<div class="version vid1107 iso6393leu" data-vid="1107" data-iso6393="leu">
 <div class="book bkACT">
 <div class="chapter ch22" data-usfm="ACT.22">
 <div class="label">22</div><div class="p"> 1Nane ferawai malaan, &#8220;Mu fetinan e mu matalava, naboxo langai a gel votaian siak.&#8221; 2Layaan ri langai o nane ferawai xe siri lana pok bina Erameik ri ti kasam paaliu.</div><div class="p">E mui na Pol a ferawai fulaa. 3&#8220;Nenia ve ne saxa Juda ti Taasus pe Silisia taasaxa ne fo molava nabe' Jerusalem. E na Gameliel a fapiti faroxoiau pana mu vuputkai sina butaara e ne usi fatak a Piran malaan semi nabe'. 4E vaxa ne fo kawaasan xapin nari aava ri usi a &#8216;Salan&#8217; aanabe'. Ne yot a mu rabuna tomexaan e lutefin xapiak e ne tapin falak nari xe lana lifu ina vipisan. 5E a memai priis e mu matalava ri texaas o a ferawaian siak a tuuna. E vaxa ne siak a lagasai siri xe sina mu Juda pe Damaaskas e voxo ne falet xe pave xena yot lisan a mu rabuna aave malaan sena mu vipis xe Jerusalem xena fakasanamaan nari.</div><div class="s">Na Pol A Kuusan Fasavat A Yaan Layaan Nane Puk A Lamonan Sina</div><div class="p"> 6&#8220;Faasilak la belo ne fe savat pe Damaaskas e fataapus a malang molava piis ti la xunavata a rarapak fakaliuanau. 7E ne poxo lapia e ne langai a ling aava xuusau, &#8216;Sol, Sol xenaso no taxa vil penganau?&#8217;</div><div class="p"> 8E ne fiai, &#8216;Memai nano nase'?&#8217;</div><div class="p">E nane kuus, &#8216;Nenia ve na Yesus ti Nasaret aava no taxa vil pengane.&#8217; 9E mu rabuna aava ri sangas xuvul paga ri xalum a malang aave taasaxa ri pife masam a ling aava ferawai xe siak.</div><div class="p"> 10E ne fiai, &#8216;Ne taa vil a so?&#8217;</div><div class="p">E a Memai a kuus, &#8216;Tamasiak e no falet xe Damaaskas e pave no taa texaas sena maana mo aava Piran a vubuk o no taa vile.&#8217; 11E mu fesing siak ri tawi la maak e ri lisanau xe Damaaskas senaso a malang rarapak fo fapiifau.</div><div class="p"> 12&#8220;E pave saxa mataa, isina na Ananaias, maa xalumau. Nane usi fatak a mu vuputkai sitaara e mu Juda pave ri suai sena. 13Nane tigina la taak e a kuus, &#8216;Tiak Sol, kaalum fulaa!&#8217; E monabe' mon ne fexaxaas sena xalume.</div><div class="p"> 14&#8220;E mui nane xuusau, &#8216;A Piran sina mu butaara fo siak fati nano talo no taa texaas sena vubuxanan tuuna sina e no taa xalum a Saxa aava xaradak e no taa langai a ferawaian ti la ngusuna fatak. 15E no taa kuus xakaavang pana maana mo aava no fo xalume e langaie xe sina mu rabuna xapiak. 16E naboxo no taxa nai bang a so? Tamasiak e no taa fasufan e gei tapin a mu vilaana saat siim lana isi Yesus.&#8217;</div><div class="s">Na Pol A Kuus O A Piran A Fenge Xe Sina Mu Rabuna Aava Ri Pife Juda</div><div class="p"> 17&#8220;Ne ulaa xe Jerusalem e layaan ne taxa fenung pave la tang lifu lotu ne toxan a xakaaluman. 18E lana xakaaluman aanabe' a Memai taxa ferawai xe siak malaan, &#8216;Fataapus, ta'ulan na Jerusalem, senaso nabe' ri taa pife turoxo pana ferawaian siim, sega.&#8217;</div><div class="p"> 19&#8220;E ne kuus, &#8216;Memai, a mu rabuna nabe' ri texaas o lumu ne fuuna lo falet xolai xe lana mu lifu ina faxuvulan e ne sip nari e ne pis nari aava ri namkai sema. 20E layaan a ria ina sisiak fatak siim, na Stefan, a tiuanan, nenia, ne kuus turoxo pana e ne tigina faasilak xena faxatang a marapi siri aava ri taxa punuxe.&#8217;</div><div class="p"> 21&#8220;E mui a Memai a xuusau, &#8216;Falet, ne taa feng nano xe lasuun xe sina mu rabuna aava ri pife Juda.&#8221;</div><div class="s">Rao Ri Taa Tiis Na Pol Pana Ferawaian Sina</div><div class="p"> 22Lavaxa, a malila ri langai si Pol fefexaxaas a ferawai malaan. E mui ri xukulai faagut paaliu, &#8220;Punuxe, a xavala taa peraroxo tamo i taa maat.&#8221;</div><div class="p"> 23Ri taxa xukulai e falep a marapi siri e ri taxa tapin falak a pof xe laa'ui 24e voxo a keptin a kuus faagut o ri taa lisan falak na Pol xe lana bina sina rabuna ina fevisan. E nane fasei nari o ri taa inis na Pol talo ri taa texaas tuuna sena fufuna maraleian sina mu rabuna sena. 25Taasaxa layaan ri fo pise xena inise, na Pol a fin a sensurian, &#8220;Naak mi taa inis a saxa ti Rom aava ri pife tiis lunaiane, bo?&#8221; 26E layaan a sensurian a langaie, nane fe kuusane xe sina keptin sina. E a fine, &#8220;A so ta mo no taxa vile, a mataa aapave a saxa tuuna ti Rom.&#8221; 27E voxo a keptin fe fin na Pol, &#8220;Xuusau, nano, no saxa ti Rom, bo?&#8221; E na Pol a suie, &#8220;Aang!&#8221;</div><div class="p"> 28E mui a keptin a kuus, &#8220;Nenia, ne maraan a vepen ina taagulan siak pana maana faat xaves.&#8221; E na Pol a suie, &#8220;Taasaxa, nenia, ne fo siaxe ti la yaan ina luluuxan siak.&#8221; 29E nari aava ri vubuk o ri taa fin na Pol pana maana fiaian xaves, ri ta'ulai fataapus mon. A keptin a mataut layaan a texaas o nane fo pis na Pol, saxa tuuna ti Rom.</div><div class="s">Na Pol A Savat La Nona Faxuvulan Sina Mu Paamua Ri Xalie Pana Saniidrin</div><div class="p"> 30A keptin aave a buk texaas sena so ta mo a mu Juda ri taxa gel tifi na Pol pana. E voxo a yaan mui nane mulus na Pol e fasei a mu paamua priis e mu matalava ina Saniidrin o ri taa faxuvul. E bak nane siak lisan na Pol e fatigineie la nori.</div>
 </div>
 </div>
</div>

Nane ferawai malaan, “Mu fetinan e mu matalava, naboxo langai a gel votaian siak.” Layaan ri langai o nane ferawai xe siri lana pok bina Erameik ri ti kasam paaliu.
E mui na Pol a ferawai fulaa. “Nenia ve ne saxa Juda ti Taasus pe Silisia taasaxa ne fo molava nabe' Jerusalem. E na Gameliel a fapiti faroxoiau pana mu vuputkai sina butaara e ne usi fatak a Piran malaan semi nabe'. E vaxa ne fo kawaasan xapin nari aava ri usi a ‘Salan’ aanabe'. Ne yot a mu rabuna tomexaan e lutefin xapiak e ne tapin falak nari xe lana lifu ina vipisan. E a memai priis e mu matalava ri texaas o a ferawaian siak a tuuna. E vaxa ne siak a lagasai siri xe sina mu Juda pe Damaaskas e voxo ne falet xe pave xena yot lisan a mu rabuna aave malaan sena mu vipis xe Jerusalem xena fakasanamaan nari.

“Faasilak la belo ne fe savat pe Damaaskas e fataapus a malang molava piis ti la xunavata a rarapak fakaliuanau. E ne poxo lapia e ne langai a ling aava xuusau, ‘Sol, Sol xenaso no taxa vil penganau?’
E ne fiai, ‘Memai nano nase'?’
E nane kuus, ‘Nenia ve na Yesus ti Nasaret aava no taxa vil pengane.’ E mu rabuna aava ri sangas xuvul paga ri xalum a malang aave taasaxa ri pife masam a ling aava ferawai xe siak.
E ne fiai, ‘Ne taa vil a so?’
E a Memai a kuus, ‘Tamasiak e no falet xe Damaaskas e pave no taa texaas sena maana mo aava Piran a vubuk o no taa vile.’ E mu fesing siak ri tawi la maak e ri lisanau xe Damaaskas senaso a malang rarapak fo fapiifau.
“E pave saxa mataa, isina na Ananaias, maa xalumau. Nane usi fatak a mu vuputkai sitaara e mu Juda pave ri suai sena. Nane tigina la taak e a kuus, ‘Tiak Sol, kaalum fulaa!’ E monabe' mon ne fexaxaas sena xalume.
“E mui nane xuusau, ‘A Piran sina mu butaara fo siak fati nano talo no taa texaas sena vubuxanan tuuna sina e no taa xalum a Saxa aava xaradak e no taa langai a ferawaian ti la ngusuna fatak. E no taa kuus xakaavang pana maana mo aava no fo xalume e langaie xe sina mu rabuna xapiak. E naboxo no taxa nai bang a so? Tamasiak e no taa fasufan e gei tapin a mu vilaana saat siim lana isi Yesus.’

“Ne ulaa xe Jerusalem e layaan ne taxa fenung pave la tang lifu lotu ne toxan a xakaaluman. E lana xakaaluman aanabe' a Memai taxa ferawai xe siak malaan, ‘Fataapus, ta'ulan na Jerusalem, senaso nabe' ri taa pife turoxo pana ferawaian siim, sega.’
“E ne kuus, ‘Memai, a mu rabuna nabe' ri texaas o lumu ne fuuna lo falet xolai xe lana mu lifu ina faxuvulan e ne sip nari e ne pis nari aava ri namkai sema. E layaan a ria ina sisiak fatak siim, na Stefan, a tiuanan, nenia, ne kuus turoxo pana e ne tigina faasilak xena faxatang a marapi siri aava ri taxa punuxe.’
“E mui a Memai a xuusau, ‘Falet, ne taa feng nano xe lasuun xe sina mu rabuna aava ri pife Juda.”

Lavaxa, a malila ri langai si Pol fefexaxaas a ferawai malaan. E mui ri xukulai faagut paaliu, “Punuxe, a xavala taa peraroxo tamo i taa maat.”
Ri taxa xukulai e falep a marapi siri e ri taxa tapin falak a pof xe laa'ui e voxo a keptin a kuus faagut o ri taa lisan falak na Pol xe lana bina sina rabuna ina fevisan. E nane fasei nari o ri taa inis na Pol talo ri taa texaas tuuna sena fufuna maraleian sina mu rabuna sena. Taasaxa layaan ri fo pise xena inise, na Pol a fin a sensurian, “Naak mi taa inis a saxa ti Rom aava ri pife tiis lunaiane, bo?” E layaan a sensurian a langaie, nane fe kuusane xe sina keptin sina. E a fine, “A so ta mo no taxa vile, a mataa aapave a saxa tuuna ti Rom.” E voxo a keptin fe fin na Pol, “Xuusau, nano, no saxa ti Rom, bo?” E na Pol a suie, “Aang!”
E mui a keptin a kuus, “Nenia, ne maraan a vepen ina taagulan siak pana maana faat xaves.” E na Pol a suie, “Taasaxa, nenia, ne fo siaxe ti la yaan ina luluuxan siak.” E nari aava ri vubuk o ri taa fin na Pol pana maana fiaian xaves, ri ta'ulai fataapus mon. A keptin a mataut layaan a texaas o nane fo pis na Pol, saxa tuuna ti Rom.

A keptin aave a buk texaas sena so ta mo a mu Juda ri taxa gel tifi na Pol pana. E voxo a yaan mui nane mulus na Pol e fasei a mu paamua priis e mu matalava ina Saniidrin o ri taa faxuvul. E bak nane siak lisan na Pol e fatigineie la nori.

শুনুন Faisok sina mu Yaamut 22