<div class="version vid1107 iso6393leu" data-vid="1107" data-iso6393="leu">
 <div class="book bkACT">
 <div class="chapter ch12" data-usfm="ACT.12">
 <div class="label">12</div><div class="s">A Yaan Saat A Savat Fulaa Xe Sina Mu Rabuna Aava Ri Namkai</div><div class="p"> 1Lana yaan aanabe' na Herot, a memai ti Rom, a yot a saxano rabuna aava ri namkai xena punuxaan nari. 2Nane patal a putu Jems, na ti Jon 3e layaan nane texaas o a vupunuxan aanabe' a vil fafaamamaas a mu Juda, nane yot na Pita vaxa. A mo aanabe' a savat la yaan ina fenamo lava ri xalie pana &#8216;Fenamo Ina Bret Aava Piau Ta Yiis.&#8217; 4Lamina yotaan na Pita nane timine lana lifu ina vipisan. A rabuna ina fevisan, talafaat pa talafaat, ri faxatange senaso na Herot a vubuk o i taa tiis na Pita la matana mu rabuna lamina Paaliuan.</div><div class="p"> 5Na Pita taxa waan lana lifu ina vipisan e a mu rabuna aava ri namkai, ri taxa lo fenung xe sina Piran pana.</div><div class="s">A Piran A Feng A Angelo Xena Mulus Tapin Na Pita</div><div class="p"> 6La vung, paamuina yaan na Herot taa xel na Pita xe la lifu ina tiisan, na Pita taxa matef la palou ina saxa rovaat ina faxatang votai. Re pis fatateaxe pana &#8216;sein&#8217; taragua e xasa rovaat re ti faxatang la matana lifu ina vipisan. 7Saxa angelo sina Piran a savat fa'ipul e a malang a lating a lana lifu ina vipisan. A angelo aave a sip fapungan na Pita. Nane kuus, &#8220;Fataapus, tamasiak!&#8221; e a ro &#8216;sein&#8217; tateak aava ri pis a mana pana re tamulus palau ti pave la mana.</div><div class="p"> 8E mui, a angelo a xuuse, &#8220;Falak a marapi e a &#8216;slipa&#8217; siim.&#8221; E na Pita a vile. E a angelo a xuus fulane, &#8220;Xafut a taam pana marapi ina vupungan siim e no usiau.&#8221; 9Na Pita a usie ti lana lifu ina vipisan, taasaxa nane pife texaas o a maana mo aanabe' ri taxa savat la matavas senaso nane lamon o i taxa mif. 10Re falet e fe xasliu a saxa rovaat ina faxatang votai e a saxa rovaat fulaa e re fe savat la matana lifu ina vipisan aava xakas xe la matana bina lava. A matana a talakas palau e re savat et xe lamalei. Re taxa sangas falet la salan e fataapus a angelo moxo a malit palau se Pita.</div><div class="p"> 11E mui a lamonan si Pita a ulaa e a felamon, &#8220;Naboxo ne texaas o a Piran fo feng a angelo sina xena siak tapinau se Herot e sena maana mo xaves aava mu Juda ri buk rao ri taa vile sega.&#8221;</div><div class="p"> 12Layaan nane texaas faroxo nane falet xe la lifu si Maria, na nina Jon Maak. Pave, a rabuna xaves ri taxa fenung faxuvul. 13Na Pita a pit a matana lifu ti lamalei e a sisiak tefin, a isina na Roda, a savat xena tatexaas o nase' ve lamalei. 14Layaan nane taraxali a ling i Pita, nane faamamaas faagut. Nane rao i ulaa xena xuus fatexaas a mu rabuna pana, taasaxa pife kas a matana lifu. Nane xukulai et xe siri lana lifu, &#8220;Na Pita pe taxa tigina la matana lifu.&#8221;</div><div class="p"> 15E ri xuuse, &#8220;No ngong.&#8221; Taasaxa nane fasasong faagut pana e ri xuuse, &#8220;Pife nane, naak a angelo sina pave.&#8221;</div><div class="p"> 16La matana lifu, na Pita taxa lo vipit lunai e layaan ri kase, ri ipul faagut sena. 17Na Pita a talangai xe siri rao ri taa matakasam e a xuus fatexaas nari malaafaa a Piran fo siak tapine ti lana lifu ina vipisan. Na Pita a kuus, &#8220;Xuus fatexaas na Jems e mu fetinan pana.&#8221; E mui nane ta'ulan nari e falet xe la xasa bina fulaa.</div><div class="p"> 18La paanen a mu rabuna ina faxatang votai ri felagafai xolai e ri fiai, &#8220;Faa na Pita?&#8221; 19Na Herot a fasei a mu rabuna ina faxatang votai o ri taa seng faagutan na Pita, taasaxa ri seng maat.</div><div class="s">A Maatan Si Herot</div><div class="p">E mui na Herot a fin faxavesan a mu rabuna ina faxatang votai pana e a fasei nari o ri taa maat tamo ri pife tingin na Pita. Lamina, na Herot a ta'ulan na Judia e fe taagul pe Sesaria. 20Nane fo mo fepialai xuvul pana mu rabuna ti la ro bina, Tair e Saidan. E naboxo, ri fevubuxan o nari, ri taa ferawai xuvul pa Herot. Ri feng a saxano rabuna ti la palou iri xe sina. E nari, ri xel na Balasus, saxa sisiak lava si Herot, rao i taa xavang nari pana fenungan siri xena faluai a xunus i Herot senaso a mu rabuna ti pe la ro bina siri, ri fuuna siak fanganan ti la bina si Herot.</div><div class="p"> 21La yaan fatak, na Herot pana marapi ina piranan sina a nai la vena nai piranan sina e a ferawai xe sina mu rabuna. 22Nari, ri xukulai faavupuul, &#8220;A ling aanabe' a ling ina piran, pife ling ina mataa mon.&#8221; 23Fataapus, saxa angelo sina Piran a sip tuunei na Herot pana giisan lava senaso nane pife suai sena Piran. A mo malaan sena xanipit ri ngane e nane maat.</div><div class="p"> 24A ferawaian sina Piran taxa lo fala fepatok e a xakatan ina mu rabuna aava ri namkai taxa lo molava et.</div><div class="p"> 25Pevoxo, na Baanabas nare Sol re fo lisan a faat xe sina mu fetinan pe Jerusalem e layaan re fataxapin a faisok sire re ta'ulan a bina aave e re ulaa xe puaa Antiaak. Na Jon Maak a falet xuvul pare.</div>
 </div>
 </div>
</div>

Lana yaan aanabe' na Herot, a memai ti Rom, a yot a saxano rabuna aava ri namkai xena punuxaan nari. Nane patal a putu Jems, na ti Jon e layaan nane texaas o a vupunuxan aanabe' a vil fafaamamaas a mu Juda, nane yot na Pita vaxa. A mo aanabe' a savat la yaan ina fenamo lava ri xalie pana ‘Fenamo Ina Bret Aava Piau Ta Yiis.’ Lamina yotaan na Pita nane timine lana lifu ina vipisan. A rabuna ina fevisan, talafaat pa talafaat, ri faxatange senaso na Herot a vubuk o i taa tiis na Pita la matana mu rabuna lamina Paaliuan.
Na Pita taxa waan lana lifu ina vipisan e a mu rabuna aava ri namkai, ri taxa lo fenung xe sina Piran pana.

La vung, paamuina yaan na Herot taa xel na Pita xe la lifu ina tiisan, na Pita taxa matef la palou ina saxa rovaat ina faxatang votai. Re pis fatateaxe pana ‘sein’ taragua e xasa rovaat re ti faxatang la matana lifu ina vipisan. Saxa angelo sina Piran a savat fa'ipul e a malang a lating a lana lifu ina vipisan. A angelo aave a sip fapungan na Pita. Nane kuus, “Fataapus, tamasiak!” e a ro ‘sein’ tateak aava ri pis a mana pana re tamulus palau ti pave la mana.
E mui, a angelo a xuuse, “Falak a marapi e a ‘slipa’ siim.” E na Pita a vile. E a angelo a xuus fulane, “Xafut a taam pana marapi ina vupungan siim e no usiau.” Na Pita a usie ti lana lifu ina vipisan, taasaxa nane pife texaas o a maana mo aanabe' ri taxa savat la matavas senaso nane lamon o i taxa mif. Re falet e fe xasliu a saxa rovaat ina faxatang votai e a saxa rovaat fulaa e re fe savat la matana lifu ina vipisan aava xakas xe la matana bina lava. A matana a talakas palau e re savat et xe lamalei. Re taxa sangas falet la salan e fataapus a angelo moxo a malit palau se Pita.
E mui a lamonan si Pita a ulaa e a felamon, “Naboxo ne texaas o a Piran fo feng a angelo sina xena siak tapinau se Herot e sena maana mo xaves aava mu Juda ri buk rao ri taa vile sega.”
Layaan nane texaas faroxo nane falet xe la lifu si Maria, na nina Jon Maak. Pave, a rabuna xaves ri taxa fenung faxuvul. Na Pita a pit a matana lifu ti lamalei e a sisiak tefin, a isina na Roda, a savat xena tatexaas o nase' ve lamalei. Layaan nane taraxali a ling i Pita, nane faamamaas faagut. Nane rao i ulaa xena xuus fatexaas a mu rabuna pana, taasaxa pife kas a matana lifu. Nane xukulai et xe siri lana lifu, “Na Pita pe taxa tigina la matana lifu.”
E ri xuuse, “No ngong.” Taasaxa nane fasasong faagut pana e ri xuuse, “Pife nane, naak a angelo sina pave.”
La matana lifu, na Pita taxa lo vipit lunai e layaan ri kase, ri ipul faagut sena. Na Pita a talangai xe siri rao ri taa matakasam e a xuus fatexaas nari malaafaa a Piran fo siak tapine ti lana lifu ina vipisan. Na Pita a kuus, “Xuus fatexaas na Jems e mu fetinan pana.” E mui nane ta'ulan nari e falet xe la xasa bina fulaa.
La paanen a mu rabuna ina faxatang votai ri felagafai xolai e ri fiai, “Faa na Pita?” Na Herot a fasei a mu rabuna ina faxatang votai o ri taa seng faagutan na Pita, taasaxa ri seng maat.

E mui na Herot a fin faxavesan a mu rabuna ina faxatang votai pana e a fasei nari o ri taa maat tamo ri pife tingin na Pita. Lamina, na Herot a ta'ulan na Judia e fe taagul pe Sesaria. Nane fo mo fepialai xuvul pana mu rabuna ti la ro bina, Tair e Saidan. E naboxo, ri fevubuxan o nari, ri taa ferawai xuvul pa Herot. Ri feng a saxano rabuna ti la palou iri xe sina. E nari, ri xel na Balasus, saxa sisiak lava si Herot, rao i taa xavang nari pana fenungan siri xena faluai a xunus i Herot senaso a mu rabuna ti pe la ro bina siri, ri fuuna siak fanganan ti la bina si Herot.
La yaan fatak, na Herot pana marapi ina piranan sina a nai la vena nai piranan sina e a ferawai xe sina mu rabuna. Nari, ri xukulai faavupuul, “A ling aanabe' a ling ina piran, pife ling ina mataa mon.” Fataapus, saxa angelo sina Piran a sip tuunei na Herot pana giisan lava senaso nane pife suai sena Piran. A mo malaan sena xanipit ri ngane e nane maat.
A ferawaian sina Piran taxa lo fala fepatok e a xakatan ina mu rabuna aava ri namkai taxa lo molava et.
Pevoxo, na Baanabas nare Sol re fo lisan a faat xe sina mu fetinan pe Jerusalem e layaan re fataxapin a faisok sire re ta'ulan a bina aave e re ulaa xe puaa Antiaak. Na Jon Maak a falet xuvul pare.

শুনুন Faisok sina mu Yaamut 12