Kutu - PBT Version (NT)

Lagano da Sambi kwa Wanhu Wose

<div class="version vid1226 iso6393kdc" data-vid="1226" data-iso6393="kdc">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesu kozilibuka</div><div class="r">(Matayo 28:1-10; Maluko 16:1-8; Yohana 20:1-10)</div><div class="p"> 1Jumapili imitootondo ng'hani, watwanzi waja wachola kudipanga, kuno wasola mavuta gonung'hila goya gawatandile. 2Wadivika idibwe dibimbilisigwa hamgwazo wa umulomo wa dipanga, 3avo wengila mdipanga, lakini hawaluwone lukuli lwa Mndewa Yesu. 4Wema aho kuno oikanganya mbuli ayo, bahaja wanhu wabili wavalile viwalo vizelu chuwee wema behi nao. 5Kuno wamema bwembwe, watwanzi waja waidulika hasi, wanhu waja wawalongela, &#8220;Habali momzahila munhu yeli mgima mna iwanhu wafile? 6Hano kahaduhu, kazilibuka. Kumbukeni vija viyawalongele viyakalile Galilaya. 7&#8216;Mwana wa Munhu kolondigwa yageligwe mmakono ga wanhu otenda nzambi, awo omuwamba mumsalaba, na siku ya kadatu kozilibuka!&#8217; &#8221;</div><div class="p"> 8Baho watwanzi waja wazikumbuka mbuli zake, 9Walawa mdipanga, na wawalongela wanahina longo na imoja mbuli zose zino na wanhu wayagwe. 10Watwanzi awo wakala, Malia Magidalena, Yoana na Malia mamake Yakobo, awo hamoja na watwanzi wayagwe wawalongela watumigwa mbuli azo. 11Lakini watumigwa wagesa kamba mbuli zilongigwe na iwatwanzi waja za ubozi, na hawawatogolele bule. 12Lakini Petulo kenuka na kakimbila mbaka kudipanga, kasungulila mgati, kayona sitili iiyeka. Abaho kabwela ukae kuno kokanganya kija kilawilile.</div><div class="s">Mwanza wa kuchola Emau</div><div class="r">(Maluko 16:12-13)</div><div class="p"> 13Siku didija wanahina wabili wa Yesu wakala ochola kuna ikijiji kimoja kikemigwe Emau, kikala utali wa kilometa longo na imoja#24:13 Kilometa longo na imoja sawa na maili saba kulawa Yelusalemu, 14wakala osimulila usheha wa mbuli zose zilawilile. 15Viwakalile osimulila, Yesu mwenyego kakwesa behi kailongoza nao. 16Wamona, lakini wafisigwa sikuwamjuwe. 17Yesu kawalongela, &#8220;Mosimulila usheha gani kuno mogenda?&#8221;</div><div class="p">Nao wema wanyamala tuluu, na vihanga vao vigela bazi kwa kunyunyuwala. 18Imoja wao yakemigwe Kileopa, kamuuza, &#8220;Vino, gweye wiiyeka ayo huli mwenekae wa Yelusalemu hujuwile mbuli zilawilile kuko sambi sambi?&#8221;</div><div class="p"> 19Kawauza, &#8220;Mbuli gani?&#8221;</div><div class="p">Nao wamwidika, &#8220;Mbuli zimulawilile Yesu wa Nazaleti, munhu ayo kakala mtula ndagu wa Imulungu na kakala yokoneka mgameso ga Imulungu na wanhu wose kamba kana udahi kwa kila kinhu kiyalongile na kiyatendile. 20Wakulu wa walava nhosa na vilongozi zetu wamgela mmakono yatagusigwe kufa, na yawambigwe mumsalaba. 21Na siye tutamanila kamba heyo ayo yonda yawakombole wanhu wa Izilaeli! Lakini lelo siku ya kadatu toka zilawilile mbuli zino. 22Watwanzi wayagwe wa mdibumbila jetu watukanganya, imitootondo wachola kuna dipanga, 23lakini hawaluvikile lukuli lwake. Wabwela walonga wawona wasenga wa kuulanga wawalongela kamba, Yesu mgima. 24Abaho wanhu wayagwe wa mkibumbila chetu wachola kuna dipanga na wavika vivija viwawalongele watwanzi awo, lakini hawamonile bule.&#8221;</div><div class="p"> 25Yesu kawalongela, &#8220;Mweye mwa wabozi, na mizoyo yenu midala kutogola gose galongigwe na watula ndagu wa Imulungu! 26Vino, halondigwa Kilisito Mkombola yadununzike kamba avo, abaho yengile muukulu wake?&#8221; 27Yesu kawasimulila gaja galongigwe na Maandiko Gang'alile mbuli yake mwenyego, kusongela mna ivitabu va Musa na maandiko ga watula ndagu wose wa Imulungu.</div><div class="p"> 28Viwavikile behi na ikijiji kiwakalile ochola, Yesu kaitenda kamba kogendelela na mwanza, 29lakini wamgoma ng'hani, olonga, &#8220;Ukale na siye, zuwa dihonga na ziza dokwingila.&#8221; Avo kagenda na kukala nao. 30Kakala hasi na kuja nao, kasola gate, kamgwaa nhogolwa Imulungu, abaho kadibanzula kawagwaa. 31Bahaja, meso gao gagubuligwa na wamjuwa, lakini kapotela mgameso gao. 32Wailongela, &#8220;Vino, mizoyo yetu hayakile na kimuhemuhe vitukalile mnzila kotulongela na kotusimulila Maandiko Gang'alile?&#8221;</div><div class="p"> 33Bahaja wenuka wabweleganya Yelusalemu, kuko wawavika wanahina longo na imoja wakala hamoja na wanhu wayagwe, 34olonga, &#8220;Mndewa kazilibuka kweli! Kamulawilila Simoni!&#8221;</div><div class="p"> 35Wanhu waja wawasimulila kija kiwalawilile mnzila, na vija viwamjuwile Yesu viyadibanzule gate.</div><div class="s">Yesu kowalawilila wanahina zake</div><div class="r">(Matayo 28:16-20; Maluko 16:14-18; Yohana 20:19-23; Sang'hano 1:6-8)</div><div class="p"> 36Wanhu waja viwakalile wang'hali owasimulila mbuli azo, bahaja Yesu kema hagati yao, kawalongela, &#8220;Zihozeni.&#8221;</div><div class="p"> 37Wasinhuka na kudumba wagesa okona mzimu. 38Lakini Yesu kawalongela, &#8220;Habali modumba na kunyawanyawa? 39Loleni makono gangu na magulu gangu, na mojuwa kamba ayo niye. Mbabaseni mojuwa, kwavija mzimu wabule lukuli na mizege, kamba vimnyona niye.&#8221;</div><div class="p"> 40Viyalongile avo, kawalagusila makono gake na magulu gake. 41Wakala wang'hali hawatogola, kwavija wakala odeng'helela na kukanganya, avo Yesu kawauza, &#8220;Mna kinhu chochose chakuja hano?&#8221; 42Wamgwaa kihande cha somba yakokigwe, 43kakisola, kakija mgameso gao.</div><div class="p"> 44Abaho kawalongela, &#8220;Mbuli zino azo ziniwalongeleni ving'halile hamoja na mweye, kamba gose gandikigwe mbuli ya niye mna Gamalagizo ga Musa, na gandikigwe na watula ndagu wa Imulungu, na Zabuli galondigwa galawilile.&#8221;</div><div class="p"> 45Baho kazigubula nzewele zao wadahe kugajuwa Maandiko Gang'alile. 46Kawalongela, &#8220;Vino avo yandikigwe, Kilisito Mkombola kolondigwa yadununzike na siku da kadatu kozilibuka kulawa kwa wafile, 47kwa twaga jake, usenga opetigwa kwa wanhu wa isi zose, kusongela Yelusalemu, ili waleke nzambi zao na Imulungu yazigele kumgongo. 48Na mweye awo wasindila wa mbuli azo. 49Na niye nowagalila ija iyalongile Tatangu. Lakini beteni kudibuga mbaka nguvu vonda iwezileni kulawa uchanha.&#8221;</div><div class="s">Yesu kogaligwa kuulanga</div><div class="r">(Maluko 16:19-20; Sang'hano 1:9-11)</div><div class="p"> 50Abaho kawalongoza kunze kudibuga mbaka Betania, ako kenula makono gake, kawatambikila. 51Viyakalile kowatambikila, kawaleka kagaligwa kuulanga. 52Wamtambikila na wabwela Yelusalemu kwa deng'ho kulu, 53kipindi chose wakala Mng'anda ya Imulungu na kumgwaa nhogolwa Imulungu.</div>
 </div>
 </div>
</div>

Jumapili imitootondo ng'hani, watwanzi waja wachola kudipanga, kuno wasola mavuta gonung'hila goya gawatandile. Wadivika idibwe dibimbilisigwa hamgwazo wa umulomo wa dipanga, avo wengila mdipanga, lakini hawaluwone lukuli lwa Mndewa Yesu. Wema aho kuno oikanganya mbuli ayo, bahaja wanhu wabili wavalile viwalo vizelu chuwee wema behi nao. Kuno wamema bwembwe, watwanzi waja waidulika hasi, wanhu waja wawalongela, “Habali momzahila munhu yeli mgima mna iwanhu wafile? Hano kahaduhu, kazilibuka. Kumbukeni vija viyawalongele viyakalile Galilaya. ‘Mwana wa Munhu kolondigwa yageligwe mmakono ga wanhu otenda nzambi, awo omuwamba mumsalaba, na siku ya kadatu kozilibuka!’ ”
Baho watwanzi waja wazikumbuka mbuli zake, Walawa mdipanga, na wawalongela wanahina longo na imoja mbuli zose zino na wanhu wayagwe. Watwanzi awo wakala, Malia Magidalena, Yoana na Malia mamake Yakobo, awo hamoja na watwanzi wayagwe wawalongela watumigwa mbuli azo. Lakini watumigwa wagesa kamba mbuli zilongigwe na iwatwanzi waja za ubozi, na hawawatogolele bule. Lakini Petulo kenuka na kakimbila mbaka kudipanga, kasungulila mgati, kayona sitili iiyeka. Abaho kabwela ukae kuno kokanganya kija kilawilile.


Siku didija wanahina wabili wa Yesu wakala ochola kuna ikijiji kimoja kikemigwe Emau, kikala utali wa kilometa longo na imoja kulawa Yelusalemu, wakala osimulila usheha wa mbuli zose zilawilile. Viwakalile osimulila, Yesu mwenyego kakwesa behi kailongoza nao. Wamona, lakini wafisigwa sikuwamjuwe. Yesu kawalongela, “Mosimulila usheha gani kuno mogenda?”
Nao wema wanyamala tuluu, na vihanga vao vigela bazi kwa kunyunyuwala. Imoja wao yakemigwe Kileopa, kamuuza, “Vino, gweye wiiyeka ayo huli mwenekae wa Yelusalemu hujuwile mbuli zilawilile kuko sambi sambi?”
Kawauza, “Mbuli gani?”
Nao wamwidika, “Mbuli zimulawilile Yesu wa Nazaleti, munhu ayo kakala mtula ndagu wa Imulungu na kakala yokoneka mgameso ga Imulungu na wanhu wose kamba kana udahi kwa kila kinhu kiyalongile na kiyatendile. Wakulu wa walava nhosa na vilongozi zetu wamgela mmakono yatagusigwe kufa, na yawambigwe mumsalaba. Na siye tutamanila kamba heyo ayo yonda yawakombole wanhu wa Izilaeli! Lakini lelo siku ya kadatu toka zilawilile mbuli zino. Watwanzi wayagwe wa mdibumbila jetu watukanganya, imitootondo wachola kuna dipanga, lakini hawaluvikile lukuli lwake. Wabwela walonga wawona wasenga wa kuulanga wawalongela kamba, Yesu mgima. Abaho wanhu wayagwe wa mkibumbila chetu wachola kuna dipanga na wavika vivija viwawalongele watwanzi awo, lakini hawamonile bule.”
Yesu kawalongela, “Mweye mwa wabozi, na mizoyo yenu midala kutogola gose galongigwe na watula ndagu wa Imulungu! Vino, halondigwa Kilisito Mkombola yadununzike kamba avo, abaho yengile muukulu wake?” Yesu kawasimulila gaja galongigwe na Maandiko Gang'alile mbuli yake mwenyego, kusongela mna ivitabu va Musa na maandiko ga watula ndagu wose wa Imulungu.
Viwavikile behi na ikijiji kiwakalile ochola, Yesu kaitenda kamba kogendelela na mwanza, lakini wamgoma ng'hani, olonga, “Ukale na siye, zuwa dihonga na ziza dokwingila.” Avo kagenda na kukala nao. Kakala hasi na kuja nao, kasola gate, kamgwaa nhogolwa Imulungu, abaho kadibanzula kawagwaa. Bahaja, meso gao gagubuligwa na wamjuwa, lakini kapotela mgameso gao. Wailongela, “Vino, mizoyo yetu hayakile na kimuhemuhe vitukalile mnzila kotulongela na kotusimulila Maandiko Gang'alile?”
Bahaja wenuka wabweleganya Yelusalemu, kuko wawavika wanahina longo na imoja wakala hamoja na wanhu wayagwe, olonga, “Mndewa kazilibuka kweli! Kamulawilila Simoni!”
Wanhu waja wawasimulila kija kiwalawilile mnzila, na vija viwamjuwile Yesu viyadibanzule gate.


Wanhu waja viwakalile wang'hali owasimulila mbuli azo, bahaja Yesu kema hagati yao, kawalongela, “Zihozeni.”
Wasinhuka na kudumba wagesa okona mzimu. Lakini Yesu kawalongela, “Habali modumba na kunyawanyawa? Loleni makono gangu na magulu gangu, na mojuwa kamba ayo niye. Mbabaseni mojuwa, kwavija mzimu wabule lukuli na mizege, kamba vimnyona niye.”
Viyalongile avo, kawalagusila makono gake na magulu gake. Wakala wang'hali hawatogola, kwavija wakala odeng'helela na kukanganya, avo Yesu kawauza, “Mna kinhu chochose chakuja hano?” Wamgwaa kihande cha somba yakokigwe, kakisola, kakija mgameso gao.
Abaho kawalongela, “Mbuli zino azo ziniwalongeleni ving'halile hamoja na mweye, kamba gose gandikigwe mbuli ya niye mna Gamalagizo ga Musa, na gandikigwe na watula ndagu wa Imulungu, na Zabuli galondigwa galawilile.”
Baho kazigubula nzewele zao wadahe kugajuwa Maandiko Gang'alile. Kawalongela, “Vino avo yandikigwe, Kilisito Mkombola kolondigwa yadununzike na siku da kadatu kozilibuka kulawa kwa wafile, kwa twaga jake, usenga opetigwa kwa wanhu wa isi zose, kusongela Yelusalemu, ili waleke nzambi zao na Imulungu yazigele kumgongo. Na mweye awo wasindila wa mbuli azo. Na niye nowagalila ija iyalongile Tatangu. Lakini beteni kudibuga mbaka nguvu vonda iwezileni kulawa uchanha.”


Abaho kawalongoza kunze kudibuga mbaka Betania, ako kenula makono gake, kawatambikila. Viyakalile kowatambikila, kawaleka kagaligwa kuulanga. Wamtambikila na wabwela Yelusalemu kwa deng'ho kulu, kipindi chose wakala Mng'anda ya Imulungu na kumgwaa nhogolwa Imulungu.

Listen to Luka 24