu leh Pharisai lepchiahte aw, na tunguh a gih hi! ajiahchu meithaite inn na negam va, mi heemna’n sawtpipi na haamtei uh; hujiahin siamlouhtanna liansem na mu diing uhi. Nanguh lehkhagialtu leh Pharisai lepchiahte aw, na tunguh a gih hi! ajiahchu mi khat Juda phungkai a siam diingin zong tui khang lian leh gam ah na chiah kiimvel va, huleh huchi na siam zoh chiangun amah chu nanguh sanga a lehnih a gawtmun mi diingin na siam veu uhi. Nanguh mittaw ma puite, Koipouh Pathian biahinn loua kichiam chu bangmah ahi sih a, hizongleh koipouh Pathian biahinn a sana loua kichiamin chu a taangtun diing ahi, chite haw, na tunguh a gih hi. Nanguh mingol leh mittawte; sana leh sana siangthousah Pathian biahinn a khoi loupizaw ahiai? Huleh koipouh maitaam lou a kichiam chu, bangmah ahi sih; hizongleh a tunga um silpiah lou a kichiam in a taangtun diing ahi, na chi uh. Nanguh mingol leh mittawte; silpiah leh silpiah susiang maitaam chu khoi loupizaw ahiai? Huchi'n koipouh maitaam lou a kichiam phot in, maitaam leh a tunga um zousiah lou in a kichiam ahi. Huleh koipouh Pathian biahinn lou a kichiam chu, Pathian biahinn leh a sunga um zousiah lou in a kichiam ahi. Huleh vaan lou a kichiam phot chu, Pathian laltouphah leh a tunga toupa lou a kichiam ahi. Nanguh lehkhagialtu leh Pharisai lepchiahte aw, na tunguh a gih hi! ajiahchu nangun pudina leh mohuri huleh jira bang sawmakhat na pia va, huleh daanthu poimohzaw thukhen dihna bang, zahngaihna bang huleh ginumna bang na thudon sih uhi; hite chu ahi na bawl ngei diing uh a dangte zong bawl lou tuanlouin. Nanguh puitu mittawte, thousi hisiang a sangawngsaau valh veute haw. Nanguh lehkhagialtu leh Pharisai lepchiahte aw, na tunguh a gih hi! ajiahchu nangun nou leh kuang polam na susiang va, hizongleh a sung lah leepguuhna leh kisumlouhna in a dim ngal a. Nang Pharisai mittaw, nou leh kuang sunglam susiang masa in, huchi'n a polam zong ahung siang thei diing hi. Nanguh lehkhagialtu leh Pharisai lepchiahte aw, na tunguh a gih hi! ajiahchu nanguh hi haan kinuh vaam, a polam mawitaha kilang a, a sunglam lah misi guh leh silniinte a dim bang na hi uhi. Hutobangmahin nanguh zong polama mihing mitmuh in, dihtat bangin na lang va, hizongleh na sunglam uh chu lepchiahna leh giitlouhna in a dim hi. Nanguh lehkhagialtu leh Pharisai lepchiahte aw, na tunguh a gih hi! ajiahchu zawlneite haan na bawl va, huleh midihtat haante zong na jem uh, Huleh, Ka pu leh pate uh damlaia na um hile ung, zawlneite sisan a suahna vah tel lou diing hi ve ung, na chi uhi. Huchi'n zawlneite thatte tate na hi uh chih na kihesah uhi. Na pi leh pute uh tehna daan sudim ngal mei un. Nanguh guulte, nanguh guul haahte, bangchi'n ahiai gawtmun siamlouhtanna na pelh theih diing uh? Hujiahin, ngai un, na kawmvah zawlneite, mipilte, huleh lehkhagialtute ka hung sawl ahi; a lahva khenkhat na that diing va kros ah na kilhbeh diing uh; huleh khenkhatte chu na kikhopna inn vah na jep diing va, huleh khochin ah na sawi jel diing uh; Huchi'n midihtat Abel sisan kisuah apat, Pathian biahinn leh maitaam kikal a Barakia tapa Zakaria na thah va a sisan suah tanphain, leitung a midihtatte sisan kisuah zousiah na tungvah ahung tung thei diing hi. Chihtahzetin ka hung hilh ahi, hi silte zousiah tulai khang thahte tungah ahung tung diing hi.

Aw, Jerusalem, Jerusalem, zawlneite thattu, na kawma kisawlte suang a na seplumtu, aahpi in a noute aha nuaia a opkhum banga ke'n zong na tate bangzatvei opkhum ahiai ka tup taah, hizongleh na ut sih uhi. Ngai un, na inn uh a hawm a nuutsiat in a umta hi. Ka hung hilh ahi, Lalpa min a hung chu a hampha hi, na chih masangsiah uh, tukal na hung mu nawn sih diing uhi, a chi.

শুনুন MATTHAI 23