<div class="version vid1107 iso6393leu" data-vid="1107" data-iso6393="leu">
 <div class="book bkACT">
 <div class="chapter ch4" data-usfm="ACT.4">
 <div class="label">4</div><div class="s">A Mu Memai Ina Lotu Juda Ri Kuus Votan Na Pita Nare Jon Sena Fepitaa Pa Yesus</div><div class="p"> 1Saxano paamua ina lotu Juda xuvul pana memai keptin sina mu rabuna ina faxatangaana tang lifu lotu e saxano Sedusi sait, ri savat si Pita nare Jon layaan na Pita taxa ferawai xe sina mu rabuna. 2Nari, ri marala senaso a rovaat naang re taxa lo fapiti a mu rabuna pa Yesus e to fa'ulaian ti la maatan sina. E vaxa re xuus a malila o a mu rabuna taa to fa'ulaa lamina maatan siri senaso na Yesus a to fa'ulaa. 3Nari mu matalava aave ri marala faagut e ri yot na Pita nare Jon. Taasaxa ngaas faasilak i rul e voxo ri timin nare lana lifu ina vipisan fefexaxaas a yaan mui. 4Taasaxa maana rabuna xaves, faasilak 5,000, ri langai se Yesus e ri namkai.</div><div class="p"> 5A yaan mui, a mu paamua e mu matalava xuvul pana mu rabuna ina fepitaa pana vuputkai sina Piran, ri faxuvul pe Jerusalem. 6Na Aanas, a memai priis, a taagul pave, e na Kaiafas, Jon e na Aleksanda e saxano tau Aanas, ri taagul pave sait. 7Nari, ri xel fasavat na Pita nare Jon e re maa tigina lanori la bina ina tiisan. Re tigina pave e saxano tau Aanas ri fin nare, &#8220;Me vil faroxoi a maalapen aanabe' malaafaa? Pana so ta gutan? Lapaana gutan ina isise'?&#8221;</div><div class="p"> 8Na Pita, pana gutan sina Vovau Xaradak, a sui nari, &#8220;Nami, mu paamua sina rabuna e mu memai, 9tanin, mi taxa xel fatiginei nemaame sena faisok roxo maame fo vile sena maalapen aanabe' e mi taxa fin nemaame, &#8216;Nane naboxo a roxo malaafaa?&#8217; 10Lavaxa, maame vubuk o nami e mu rabuna xapiak ti Israel, mi taa texaas o mi fo punuk na Yesus Krais ti Nasaret, taasaxa Piran a fatatoi fa'ulie ti la maatan. E lapaana gutan si Yesus naboxo a mataa naang taxa tigina la matami e fo roxo xapiak. 11A xakalayan sina Piran a ferawai pa Yesus malaan layaan i taxa kuus pana newai:</div><div class="q1">&#8216;Nami mu rabuna ina vavesai, mi baian a wai aave taasaxa a Piran fo famati fa'ulie la vepen ina pungan fataxapiak.&#8217;#4:11 o: nami, mu rabuna ina vavesai, mi baian a faat aave taasaxa Piran fo timine la vepen ina faat mata. Yng 118:22</div><div class="m"> 12Pi ta xasa mataa fulaa a fexaxaas sena fakaxup netaara, na Yesus sang mon. A Piran a siak fatie xena fakaxup netaara e nane sang mon a salan ina roxoyan.&#8221;</div><div class="p"> 13Layaan ri xalum na Pita nare Jon re pife mataut, ri ipulan a vilaana sire senaso ri texaas o nare, re pi ta texaasan, re rovaat palau mon. E mui, ri lamon fa'uli a rovaat aave o re fo waan xuvul pa Yesus. 14E vaxa ri xalum a mataa tamu maalapen taxa tigina lanori e ri matakasam palau mon. 15E voxo, ri feng nare xe lamalei talo ri taa ferawai faxuvul. 16Ri fefiai, &#8220;Taara taa vil a so pana rovaat aanabe'? A mu rabuna xapiak pe Jerusalem ri texaas sena mo fa'ipul molava re fo vile e taara pife fexaxaas sena kuus o a bitan. 17Taara baian a xasanofuna ri taa langai sena. Lavaxa, taara taa kuus bukan nare talo re taa pife ferawai fulaa pana isi Yesus.&#8221;</div><div class="p"> 18E bak, ri xel fulan nare e ri fasei faagutan nare o re taa muta ferawai o fepitaa fulaa pana isi Yesus. 19Taasaxa na Pita nare Jon re sui nari e re kuus, &#8220;La matana Piran, nami sang mi lamon faati o a peraroxo naak, maame taa langai simi e pife sina Piran? 20Maame taa lo ferawai pana maana mo xapiak maame fo xalume e langaie.&#8221;</div><div class="p"> 21Fulaa, a mu paamua ri fasei faagutan nare e mui, na Pita nare Jon re ta'ulan nari. Ri pife lamon pana fakasanamaan nare senaso a mu rabuna ri kuus faasiroxo xe sina Piran pana faisok roxo nane fo vile 22senaso a mataa tamu maalapen a toxane pana mariaas sangafilu talafaat.</div><div class="s">A Mu Rabuna Aava Ri Namkai Ri Fenung</div><div class="p"> 23Layaan na Pita nare Jon re ta'ulan a mu paamua aave, re fe xuus fatexaas a mu fesing sire pana fefasaian sina mu memai priis e mu matalava. 24Layaan ri langaie, a xunus iri a faxuvul e ri fenung xe sina Piran e ri kuus, &#8220;Piran pana Gutan Xapiak, nano sang mon no fo vesan a vata, xavala, laman e a maana mo xapiak lana. 25E sena Vovau Xaradak siim no fo ferawai la ngusuna sisiak siim, na tamamaam, na Devit malaan:</div><div class="q1">&#8220;Xenaso a mu rabuna aava ri pife Juda ri sarak?</div><div class="q2">Xenaso a mu Israel ri lamon faagut pana mo ri vungut sena?</div><div class="q2"> 26A mu memai king la mu bina, ri faigotan nari xa</div><div class="q2">e a mu paamua ri faxuvul xena tisui a Piran</div><div class="q3">e a saxa aava nane fo noxole, a Mataa Failai sina.&#8221; Yng 2:1,2</div><div class="m"> 27A tuuna, na Herot nare Ponsus Pailat, a ro memai ti Rom, re fesavat sina mu Rom e mu rabuna ti Israel pe Jerusalem e ri fexuus kasam xena fasivi a Sisiak Xaradak siim, na Yesus aava nano Piran, no fo noxole. 28Lana gutan e texaasan siim a so ta mo no lamon faati o i taa savat, nari xo, ri fo fasavate. 29E naboxo, Memai, langai a kasalan siri e fagut a xunus imaam, mu sisiak siim, xena kuusan fasavat a Lagasai Roxo siim. 30Talangaimaan xe simaam pana gutan xena vil faroxoiaana rabuna e xena vil fasavat a mo fa'ipul e maana fakalimaanan lapaana isin sina Sisiak Xaradak siim, na Yesus.&#8221;</div><div class="p"> 31Lamina fenungan siri a nobina aava ri faxuvul lana a radakui e a Vovau Xaradak a fabas nari e ri fexuusan fasavat a ferawaian sina Piran pana gutan.</div><div class="s">A Fangaasixan Sina Mu Rabuna Aava Ri Namkai</div><div class="p"> 32A mu rabuna aava ri namkai, ri faxuvul lana lamonan e nasaman siri. Pi ta mataa felamon saxaie pana maana mo xapiak sina. Taasaxa ri femiraaxan a maana mo siri. 33Pana gutan molava paaliu, a mu yaamut si Yesus ri lo kuusan a to fa'ulaian si Memai Yesus e a Piran a tavai nari pana xakaavangan xatam molava sina. 34Piau ta saxa la palou iri fe piau ta mo, senaso a rabuna pana maana mo xaves ri faasot pana xavala o lifu siri e siak a maana faat ina 35e ri maa tatavai pana xe sina mu yaamut. E nari, ri tavai a mu valagof pana.</div><div class="p"> 36Na Yosep, a saxa ti lana pabung si Livai aava ri luxe pe Saipras, i taxa waan. A mu yaamut ri xalie pana xasa isin, na Baanabas, a malasuf ina a malaan: a mataa ina fagutaana rabuna. 37Nane faasot pana xavala sina e tavai a mu yaamut pana mu faat xapiak ina.</div>
 </div>
 </div>
</div>

Saxano paamua ina lotu Juda xuvul pana memai keptin sina mu rabuna ina faxatangaana tang lifu lotu e saxano Sedusi sait, ri savat si Pita nare Jon layaan na Pita taxa ferawai xe sina mu rabuna. Nari, ri marala senaso a rovaat naang re taxa lo fapiti a mu rabuna pa Yesus e to fa'ulaian ti la maatan sina. E vaxa re xuus a malila o a mu rabuna taa to fa'ulaa lamina maatan siri senaso na Yesus a to fa'ulaa. Nari mu matalava aave ri marala faagut e ri yot na Pita nare Jon. Taasaxa ngaas faasilak i rul e voxo ri timin nare lana lifu ina vipisan fefexaxaas a yaan mui. Taasaxa maana rabuna xaves, faasilak 5,000, ri langai se Yesus e ri namkai.
A yaan mui, a mu paamua e mu matalava xuvul pana mu rabuna ina fepitaa pana vuputkai sina Piran, ri faxuvul pe Jerusalem. Na Aanas, a memai priis, a taagul pave, e na Kaiafas, Jon e na Aleksanda e saxano tau Aanas, ri taagul pave sait. Nari, ri xel fasavat na Pita nare Jon e re maa tigina lanori la bina ina tiisan. Re tigina pave e saxano tau Aanas ri fin nare, “Me vil faroxoi a maalapen aanabe' malaafaa? Pana so ta gutan? Lapaana gutan ina isise'?”
Na Pita, pana gutan sina Vovau Xaradak, a sui nari, “Nami, mu paamua sina rabuna e mu memai, tanin, mi taxa xel fatiginei nemaame sena faisok roxo maame fo vile sena maalapen aanabe' e mi taxa fin nemaame, ‘Nane naboxo a roxo malaafaa?’ Lavaxa, maame vubuk o nami e mu rabuna xapiak ti Israel, mi taa texaas o mi fo punuk na Yesus Krais ti Nasaret, taasaxa Piran a fatatoi fa'ulie ti la maatan. E lapaana gutan si Yesus naboxo a mataa naang taxa tigina la matami e fo roxo xapiak. A xakalayan sina Piran a ferawai pa Yesus malaan layaan i taxa kuus pana newai:
‘Nami mu rabuna ina vavesai, mi baian a wai aave taasaxa a Piran fo famati fa'ulie la vepen ina pungan fataxapiak.’
Pi ta xasa mataa fulaa a fexaxaas sena fakaxup netaara, na Yesus sang mon. A Piran a siak fatie xena fakaxup netaara e nane sang mon a salan ina roxoyan.”
Layaan ri xalum na Pita nare Jon re pife mataut, ri ipulan a vilaana sire senaso ri texaas o nare, re pi ta texaasan, re rovaat palau mon. E mui, ri lamon fa'uli a rovaat aave o re fo waan xuvul pa Yesus. E vaxa ri xalum a mataa tamu maalapen taxa tigina lanori e ri matakasam palau mon. E voxo, ri feng nare xe lamalei talo ri taa ferawai faxuvul. Ri fefiai, “Taara taa vil a so pana rovaat aanabe'? A mu rabuna xapiak pe Jerusalem ri texaas sena mo fa'ipul molava re fo vile e taara pife fexaxaas sena kuus o a bitan. Taara baian a xasanofuna ri taa langai sena. Lavaxa, taara taa kuus bukan nare talo re taa pife ferawai fulaa pana isi Yesus.”
E bak, ri xel fulan nare e ri fasei faagutan nare o re taa muta ferawai o fepitaa fulaa pana isi Yesus. Taasaxa na Pita nare Jon re sui nari e re kuus, “La matana Piran, nami sang mi lamon faati o a peraroxo naak, maame taa langai simi e pife sina Piran? Maame taa lo ferawai pana maana mo xapiak maame fo xalume e langaie.”
Fulaa, a mu paamua ri fasei faagutan nare e mui, na Pita nare Jon re ta'ulan nari. Ri pife lamon pana fakasanamaan nare senaso a mu rabuna ri kuus faasiroxo xe sina Piran pana faisok roxo nane fo vile senaso a mataa tamu maalapen a toxane pana mariaas sangafilu talafaat.

Layaan na Pita nare Jon re ta'ulan a mu paamua aave, re fe xuus fatexaas a mu fesing sire pana fefasaian sina mu memai priis e mu matalava. Layaan ri langaie, a xunus iri a faxuvul e ri fenung xe sina Piran e ri kuus, “Piran pana Gutan Xapiak, nano sang mon no fo vesan a vata, xavala, laman e a maana mo xapiak lana. E sena Vovau Xaradak siim no fo ferawai la ngusuna sisiak siim, na tamamaam, na Devit malaan:
“Xenaso a mu rabuna aava ri pife Juda ri sarak?
Xenaso a mu Israel ri lamon faagut pana mo ri vungut sena?
A mu memai king la mu bina, ri faigotan nari xa
e a mu paamua ri faxuvul xena tisui a Piran
e a saxa aava nane fo noxole, a Mataa Failai sina.”
A tuuna, na Herot nare Ponsus Pailat, a ro memai ti Rom, re fesavat sina mu Rom e mu rabuna ti Israel pe Jerusalem e ri fexuus kasam xena fasivi a Sisiak Xaradak siim, na Yesus aava nano Piran, no fo noxole. Lana gutan e texaasan siim a so ta mo no lamon faati o i taa savat, nari xo, ri fo fasavate. E naboxo, Memai, langai a kasalan siri e fagut a xunus imaam, mu sisiak siim, xena kuusan fasavat a Lagasai Roxo siim. Talangaimaan xe simaam pana gutan xena vil faroxoiaana rabuna e xena vil fasavat a mo fa'ipul e maana fakalimaanan lapaana isin sina Sisiak Xaradak siim, na Yesus.”
Lamina fenungan siri a nobina aava ri faxuvul lana a radakui e a Vovau Xaradak a fabas nari e ri fexuusan fasavat a ferawaian sina Piran pana gutan.

A mu rabuna aava ri namkai, ri faxuvul lana lamonan e nasaman siri. Pi ta mataa felamon saxaie pana maana mo xapiak sina. Taasaxa ri femiraaxan a maana mo siri. Pana gutan molava paaliu, a mu yaamut si Yesus ri lo kuusan a to fa'ulaian si Memai Yesus e a Piran a tavai nari pana xakaavangan xatam molava sina. Piau ta saxa la palou iri fe piau ta mo, senaso a rabuna pana maana mo xaves ri faasot pana xavala o lifu siri e siak a maana faat ina e ri maa tatavai pana xe sina mu yaamut. E nari, ri tavai a mu valagof pana.
Na Yosep, a saxa ti lana pabung si Livai aava ri luxe pe Saipras, i taxa waan. A mu yaamut ri xalie pana xasa isin, na Baanabas, a malasuf ina a malaan: a mataa ina fagutaana rabuna. Nane faasot pana xavala sina e tavai a mu yaamut pana mu faat xapiak ina.

শুনুন Faisok sina mu Yaamut 4