MALAKI 4
KARB

MALAKI 4

4
Hemphu Arni Nangletang-lo
1Pima chininon, anekethe atum lapen kehingno keklem atum an sok anar ason cheplangdetji, la pherang nangnak kar-ang arni nangletang lo; halaso arni halatum aphan me chodetpo, pusi muluk a-Hemphu pulo, lasonsi angkur lapen arota sasedetpo. 2Bonta Nemen aphan kephere la nangtum aphan athikpet arni avengkong pen keso-kepamejisi vangpo. Chainong asole aroi pen kebar pakedakphro asonsi nangtum damlongpo. 3Lapen nangtum kehingno atum aphan dong-longpo, pima Ne keklemji arni halatum nangtum akengpak arum athek-lo plangpo, pusi muluk a-Hemphu pulo.
4Neban Moses aron chemathathu non, Ne Horeb anglong athak Israel atum an aphan pusi Ne alangli phan keraitang aron lapen kangsai-i aron-heihei hukum pilo.
5Chininon, Hemphu thepik lapen pherememe arni nangkele aphrang Ne nangtum along Elijah montri nangtoipo. 6Lapen alangli apo atum aning osomar anat tevarpo, lapen osomar atum aning apo atum anat tevarpo, kalite Ne vangsi isi ahirjuno pen det pavirpo.

©2010 Bible Society of India

Learn More About BAIBEL KANGTHIR