If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

Lambya - 2015 MWI (NT) Drama

<div class="version vid1607 iso6393lai" data-vid="1607" data-iso6393="lai">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">U Yesu nu mukolo uwamu Samaliya</div><div class="p"> 1Aba Falisayi bakivwa ukuti u Yesu akakabagha nukubozya abamanyili abinji ukuchila u Yohani. 2(U Yesu mwene atakamozyapo nayumo umuntu, loli abamanyili bache bakozyanga.) 3Bo u Yesu ivwa zizyo zikaneniwanga, akepamo muchigaba icha Yudeya nukunyokela kuchigaba icha Galileya, 4pakudumusannya mu Samaliya.</div><div class="p"> 5 # 
 Ubw. 33.19; Yos. 24.32 Po akafika mukaya aka Sikali muchigaba icha Samaliya papipi nu mughunda, ghugho u Yakobo akamupa umwana wache u Yosefu. 6Mulamula mukabamo ichiziba icha Yakobo. Bo u Yesu alita nkani nu bulendo bwache, akikala pachiziba pala. Kakaba kabalilo bo izuba lili pamutu.</div><div class="p"> 7Umukolo umu Samaliya akiza pakusemba amizi. Po u Yesu akamubuzya akati, &#8220;Umpeko amizi aghakung'wela.&#8221; 8(Pakuti abamanyili bache bakabuka mukaya akakulu pakughula ivyakulya.) 9#Ezk. 4.1-5; Neh. 4.1-2Umukolo yula akamwamula akati, &#8220;Awe we mu Yuda, ane ne mu Samaliya. Po ungandaba bulibuli amizi aghakung'wela?&#8221; (Pakuti aba Yuda naba Samaliya batakwangalilana.) #4.9 Aba Yuda&#8230;batakwangalilana: Pamo Aba Yuda batakabombezyanga imbako ni mbale zizyo aba Samaliya bakubombezya. 10U Yesu akamwamula akati, &#8220;Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.&#8221; 11Umukolo akati, &#8220;Wee Mwene, ichakusembela ute nacho, sona ichiziba chibilite. Nkimba ungaghagha kwiyi amizi amapela bumi? 12Umunyenya witu u Yakobo weyuyo akatupa ichiziba chinichi, sona wepe na bana bache poka ni vitekwa vyache akang'welaghapo panapa? Po nkimba awe we songo ukumuchila u Yakobo?&#8221; 13U Yesu akamwamula akati, &#8220;Umuntu wesi yuyo akung'wela amizi agha akwiza pakuba sona ni nyota. 14Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.&#8221; 15Umukolo akati, &#8220;Wee Mwene, umpeko amizi ghanagha kokuti intakize numilwepo nalumolumo pamo pakusemba amizi panapa.&#8221;</div><div class="p"> 16U Yesu akamubuzya umukolo yula ukuti, &#8220;Bukagha umwitizye umulume wako nukwiza nawe kuno.&#8221;</div><div class="p"> 17Umukolo yula akamula akati, &#8220;Inte nawe.&#8221;</div><div class="p">U Yesu akamula akati, &#8220;Wanena ubwanaloli bo ukunena ukuti ute nawe. 18Wasendiwa na banavuli fayivi, sona umwanavuli yuyo uli nawe pakabalilo aka ate mulume wako. Wambuzya ubwanaloli.&#8221;</div><div class="p"> 19Umukolo akamubuzya Yesu akati, &#8220;Wee Mwene, losi ulu nazimanya ukuti we mulaghuzi. 20Abanyenya bitu bakamwiputagha u Chala pighamba linili, loli mwe ba Yuda mukuti mu Yelusalemu bo buzilo bubo abantu babaghiye pakwiputilamo.&#8221;</div><div class="p"> 21U Yesu akamubuzya umukolo yula akati, &#8220;Wee mukolo unsubile, akabalilo kakwiza kako mutakwiza pakumwiputa Utata pighamba linili, pamo mu Yelusalemu. 22Amwe mwe ba Samaliya mutamumenye yuyo mukumwiputa, loli aswe twe ba Yuda tumumenye yuyo tukumwiputa pakuti ubupoki bukufumila mu ba Yuda. 23Loli akabalilo kakwiza, sona kizite kale pakuti babo bakumwiputa mubwanaloli bakwiza pakumwiputa Utata na maka agha Muzimu Umuzelu na mubwanaloli. Pakuti u Chala akubalonda abantu banaba pakumwiputa. 24U Chala we muzimu, po bosi babo bakumwiputa, bamwiputaye na maka agha Muzimu Umuzelu na mubwanaloli.&#8221; 25Umukolo akanena nawe akati, &#8220;Inzimenye ukuti u Mesiya akwiza, po bo iza, akwiza pakutubuzya vyosi.&#8221; 26U Yesu akamwamula akati, &#8220;Yuyo ukunena nawe, weyuyo.&#8221;</div><div class="p"> 27Pakabalilo kalakala abamanyili aba Yesu bakanyokako, bakaswigha nkani bo bamwagha akunena nu mukolo. Loli nayumo umuntu yuyo akanena nawe ukuti, &#8220;Nkimba ukulonda ichoni?&#8221; Pamo ukumulalusya ukuti, &#8220;Nkimba choni chicho ukunena nawe?&#8221;</div><div class="p"> 28Umukolo yula akayileka isonta yache, akanyokela mukaya nukunena na bantu ukuti, 29&#8220;Twende mwennye umuntu yuyo akambuzya vyosi vivyo nabombagha. Nkimba yunuyu atangaba we Kilisitu?&#8221; 30Po bakepamo mukaya mula nukubuka kwa Yesu.</div><div class="p"> 31Pakabalilo kanako abamanyili bache bakamulaba u Yesu bakati, &#8220;Wee Mumanyisi, lyangapo.&#8221;</div><div class="p"> 32Loli u Yesu akamula akati, &#8220;Indi nacho ichakulya chicho mutachimenye.&#8221;</div><div class="p"> 33Po abamanyili bakanda pakulalusannya benebene ukuti, &#8220;Nkimba alipo yumo yuyo amwiziye ni chakulya?&#8221;</div><div class="p"> 34U Yesu akababuzya akati, &#8220;Ichakulya chane ko kubomba ubwighane ubwa yuyo antumite nukumalizya imbombo yiyo akampa. 35Amwe mukunena ukuti, &#8216;Kwasyalako bulo amezi folo ukuti akabalilo akakwinulila kakwane.&#8217; Loli nkubabuzya ukuti ennya mumaghunda; ivibyalwa vyela, sona akabalilo akakwinulila kafikiye. 36Yuyo akwinula akupokela amalipilo ghache, sona akubungannya ivikomwa nukubuka nazyo ku bumi ubwa bwila na bwila, kokuti yuyo akubyala na yuyo akwinula basekelele poka. 37Zizyo abantu bakunena zyanaloli ukuti, &#8216;Yumo akubyala, uyunji akwinula.&#8217; 38Nkabatuma pakwinula mumaghunda mumo mutakalimamo. Abantu abanji bo babo bakalimamo, loli amwe mwakabilapo bulo pambombo yabo.&#8221;</div><div class="p"> 39Aba Samaliya abinji mukaya kala bakamusubila u Yesu pachifukwa icha mazyu ghagho umukolo yula akanena ukuti, &#8220;Ambuzya vyosi vivyo nabombagha.&#8221; 40Bo aba Samaliya biza kukwache bakamulaba ukuti ikale nabo, po u Yesu akikala kulakula amasiku mabili.</div><div class="p"> 41Abinji bakamusubila pachifukwa icha mazyu ghache, 42po bakamubuzya umukolo yula bakati, &#8220;Tutakusubila pachifukwa icha vivyo utubuzizye, loli pachifukwa ichakuti twiyivwila twebene kukwache, sona tumumenye ukuti uyu Mupoki uwa chisu ichapasi.&#8221;</div><div class="s">U Yesu akumupozya umwana uwa likambala</div><div class="p"> 43Bo ghachilapo amasiku mabili, u Yesu akabuka kuchigaba icha Galileya. 44#Mat. 13.57; Mlko. 6.4; Luk. 4.24Pakuti u Yesu umwenecho akati, &#8220;Umulaghuzi atakuchindikiwa mukaya kache.&#8221; 45#Yoh. 2.23Bo afika mu Galileya, abantu mulamula bakamupokela pakuti bakavyennya vyosi vivyo akabomba mu Yelusalemu pa Ulusekelo ulwa Pasa pakuti bope bakabapo pa Ulusekelo lula.</div><div class="p"> 46 # 
 Yoh. 2.1-11
 Po u Yesu akanyokela mu Kana muchigaba icha Galileya, kuko akandula amizi pakuba we vinyo. Ikambala limo ilya mwene, lilyo umwana wache akabinagha mukaya aka Kapelinahumu likaba palapala. 47Bo lyivwa ukuti u Yesu izite mu Galileya ukufuma mu Yudeya, akabuka kukwache nukumulaba ukuti abuke nawe mu Kapelinahumu nukumupozya umwana wache yuyo akaba papipi pakufwa. 48U Yesu akanena nawe akati, &#8220;Nayumo umuntu mumwinyu yuyo akwiza pakusubila pene papo mwennya ivimanyilo ni viswigho.&#8221;</div><div class="p"> 49Ikambala likamula likati, &#8220;Wee Mwene, twende twebosi bo nu mwana wane atafuye.&#8221;</div><div class="p"> 50U Yesu akanena nawe akati, &#8220;Bukagha, umwana wako akwiza pakupola.&#8221;</div><div class="p">Umuntu yula akasubila zizyo u Yesu akanena nukubuka. 51Bo ali muzila akubwela akakomana na bambombo bache nukumubuzya ukuti, &#8220;Umwana wako apolite.&#8221;</div><div class="p"> 52Akabalalusya akabalilo kako umwana wache akapolela. Bakamwamula bakati, &#8220;Izegema yikamuleka mumabwila na kabalilo aka wanu koloko pamusanya.&#8221; 53Po uwise akakumbuka ukuti kakaba kabalilo kako u Yesu akamubuzya ukuti, &#8220;Umwana wako akwiza pakupola.&#8221; Po yuyo na bosi abamunyumba yache bakasubila.</div><div class="p"> 54Ichi chikaba ichika ichabubili chicho u Yesu akabomba bo iza mu Galileya ukufuma mu Yudeya.</div>
 </div>
 </div>
</div>

The copyright is jointly and equally held by:
©️ The Bible Society of Malawi, 2014
©️ The Word for the World International, 2014

Aba Falisayi bakivwa ukuti u Yesu akakabagha nukubozya abamanyili abinji ukuchila u Yohani. (U Yesu mwene atakamozyapo nayumo umuntu, loli abamanyili bache bakozyanga.) Bo u Yesu ivwa zizyo zikaneniwanga, akepamo muchigaba icha Yudeya nukunyokela kuchigaba icha Galileya, pakudumusannya mu Samaliya.
Po akafika mukaya aka Sikali muchigaba icha Samaliya papipi nu mughunda, ghugho u Yakobo akamupa umwana wache u Yosefu. Mulamula mukabamo ichiziba icha Yakobo. Bo u Yesu alita nkani nu bulendo bwache, akikala pachiziba pala. Kakaba kabalilo bo izuba lili pamutu.
Umukolo umu Samaliya akiza pakusemba amizi. Po u Yesu akamubuzya akati, “Umpeko amizi aghakung'wela.” (Pakuti abamanyili bache bakabuka mukaya akakulu pakughula ivyakulya.) Umukolo yula akamwamula akati, “Awe we mu Yuda, ane ne mu Samaliya. Po ungandaba bulibuli amizi aghakung'wela?” (Pakuti aba Yuda naba Samaliya batakwangalilana.) U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.” Umukolo akati, “Wee Mwene, ichakusembela ute nacho, sona ichiziba chibilite. Nkimba ungaghagha kwiyi amizi amapela bumi? Umunyenya witu u Yakobo weyuyo akatupa ichiziba chinichi, sona wepe na bana bache poka ni vitekwa vyache akang'welaghapo panapa? Po nkimba awe we songo ukumuchila u Yakobo?” U Yesu akamwamula akati, “Umuntu wesi yuyo akung'wela amizi agha akwiza pakuba sona ni nyota. Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.” Umukolo akati, “Wee Mwene, umpeko amizi ghanagha kokuti intakize numilwepo nalumolumo pamo pakusemba amizi panapa.”
U Yesu akamubuzya umukolo yula ukuti, “Bukagha umwitizye umulume wako nukwiza nawe kuno.”
Umukolo yula akamula akati, “Inte nawe.”
U Yesu akamula akati, “Wanena ubwanaloli bo ukunena ukuti ute nawe. Wasendiwa na banavuli fayivi, sona umwanavuli yuyo uli nawe pakabalilo aka ate mulume wako. Wambuzya ubwanaloli.”
Umukolo akamubuzya Yesu akati, “Wee Mwene, losi ulu nazimanya ukuti we mulaghuzi. Abanyenya bitu bakamwiputagha u Chala pighamba linili, loli mwe ba Yuda mukuti mu Yelusalemu bo buzilo bubo abantu babaghiye pakwiputilamo.”
U Yesu akamubuzya umukolo yula akati, “Wee mukolo unsubile, akabalilo kakwiza kako mutakwiza pakumwiputa Utata pighamba linili, pamo mu Yelusalemu. Amwe mwe ba Samaliya mutamumenye yuyo mukumwiputa, loli aswe twe ba Yuda tumumenye yuyo tukumwiputa pakuti ubupoki bukufumila mu ba Yuda. Loli akabalilo kakwiza, sona kizite kale pakuti babo bakumwiputa mubwanaloli bakwiza pakumwiputa Utata na maka agha Muzimu Umuzelu na mubwanaloli. Pakuti u Chala akubalonda abantu banaba pakumwiputa. U Chala we muzimu, po bosi babo bakumwiputa, bamwiputaye na maka agha Muzimu Umuzelu na mubwanaloli.” Umukolo akanena nawe akati, “Inzimenye ukuti u Mesiya akwiza, po bo iza, akwiza pakutubuzya vyosi.” U Yesu akamwamula akati, “Yuyo ukunena nawe, weyuyo.”
Pakabalilo kalakala abamanyili aba Yesu bakanyokako, bakaswigha nkani bo bamwagha akunena nu mukolo. Loli nayumo umuntu yuyo akanena nawe ukuti, “Nkimba ukulonda ichoni?” Pamo ukumulalusya ukuti, “Nkimba choni chicho ukunena nawe?”
Umukolo yula akayileka isonta yache, akanyokela mukaya nukunena na bantu ukuti, “Twende mwennye umuntu yuyo akambuzya vyosi vivyo nabombagha. Nkimba yunuyu atangaba we Kilisitu?” Po bakepamo mukaya mula nukubuka kwa Yesu.
Pakabalilo kanako abamanyili bache bakamulaba u Yesu bakati, “Wee Mumanyisi, lyangapo.”
Loli u Yesu akamula akati, “Indi nacho ichakulya chicho mutachimenye.”
Po abamanyili bakanda pakulalusannya benebene ukuti, “Nkimba alipo yumo yuyo amwiziye ni chakulya?”
U Yesu akababuzya akati, “Ichakulya chane ko kubomba ubwighane ubwa yuyo antumite nukumalizya imbombo yiyo akampa. Amwe mukunena ukuti, ‘Kwasyalako bulo amezi folo ukuti akabalilo akakwinulila kakwane.’ Loli nkubabuzya ukuti ennya mumaghunda; ivibyalwa vyela, sona akabalilo akakwinulila kafikiye. Yuyo akwinula akupokela amalipilo ghache, sona akubungannya ivikomwa nukubuka nazyo ku bumi ubwa bwila na bwila, kokuti yuyo akubyala na yuyo akwinula basekelele poka. Zizyo abantu bakunena zyanaloli ukuti, ‘Yumo akubyala, uyunji akwinula.’ Nkabatuma pakwinula mumaghunda mumo mutakalimamo. Abantu abanji bo babo bakalimamo, loli amwe mwakabilapo bulo pambombo yabo.”
Aba Samaliya abinji mukaya kala bakamusubila u Yesu pachifukwa icha mazyu ghagho umukolo yula akanena ukuti, “Ambuzya vyosi vivyo nabombagha.” Bo aba Samaliya biza kukwache bakamulaba ukuti ikale nabo, po u Yesu akikala kulakula amasiku mabili.
Abinji bakamusubila pachifukwa icha mazyu ghache, po bakamubuzya umukolo yula bakati, “Tutakusubila pachifukwa icha vivyo utubuzizye, loli pachifukwa ichakuti twiyivwila twebene kukwache, sona tumumenye ukuti uyu Mupoki uwa chisu ichapasi.”

Bo ghachilapo amasiku mabili, u Yesu akabuka kuchigaba icha Galileya. Pakuti u Yesu umwenecho akati, “Umulaghuzi atakuchindikiwa mukaya kache.” Bo afika mu Galileya, abantu mulamula bakamupokela pakuti bakavyennya vyosi vivyo akabomba mu Yelusalemu pa Ulusekelo ulwa Pasa pakuti bope bakabapo pa Ulusekelo lula.
Po u Yesu akanyokela mu Kana muchigaba icha Galileya, kuko akandula amizi pakuba we vinyo. Ikambala limo ilya mwene, lilyo umwana wache akabinagha mukaya aka Kapelinahumu likaba palapala. Bo lyivwa ukuti u Yesu izite mu Galileya ukufuma mu Yudeya, akabuka kukwache nukumulaba ukuti abuke nawe mu Kapelinahumu nukumupozya umwana wache yuyo akaba papipi pakufwa. U Yesu akanena nawe akati, “Nayumo umuntu mumwinyu yuyo akwiza pakusubila pene papo mwennya ivimanyilo ni viswigho.”
Ikambala likamula likati, “Wee Mwene, twende twebosi bo nu mwana wane atafuye.”
U Yesu akanena nawe akati, “Bukagha, umwana wako akwiza pakupola.”
Umuntu yula akasubila zizyo u Yesu akanena nukubuka. Bo ali muzila akubwela akakomana na bambombo bache nukumubuzya ukuti, “Umwana wako apolite.”
Akabalalusya akabalilo kako umwana wache akapolela. Bakamwamula bakati, “Izegema yikamuleka mumabwila na kabalilo aka wanu koloko pamusanya.” Po uwise akakumbuka ukuti kakaba kabalilo kako u Yesu akamubuzya ukuti, “Umwana wako akwiza pakupola.” Po yuyo na bosi abamunyumba yache bakasubila.
Ichi chikaba ichika ichabubili chicho u Yesu akabomba bo iza mu Galileya ukufuma mu Yudeya.

Listen to Yohani 4